Langui di bruk dong ka urang ngak, urang taha hu dong brei 

Sa-ai Nguyễn Thị Mai Anh, ngak bruk di labik ngak kong Đại Đăng, ban sit Thu Dau Mot (t.Bình Dương), palei di Bình Thuận, daok pah sang trọ di phường Phú Mỹ brei thau, anak bruk jit ruak daok tamuh khang yau urak ini, diuk pasang sa-ai kuhria nao palei cang jit tapa blaoh mai veik Bình Dương ngak bruk.

Dom harei tapa, meng pathau khan, jak ba di karja palei haong Công đoàn Cty, sa-ai Mai Anh thau lac, meyah nao palei tuk ini mbuan ba tui anek ruak dalam rup, mbuan pambak ruak ka gauk gar dalam sang. Dalam tuk nan, daok veik meyah gaok kan kandah ye sa-ai hu dom pakat karja, kapul nyaom daong brei pandap mbang huak saong hu klauk vaccine pacang caga COVID-19... Kayua yau nan ye, diuk pasang sa-ai daok veik, ngak siam dom bruk pacang caga jit di labik daok saong cang harei Công ty iew nao ngak veik. "Dom harei tapa, diuk pasang dahlak hu urang jakar khu phố brei 10 kg brah, njam patam, baoh karaoh that hijao saong brei harak nao darak 2 mbang sa adit piah blei pandap ngak mbang huak… Diuk pasang dahlak mboh biak bui hatai tuk daok veik"- sa-ai Mai Anh khan lac yau nan.

Amuk Nguyễn Kim Loan, Akaok Lien doan Lao dong tinh Bình Dương brei thau, urak ini hu jaik 500.000 urang ngak daok veik Bình Dương. Dom pakat karja, kapul nyaom saong Lien doan Lao dong tinh hu peih ngak rilo danak dak sangka iek glang tal urang ngak, abih di nyu lac dom urang ngak daok di dom labik pacang veik, labik daok karei. UB bhap bani tinh brei ngak dom sarak ngan haong dom urang ngak oh nao palei bo daok veik Bình Dương dalam tukvak brei daok pa-atah di gauk, pacang caga jit COVID-19 meda hu klauk vaccine, daong jien pah sang trọ saong pandap panda kaya mbang.

Gam haong nan, Lien doan Lao dong tinh saong dom pakat Công đoàn hu peih tabiak dom mbang radaih anit ranam, daong ka urang ngak kan kandah dalam dom labik brei daok karei, labik pacang veik gaok kan kandah trak di jit COVID-19. Tal urak ini, jaik 150.000 tấn pandap panda kaya mbang hu ba tal tangin urang ngak. Lien doan Lao dong tinh Bình Dương hu daong ka 6.230 urang ngak gaok kan kandah meng COVID-19 labaih 10 tỷ đồng meng kadung jien Công đoàn. Dom harei anak tal, tuk taduan hu pandap meng dom gah daong brei, Lien doan Lao dong tinh daok brei peih dom mbang radaih anit ranam piah daong ka urang ngak.

Hu bruk njauk hatai di UB bhap bani tỉnh Bình Dương, urak ini, UBMT negar tỉnh daok pambuak bruk haong dom sở, ngành daok caga peih bruk daong jien ka urang ngak daok trọ lahik bruk, padeih bruk kayua jit COVID-19. Tui kuhria, mbang ini tỉnh meda daong ka jaik 500.000 urang ngak daok trọ ngan haong yaom jien daong jaik 260 tỷ đồng. 

Piah klah rabha kan kandah haong urang ngak, UBMT negar bal sit Thu Dau Mot hu ieu 848 po sang trọ ngan haong jaik 9.800 duk oh mek jien, atau trun jien pah labaih 4 tỷ đồng ka urang ngak gaok kan kandah.

Tui kuhria, dalam tỉnh hu labaih 40.000 urang pablei vé số, urang oh hu harak pambuak bruk ngak gaok kan kandah dalam mbang jit ka 4.Jaik abih nan lac dom urang meng dom tỉnh karei mai pak ini padang mbang angui, pah sang daok piah ngak mbang duah jien.

Tui So Lao dong - Thuong binh saong Xa hoi tinh Binh Dương, tal harei ini urang ngak oh hu harak pambuak bruk hu daong brei nan lac 20.722 urang, yaom jien peih brei jaik 32 tỷ đồng (samu 51,3% bruk ba tabiak. Bruk daong ka dom urang pablei vé số hu ngak salah blaoh).

Urak ini, nyaom doanh nghiệp ngak bruk tui jalan "3 di labik" hu biak rilo urang ngak oh tame ngak hu kayua tavak bruk sang. Urang ngak oh ngak tui jalan "3 di labik", ye njauk padeih bruk kayua jit ruak min oh daok dalam njaom urang ngak di kong ty njauk padeih bruk tui panuac tacei di jabat karja. Dalam tuk nan, dom manuac urang ngak gaok bruk ini, lac biak prong. Tui yaok pataom di Lien doan Lao dong tinh, 1.041 doanh nghiệp (hu abih tih 405.000 urang ngak) hu Công đoàn cơ sở peih ngak tui jalan 3 di labik min tok hu 188.000 urang ngak tame sang mac ngak bruk; labaih 210.000 urang ngak padeih bruk daok di sang. Biak di nyu, dom urang ini lac urang ngak njauk padeih bruk kayua jit ruak min oh pabak hu kadha di nyaom 4 dalam Sarak 68.

Ong Phạm Văn Tuyên, Phaok Yam ndok Sở Lao dong - Thuong binh saong Xa hoi tinh Binh Duong brei thau, Sở mboh hu dom tavak tavaiy nan dalam tuk peih ngak Sarak 68. Ong Tuyên ndom lac, meyah tui dom asal kadha ini, hu biak takik urang ngak di nyaom 4 (daong pato bruk ngak ka urang ngak; daong ka urang ngak njauk tạm hoãn harak pambuak bruk, padeih ngak oh mbang jien bilan; daong ka urang ngak brei padeih harak pambuak bruk oh ginup điều kiện piah mbang jien bảo hiểm lahik bruk; daong ka baoh sang pablei salih di Bình Dương) taduan hu sarak daong brei samar drah. Sở daok pasang iek dom bruk ini piah pok panuac tagok Trung ương. Tal tukvak ini, nyaom 4 oh ka hu harak caong khin daong, oh ka hu doanh nghiep halei ngak harak ka urang ngak mbang jien daong./.

Urang lang: Jasi -22/8