Dam dara nao grauk labik pathau khan ka bruk pacang caga jit Covid 

Dalam thun 2021, yaom lac takik pataom gauk piah pacang caga jit  Covid-19, min dom  kapul dam dara  di ban Tây Ninh (tỉnh Tây Ninh) hu dom jalan ngak  lagaih, pala hu yaok rituh phun hajao tapen dom jalan, labik hu rilo bhap bini daok.Dam dara Công an Tây Ninh jeng hu peih bruk ngak căn cước công dân pagam chip điện tử, ba mbuan palagaih di abih ka bhap bini.Dom kapul ngak bruk gam harei sanerca song harei adit, ngak hu ka 24 ribau urang (samu 200% bruk batabiak).Taphia di nan, dam dara Tây Ninh dok hu  dong ka dom boh sang kan kathaot, sang pablei  vé số, urang taha daok sa drei, ruak kik, dalam nan hu "var lisei 0 đồng", pandap mbang that hu ba tal sang piah mik va ngak pandap mbang, takik tabiak jalan dalam tuk jit ruak . 

Tui  Tỉnh đoàn Tây Ninh, dalam  4 thun peih ngak sarak ka 05 di mintri  Chính trị (mbang  XII) ka bruk jhul khang bac megru song ngak tui jalan hadah krah siam mekre di Hồ Chí Minh, Tỉnh đoàn hu rilo mbang peih ndom nyai bruk chính trị piah patui ilamu meng kan , patagok khang hatai kham merat peih bruk bac megru song ngak tui Wa. Langui di dom mbang  ndom nyai bruk chính trị tabung glong, dom pakat kapul dam dara hu peih ngak labaih 2.800 mbang  ndom nyai  tui asal kadha "hadar tal Wa hatai drei hadah hadai jang" song  2.012 mbang nao duah thau ka halau gha  "Nao tui takai Wa " pachreih hu labaih  249 ribau urang đoàn, dam dara, uranaih hu mbaok tame. Daok dom bruk hu mbaok tame pacang caga jit  Covid-19, dam dara Tây Ninh jak ba hu 6 tỷ đồng ngak bruk xã hội.

Tapa bruk ngak, hu mboh rilo bruk gheih dalam bac megru song ngak tui jalan hadah krah siam mekre di  Wa Hồ, yau: tual thaot Wa  Hồ, "nding kreim wa Hồ" di  Huyện đoàn Dương Minh Châu; vak nhật ký ngak tui panuac Wa, "Sang hulin bac megru song ngak tui Wa" kayua  Huyện đoàn Tân Châu ba tabiak. Thành đoàn Tây Ninh dok hu panuac ieu dam dara pachreih tui bruk "ngak tui  kreih camin taom dar drei ", "Yaok harei sa bruk ngak gheih", "Panuac ndom gheih  - bruk ngak siam" song pathau khan dom panuac pato di Wa tapa dom blah  thư pháp, tapa"Bìa siam bac gheih – jao tangin ilamu meng kan"...

Daok menuac urang naih gheih ngak tui Wa, njauk ndom tal kreih camin  anai gru Nách Chan Nên, urang đảng ranaih umo bangsa  Khmer daok di  xã tapen negar Tân Ðông (huyện Tân Châu). Hadei di tuk bac tamat sang bac  cao đẳng Sư phạm, anai likau mai ngak bruk  di sang bac dahlau deih drei bac piah hu pato pakai dom adei sit dalam phum, sóc. Piah dong ka dom adei chreih chrai nao bac  , anai pambuak bruk song rilo urang ngak pahla dong ngak labik main sambai ka uranaih pak di sang bac ; bloh nao grauk labik likau tapuk siphau klak piah ngak tu tapuk. Thau dom anek saih halei biak kan kandah, mbuan si klaak bac , anai jak ba ayut sahbah , gauk gar dong pok jien bac. Urang ÐoànTrần Thạch Cương (Huyện đoàn Dương Minh Châu) jeng lac kreih camin hu rilo urang ndomr tal ngan song bruk ngak tabiak  "radeih  lắc tay meng  năng lượng ia harei", dong ka urang jaoh jo, abih di nyu nan lac urang jaoh jo di bhum tapen negar. Urang đoàn Võ Thị Cẩm Vân halan hatain nao lin  song lac 1 urang urang kamei dalam 1.552 urang likei tagok jalan  ngak nghĩa vụ quân sự...

Bí thư Tỉnh đoàn Hoàng Thị Thanh Thúy brei thau, meng dom bruk ngak siam lagaih yau nan, dalam 4 thun tapa , hu 262 dam dara naih gheih dalam bruk bac megru song ngak tui Wa  dalam dom bruk ngak hu pok meyaom. Anak tal, Ban Thường vụ Tỉnh đoàn Tây Ninh daok brei jhul pakhang, peih ngak sarak ka 05 di mintri Chính trị gam song bruk peih ngak sarak  T.Ư 4 mbang XII ka dak padang, pasiam  Ðảng song bruk  jak ba  "Padang thaot binguk dam dara Việt Nam tuk vak bahrau" kayua Kapul dam dara pakat negar ba tabiak. Jalan ngak hu ba tabiak ngak dalam dom bruk pakacah di  Ðoàn, Hội, kapul, meng nan ba tabiak bruk "bac megru Wa nao gam song ngak tui Wa ". Bruk ngak tui hu iek prong jang piah ba bruk bac megru song ngak tui jalan hadah krah di Hồ Chí Minh jeng sa bruk bhian randap di dom pakat dam dara, piah oh padeih pahadah hatai cong khin ka dam dara./.

Urang lang: Hanipha- 19/5