Urak ini, meng bruk pambuak gauk di dom pakat, dom gah saong bruk hu mbaok di taong abih manuac sia dalam  xã hội, tỉnh Bình Dương daok jeng labik hadah di taneh ia ka bruk khik caga alam moi truong. Dalam nan, kapul dam dara urang đoàn di tỉnh hu rilo jalan ngak hadah krah, jeng sa kapul ba akaok dalam bruk khik caga alam moi truong hacih  sa-at, salamat.    

Mai tal Binh Duong dalam dom harei puac adit, thaot binguk bhian randap bo rilo urang hu mboh nan lac yaok kapul nyaom dam dara nao paok klak, plaik trun dom kalaoh yaih khan oh njauk adat, pataom mek hareik di dom jalan atau sraong nyei di dom ribaong kraong. Nan lac bruk ngak hu khik ramik meng rilo thun ini mai dalam bruk jak ba “Harei sanecar halan hatian”, “Harei adit hijao” saong bruk jak ba “Khik caga kraong ia bhum adei” kayua Tỉnh đoàn Bình Dương peih tabiak. Ngan saong dom bruk ngak suai lavik saong siam lagaih yau nan, dom thun tapa, Bình Dương tuk halei jeng lac tỉnh nao dahlau dalam bruk khik caga alam moi truong, rik daong biak praong dalam  bruk pacang caga dom janih jit ruak yau laar dom, pandiak tabiak darah atau ruak meta bhong. Ayut Hứa Trọng Duy, bac thun ka 3, Khoa công tác xã hội, Sang bac Đại học Thủ Dầu Một, tỉnh Bình Dương khan lac: " Dalam bruk ngak meng blaoh ye dahlak saong dom ayut sinh viên hu tame dom kalup kapul khik caga alam  moi truong. Dom kalup kapul nan, lac dom ayut daok ranaih saong abih hatai ka bruk ngak. Tuk camereip dom ayut oh hu rilo bruk ngak kayua daok ngak tui tal bac, sang bac jeng yau dom bruk sit sot. Hadei di nan, khol dahlak kham merat duah dom labik daong jien piah peih ngak dom bruk praong jang, nao jaik  mikva jang saong nao jaik jang dom  dom ayut oh ka thau rilo ka bruk khik caga lam moi truong". 

Dalam dom harei sanecar atau harei adit, dom cơ sở đoàn di tỉnh Bình Dương jeng hu ieu pataom urang đoàn, dam dara tabiak ngak bruk khik caga alam moi truong ngan saong rilo bruk ngak, yau ye: kruac rok dom ribaong kraong, jak ba mikva juai klak hareik hakreim, pala phun kayau, partaom hareik…Kuhria taeng pakat tỉnh, bruk jak ba “Harei Adit hijao” di Bình Dương yaok thun ngak hu 90 danak dak dam dara, kuhria tabiak yaom jien jaik 30 triệu đồng. Dalam thun blaoh, dalam tỉnh ieu pataom hu labaih 50 ribau mbang dam dara  pataom mek hareik di dom labik darak, tapen kraong, tatua, dom jalan praong, puh ramik mbia patau, puk palei. Tapa nan, dom jalan ngak birau ka bruk khik ramik alam moi truong daok hu Tỉnh đoàn Bình Dương pambak praong dalam thun ini yau: jalan pathau khan ka moi truong tapa dom mbang pakacah, pathau khan ka urang nao angaok jalan mbak padam radaih tuk padeih gom bhong…Abih di nyu nan lac , tui jalan ngak “ 1 tuk ameh patak pataom điện tui panuac pato di Wa Ho”, chi đoàn dom khu phố jak ba dom baoh sang bhap bini padam taong abih pandap điện dalam 60 minit di sa melam dalam adit, hu rik tame  ka bruk pakacah gauk patak pataom điện brei ka bruk sản xuất di tỉnh. Sa-ai Dương Thanh Qúy, Phó Bí thư đoàn phường Tân Đông Hiệp, ban sit Dĩ An,  tỉnh Bình Dương khan lac yau ini: " Ngan saong bruk jak ba bhap bini khik caga alam moi truong hu tuk gaok dom kan kandah. Yau ye bruk paok klak dom ba-ar quảng cáo oh njauk adat. Khol dahlak ngak blaoh di gah ini ye oh suai lavik hu dom urang mai mbat pagam ba-ar quảng cáo di dom got menyek, got điện. Bruk neh rabha janih hareik di mikva jeng ngak oh ka siam. Mikva di labik ini jeng oh ka paglaong akaok sahneng dalam bruk neh rabha janih hareik, ngak kanjak jhak tal alam moi truong vin var nan. Langiu di nan, bruk caik pataom hareik jeng oh ka njauk labik".

Meda ndom lac, dom bruk ngak piah khik caga alam moi truong di dam dara tỉnh Bình Dương dom thun jaik di ini hu peih ngak biak siam. Dalam nan, dom bruk ngak praong saong hu peih ngak yaok thun yau: Tết pala phun hadar miat miat hadar dhar phol Wa Ho, danak dak pachreih tui Tukvak baoh taneh, dom bruk ngak peih akok bilan dam dara saong Harei pataom dam dara tame padang đô thị ilamu…pachreih hu yaok ribau urang đoàn, dam dara… Meng dom jak jeng dalam bruk khik caga alam moi truong, thun 2013, tỉnh đoàn Binh Duong  hadah  mbaok meta hu Mentri Tai Nguyen saong moi truong alin brei giải thưởng Moi truong Viet Nam nan lac Giải thưởng duy nhất alin brei kapul nyaom naih gheih, hadah krah dalam bruk khik caga alam moi truong./.

                                                                                          Ai Nghiem