Atah di ni sa thun, rilo dam dara urang daok ranaih umo thau tal dalikan drut droi ka urang kamei liệt sĩ-gru pato Lê Thị Thiên song baoh nhật ký hadei di 50 thun ndih dalam haluk hu duah mboh di chiến khu D, tỉnh Bình Dương. Dom blah nhật ký giản dị, mộc mạc min bak apui nan hu dong brei mboh cambaih ka sa rairah hu duikrai, mesruh metak song var klah rup drei brei ka bruk prong, ka độc lập tự do di taneh ia. Patui bruk truac hadah ilamu CM ka dam dara urang daok ranaih umo,  Tỉnh đoàn Bình Dương hu peih bruk pakacah vak kadha brei thau hatai sahneng di drei ka baoh « Nhật ký thế hệ Hồ Chí Minh”ni song hu yaok pluh ribau kadha vak meng grauk labik payua mai pakacah. Meng hatai sahneng ka nhật ký di anai  gru liệt sĩ Lê Thị Thiên, rai rah dam dara, dom urang hu dok dalam sron mbon haniem phol harei ni hu dom hatai sahaneng hagait ka lý tưởng song bruk ngak di drei. Daa mik va song tong abih duah thau  bruk ni tapa kadha vak di urang vak Ngọc Xuân, dok di ban raya HCM.

Dom kadha vak payua mai pakacah “"Nhật ký thế hệ Hồ Chí Minh" jeng hu caik hatai sangka meng nội dung tal hình thức. Rilo kadha hu vak tangin, hu rilo thaot binguk minh họa sinh động, rilo kadha hu buh rilo pren yava nao duah thau, khai thác rilo gah rilo janih bahrau.... tapa nan nyu brei mboh bruk pambak praong dom yaom glong siam mekre di baoh nhật ký mai tal bhap bini. Dalam nan kadha vak mek hu giải nhất di tác giả Giản Thị Thu Hiền, ndih tapui thun 1984, dok ngak bruk di gilang tapuk tỉnh Bình Dương kapan 80 blah vak meng tangin, hu bố cục chặt chẽ song dom kadha sit yau “Jalan nao duah baoh nhật ký”, “Apui hadah jalan diukrai saong hatai siam anek menuac”, “Patui vak nhật ký di rairah harei ini”…Bruk njauk hatai di abih di saai Hiền tuk puac nhật ký di urang kamei liệt sĩ, gru pato Lê Thị Thiên nan lac tuk halei jeng pamong tal taneh ia palei negar, tuk halei jeng pahadar rup drei brei ngak bruk, bac daa biak siam piah njauk saong angan lac urang đảng. Giản Thị Thu Hiền hu puac hu njom tame dalam rup, hu cih tabiak song ngak tui.

Praong di abih nan lac bruk lạc quan dalam akaok sahaneng, dalam yaok bruk ngak, jia tame harei hadei hadah hadai. Hulin mboh sa akaok sahaneng biak hadah hadai, khang kajap. Yau nan ye, hulin ba tabiak jalan ngak di drei nan lac biak kham merat dalam bruk ngak, meng sa bruk ngak sit ba tal sa bruk ngak prong, sa harei ngak siam, ba tal sa adit, sa bilan ngak siam . Song yau nan meda hu rilo bruk ngak siam jang.

        Ngan song rilo dam dara urang daok ranaih umo, " Nhật ký thế hệ Hồ Chí Minh” oh lac kỷ vật bo dok lac hành trang pahadah miat dalah apui, patui cih tabiak dom blah sajarah hadah hadai di bangsa. Ayhut Nguyễn Minh Hải, urang Đoàn dam dara tỉnh Bình Dương khan lac

 Tuk hu baoh nhật ký dalam tangin, hulin puac biak rilo mbang song bac megru hu sa kadha lac, yaom lac daok dalam kan kandah yau habar jeng brei hu hatai lạc quan song tuk halei jeng diuk abih drei. Tuk gaok kan kandah ye saai Thiên bhain pataom veik yau sa panuac châm ngôn, cih veik dalam nhật ký song dam dara harei ni bac veik bloh thau jalan piah kham merat yam tagok.

          Dom blah nhật ký bak hatung hatai di saai Nguyễn Văn Thạc, saai Đặng Thùy Trâm song harei ni lac di saai Lê Thị Thiên hu pabak lý tưởng cao đẹp di sa rairah ranaih umo duik, mesruh metak song var klah rup drei ka độc lập, tự do di taneh ia. Rai duik di dom saai jeng dok miat hajao umo 20 song dom blah nhật ký ieu pachreih dam dara ranaih umo oh padeih bac  da-a, pasram megru song kham merat. Saai Phạm Duy Trang, Bí thư Tỉnh đoàn Bình Dương brei thau:  Mbang pakacah mek hu dom siam mekre langiu di bruk cong khin, brei mboh dom ayhut đoàn viên, Sv, anek saih biak anit ranam, caik hatai sangka, iek prong iek glong dom blah nhật ký song brei mboh dom anit ranam meng hatai jai di drei. Rilo kadha vak brei mboh bruk salih jalan sahaneng, mboh lac drei njauk kham merat jang, pasram megru rilo jang. Nan lac dom bruk daok cang mong di rairah uranaih harei ni, ngak yau habar pataogk hu ilamu meng kan di bangsa piah njauk song angan lac rairah saman Hồ Chí Minh.

          Dom blah nhật ký oh ka cih bloh kayua phao ndao saman mesruh metak, hadei di yaok pluh thun ndik kandeng dalam haluk, urak ni dalam saman sron mbon jeng daok tamo yaom glong. Nan lac dom blah cih ka rup drei min bak lý tưởng sống, urak ni nyu jeng dalah apui truac hadah ka rai rah dam dara./.