Pathau mikva saong taong abih gauk! Peih bruk pathau khan pato pakai hukum saong chỉ thị 32 di mban bí thư TƯ đảng ka patagok bruk tacei pato di đảng ngan saong bruk pathau khan pato pakai hukum, di Đắc Lắc, gah tư pháp hu pambuak bruk khang kajap saong pakat ủy, karja, kapul nyaom dom puk palei kham merat ba hukum mai cơ sở, dak harei dak paglaong bruk thau saong ngak tui hukum ka urang jakar saong bhap bini bangsa takik dalam tỉnh. Kadha vak di Tiến Anh – urang vak di rayo sap ndom VN:

Ngan saong Đắc Lắc bruk ba hukum mai tal bhap bini bangsa, bhum atah bayah, bhum biak kan kandah hu jeng bruk njuak ngak di taong abih hệ thống chính trị. Dalam bruk pathau khan hukum ka bhap bini bangsa, Đắc lắc hu pandar urang pambuak bruk, urang pathau khan lac akaok palei saong dom urang pathau khan halan hatian lac urang bangsa di puk palei piah ndom ka bhap bini drei pang. Ini lac jalan ngak hu kein laba kayua urang lac urang thau sap ndom panuac puac, thau adat cambat di mikva drei.

Tui jalan ngak lac njauk ba hukum tal yaok labik, yaok sang, sở tư pháp Đắc lắc hu pambuak bruk saong dom ngành, dom đơn vị dalam bruk pathau khan hukum ka dom urang dalam ngành, dalam đơn vị tổ chức di drei. Dom asal, dom chỉ thị, sarak di đảng, hukum di karja jeng hu in meng dua sap: sap phổ thông saong sap Ê đê peih brei saoh ka bhap bini saong ba tabiak gam gam angaok dom phương tiện thông tin đại chúng nan ye ong Phạm Minh Long, akaok kapul urang dahlau daih ngak bol lin xã Chư Pưng, ban sit Krong Buk saong bhap bini dalam tỉnh jeng thau hu thông tin hukum cần thiết. Meng nan, Đắc Lắc paglaong akaok saneng hukum ka yaok urang.

 “Gah công an, mặt trận pathau khan gam gam ka bhap bini thau cambaih ka nội quy, dom quy định di karja piah urang thau quyền saong nghĩa vụ tui hukum… Tapa nan, bruk  ngak tui hukumhu siam jang”.

Min, tui ong Trần Trung Hiếu, akaok duk pathau khan, sở tư pháp Đắc Lắc, kapul urang ngak bruk pathau khan oh ka hu ralo ilamu. Urang takik thau ka adat cambat tanarakun saong oh gheih ndom sap bangsa. Abih di nyu nan lac, bruk pathau khan hukum oh ka lagaih, ngak tui jalan klak. Dalam tuk nan, hu ralo puk palei oh ka sangka tal bruk pathau khan hukum, jien buh tame ka bruk ini saong menuac ngak bruk ini biak takik.  

 “Lac bhum atah bayah, bhap bini bangsa takik ralo meng kan kandah nan ye karja palei bhian pataom tame bruk kinh tế, patruh eik patruh kathaot… takik sangka tal bruk pathau khan, pato pakai hukum. Kapul urang ngak bruk pathau khan hukum di palei daok takik, urang jakar thau cambaih hukum ye oh ndom gheih sap bangsa”.

Piah ka bruk pathau khan pato pakai hukum hu tame dalam saong hu kein lagaih jang, dom pakat ủy, karja di Đắc Lắc brei sangka tacei pato jang dalam bruk peih ngak saong njauk maong iek ini lac bruk praong. Meng nan, dak harei dak ngak ka urang thau tal hukum, ngak salih barau dalam akaok saneng di bhap bini, paglaong bruk ngak tui hukum, daong ngak brei bhian randap diuk rai saong ngak bruk tui hukum di bhap bini./.