Đại tá Huỳnh Quang Tâm, akaok jabat PC07 ndom lac, kayua bhap bini takik caik hatai sangka pacang caga dom bruk ba tal khuah jeng daok hu rilo. Bruk pandar dom pandap điện, rami ramik pandap panda oh lagaih jeng daok rah tabiak di rilo baoh sang, labik pablei salih, ngak brei bruk khuah, patuh tuk halei jeng mbuan rah tabiak di dom khu dân cư, doanh nghiệp. Lingiu di nan, dom sang daok gam haong pablei salih urak ini rilo meng daok dalam dom khu dân cư, dom jalan, hẻm biak sit nan ye tuk hu khuah, yaom lac gah padam khuah hu nao tal labik min khat lahik di dom mbang khuah jeng biak praong. 

Anak bruk ini, jabat chức năng hu panuac likau brei ban raya pandar dom quy chuẩn karei ka pacang khuah padam khuah piah paglaong siam lagaih bruk ini di dalam ban raya. Pagap yau ban raya hu adat tabiak tiêu chí salamat ka pacang khuah padam khuah ngan saong sang daok saong sang daok gam pablei salih, ngak pandap, saong adat nan taong abih dom baoh sang brei ngak tui. Gam haong nan, taong phạt biak khang meyah menuac urang, kapul nyaom ngak suan atau oh ngak tui.

Lingiu di nan, piah ka bruk pacang khuah padam khuah hu siam lagaih, ban raya brei hu jalan pambuak bruk di karja puk palei haong dom jabat, kapul nyaom ka peih ngak tui bruk “4 di labik” (lac dang akaok tacei ba, menuac urang, pandap panda saong  hậu cần); pabak bruk lac công an phường, xã, ban sit lac labik tham mưu cho UBND phường, xã, ban sit ka bruk pacang khuah padam khuah di khu dân cư, di sang daok saong sang daok hu peih pablei salih, ngak pandap panda. Gam haong nan, cảnh sát khu vực lac menuac tui iek tapak, tacei pato, pathau khan ka pacang khuah padam khuah di khu dân cư, di sang daok saong sang daok hu peih pablei salih, ngak pandap pablei…

Yaok urang menuac jeng brei thau cambaih bruk nduac tabiak truh labik kan kandah dalam pui khuah piah khik hu siam mekre, salamat ka rup drei. Tui nan, tuk hu khuah, patuh, samar nduac tabiak gah langiu atau rui jaik mbaok haluk, nao rah tui daning sang, mek khan njuuk ia pacang tagok pabah, idhung. Tabiak gah lingiu tui kanyan nao takai saong oh pandar thang máy piah nduac tabiak. Pasang iek pandiak di pabah mbang meyah khin peih pabah mbang. Tuk peih pabah mbang brei plaih tapa sa gah piah caga pui bluh tame. Pandar khan pasah ia atau băng dính pacang sre dom labik huan piah pacang, plaih thak, khí độc par tame bilik. Nduac nao labik oh ka hu pui, thak, khí độc. Oh nduac dauk tame dalam jaman, dalam nhà vệ sinh. Tuk hu khuah, patuh di labik hu ilo menuac, brei ngak njauk tui tacei pato di menuac khik iek  tòa nhà saong di gah padam pui./.

Urang lang: M.Phuong - 24/5/2021