Dom harei tapa, ban raya Hồ Chí Minh daok chreih chrai hu taduan raok dom urang anek anit ranam di negar – dom urang jakar, urang lin hadah trah di gah hải quân, cảnh sát tasik Việt Nam dalam mbang mai ravang, taom gaok ndom biai nao mai haong dam dara urang đoàn, urang ngak, urang kumei ban raya saong bhapbini. Dom mbang pataom gaok, yaom lac katut min ndung bak rilo cam xuc, daong ka urang thau jang ka raidiuk rilo kan kandah, tuk halei jeng caga methuh, halan hatian var klaak rup drei di dom urang lin labik akaok riyak, jhung ngin. Daa mikva saong grauk yut klah rabha dom cam xuc ini tapa kadha vak : “ dalikan dom urang lin tasik” di urang vak Ngoc Xuan, daok di ban raya HCM :

Thun ini umo ginup 20 thun, min di binh nhất Nguyễn Thái Sơn, urang lin pulao  Sinh Tồn Đông di Lữ đoàn 146, hu mboh bruk khang kadang, can trường di sa urang lin tasik. Jaik sa thun dahlau, Thái Sơn tagok jalan nao ngak lin saong tame Hải quân bhapbini Việt Nam tuk daok  bac…Binh nhất Nguyễn Thái Sơn ndom lac : Raidiuk langiu nan biak bui sambai, yaom lac kurang, atah sang, min meng nan bo jum pataom gauk, daok dang haong gauk biak siam. Dahlak sanya lac tuk mai veik daok njauk saong angan lac urang lin Trường Sa, patui ngak siam abih bruk di drei”

 Thượng úy Trần Như Hùng – dahlau thiah lac sa gru pato sử, hu ba tame bol bala hadei di tuk bac salah Đại học Sư phạm. Bruk hadah mbaok di saai lac hu nao ngak bruk di quần đảo Trường Sa, tỉnh Khánh Hòa, ngak Chính trị viên labik B đảo Tốc Tan. Barau sa thun di pulao hu caik veik ka saai biak rilo kadha kan var hu.  Thượng úy Trần Như Hùng ndom lac : Raidiuk di urang jakar, urang lin langiu pulao hu dom kan kandah gah langik tasik, dieu kien địa lý jeng ye atah sang. Min, lac urang lin ye oh huac di kan kandah, abih di nyu nan lac urang lin Trường Sa ye njauk kham merat jang. Kol drei jeng hu bruk sangka, ba mbuan lagaih di dom urang pan akaok Dang, karja, bol bala, abih di nyu nan lac bhapbini dalam taneh ia, dalam nan hu Đảng bộ saong bhapbini ban raya hu daong brei biak  rilo, daong ka kol dahlak  ngak siam bruk langiu pulao.

Dom mbang taom gaok nyu ngak brei kajap jang talei rohim di bol bala saong bol bhap rahra, khik caga chu quyen tasik pulao. Amuk Nguyễn Thị Thu, akaok Liên đoàn Lao động ban raya ndom lac : Tapa dom mbang taom gaok nan lac dom kreih camin piah abih gauk kham merat saong ngak bruk siam jang piah thau dhar phor bruk ba pren yava di dom urang jakar, urang lin khik caga chu quyen tasik pulao palei negar. Tapa nan, jeng piah ka abih gauk mboh hu trach nhiem di drei ka taneh ia, diuk saong ngak bruk nghiem tuc piah  hu siam lagaih jang.

Labik akaok tabung negar, yaom lac dang anak dom hiểm nguy, kan kandah, min dom urang lin pulao saong kapul canh sat tasik jeng harei melam daok hu mbaok khik caga, khang kajap labik akaok riyak, jhung ngin saong gah likuk lac abih  bangsa Việt Nam./.

Thúy Linh