Ong Võ Văn Thưởng -UV Mintri Chính trị, Thường trực Ban Bí thư jao harak pok meyaom 10 dam dara Việt Nam hadah krah di abih

Dom dam dara hu pok meyaom lac dam dara hadah krah di abih, umo ala 35 thun, hu bruk ngak gheih di abih, ngak brei pambak praong dalam bhap bini ka bruk kham merat yam tagok di dom gah bac megru, roh duah ilamu, thể dục, thể thao, ngak bruk, sản xuất, khik caga taneh ia, palei negar … Pagap yau ani gru Hà Ánh Phượng haong bruk “Tal bac tapa biên giới”; bác sỹ Trần Anh Tú kham merat duah thau, pacang jit di rilo tỉnh, ban, adei Võ Minh Quang mek hu rilo giải thưởng dalam taneh ia saong angaok dunya dalam gah nghệ thuật saong peih bruk hòa nhạc padang kadung jien blei pataih pacang mbaok, pandap khik caga rup pabhap alin hadiah urang jakar y tế di labik pacang jit Covid-19…

Maong iek veik jalan peih ngak hatai caong, ong Võ Quốc Thắng - Chủ tịch Kapul khik ramik Cty CP Đồng Tâm, 1 dalam 10 dam dara Việt Nam hadah krah di abih thun 1999 khan lac: “Dahlak sahneng meng tuk camereip dahlak lac urang Việt Nam nan ye brei ngak tabiak dom pandap di Việt Nam, dahlak brei buh jien tabiak ngak sang mac bahrau abih  Đông Nam Á. Dahlak buh tabiak rilo preun yava, rilo melam, dahlak ndih 2 – 3 mon. Ndom biak tuk nan jeng huac oh ngak hu, bo oh ngak hu ye abih phun jien, njauk ngak veik meng tuk camereip. Urak ini dahlak jeng daok mboh huac min oh padeih hu, kayua dahlak daok hu prein piah rik daong, kol drei ngak dahlau di abih lac kayua taneh ia, kayua palei negar, kayua dom menuac daok jaik taphia, kayua gauk gar adei sa-ai saong puac di abih meng tal rup di drei.”

Sa dalam dom mbaok meta ranaih umo Việt Nam hadah krah di thun 2020, sa-ai Phạm Ngọc Anh Tùng, Cty TNHH Công Nghệ saong Thương Mại UFo, urang padang mbang ngui haong Sàn thương mại điện tử kaya nong khan lac: meng hatai caong di số hóa gah ngak nong Việt Nam, hu peih tabiak danak dak pambuak urang ngak nong haong gah ngak tabiak pandap saong menuac blei di jaik 50 tỉnh, ban: “Sa dalam dom caong khin di drei lac số hóa gah ngak nong Việt Nam, cakak meneing bruk trung gian – dang kreh dalam pabak gah ngak nong saong patagok yaom kaya nong Việt Nam. Tuk drei ngak sàn giao dịch pablei salih điện tử ye urang blei neda mbuan mboh hu dom kaya nong haong thau ginup ka urang pala, yaom kaom yau habar saong dom kaya nong nan hu pilih ruah siam. Daok menuac pablei, tapa nan mbuan thau hu urang blei, saong sahanang hatai ka bruk pablei pandap.”

Brei panuac di tuk pok meyaom, ong Võ Văn Thưởng, Thường trực Ban Bí thư taong yaom glaong Giải thưởng mbaok meta ranaih umo Việt Nam hadah krah lac bruk ngak biak siam, hu makna, piah pok meyaom dom dam dara naih gheih di abih, hu angan je, pambak praong dalam dam dara saong bol bhap rahra, hadah krah dalam dom gah bac megru, roh duah ilamu, thể dục thể thao, ngak bruk, sản xuất, khik caga taneh ia…, rik daong mboh hu dom urang ranaih umo naih gheih, dui pachreih bruk sangka di dom pakat, dom gah saong abih bol bhap rahra ngan saong bruk pato pakai, pasram megru rai ranaih umo. Jaik abih dom dam dara hadah krah di abih hadei di tuk hu jao giải jeng daok kham merat, rik prein yava tame, praong tagook di yaok gah, pabak ilamu hadah hadai di Kapul saong di dam dara Việt Nam. Rilo urang ranaih umo hadah krah hu prein pambak praong, njauk lac kreih camin hadah ka dam dara ngak tui.

Ong Võ Văn Thưởng brei mboh hatai jia lac, dom mbaok meta ranaih umo Việt Nam hadah krah, gam haong dam dara dalam taneh ia, daok paglaong bruk ba akaok nao dahlau, jum pataom, sahneng duah, rik daong ngak ka pahu hatai caong dak padang Việt Nam kaya meda, haniem phul. Ong Võ Văn Thưởng ndom lac: “Dom dam dara, urang ranaih umo hadah krah di abih kayua kapul dam dara duah mboh, pok meyaom, bahrau lac bruk camereip. Dom pakat ủy Đảng, karja, kapul nyaom, abih menuac sia saong yaok baoh sang, njauk sangka pato pasram, pabak ilamu, daong palagaih di abih ka dom dam dara naih gheih, hadah krah hu labik brei mboh bruk ilamu naih gheih, rik prein yava saong ilamu ka bruk patagok taneh ia, palei negar.”

Tapa nan, Kadung jien daong urang naih gheih ranaih umo Việt Nam haong 2 urang hu taduan Harak Meyaom di Thủ tướng Rajaei ka dom bruk ngak hu dalam duah mboh saong patagok ilamu naih gheih hadah krah di dam dara./.. 

Urang lang: M. Phương – 28/03