Rilo kapul ba pandap dong ka urang kan kandah 

Beir harei 3/8, 25 sruh radaih di Công ty Phương Trang ba labaih  600 urang mai veik palei Phú Yên, dalam nan rilo meng lac urang ngak, sinh viên daok di ban raya HCM song dom tỉnh Bình Dương, Đồng Nai… Gaok kan kandah kayua jit Covid-19, dom urang nan njauk padeih bruk, dok glaih glar, rambah rambup. Saai Lê Tuấn Kiệt, ngak bruk di huyện Bến Cát (t.Bình Dương) brei thau, 2 duik pasang saai lac urang ngak, min padeih bruk jiak 2 bilan ni mai. Yaom lac hu dong brei pandap mbang yau : brah, njam patam, boh menuk, ada … min dok hu rilo bruk karei njauk kuhria. Nan ye, bruk sa-ai haong diuk anek hu radaih pajeng nao palei lac bruk biak uan tabuan.

"Po trọ ieu piah ramik ramik daong brei min ka oh hu , adei meng  tut angan tame likau radaih Phương Trang daong nao palei mbang ni. Dom harei dahlau adei jeng  sahneng tal nao palei meng radaih patuh, peih tal Đồng Nai blaoh anek sit nyu glaih nan ye adei mai veik, oh nao"

Dok dalam labik sang trọ sit sot di quận 12, oh hu bruk ngak, sang saai Hoàng Nam jeng sahneng tal bruk tabiak truh ban raya HCM, min oh nao hu kayua dok paatah di gauk  tui sarak 16. Nan ye, saai biak bui sambai tuk hu danak dak ba mik va kan kandah nao palei:

"Hulin padeih ngak sa bilan meteh ye. Biak kan kandah, sang dok pah, mbang huak kan lo.Urang hu dong min ngak habar ginup abih. Adei sa-ai dalam palei haong gauki hu sruh radaih anit ranam ini, biak thau dar phol"

Danak dak mai palei mbang ni kayua UBND tỉnh Phú Yên pambuak bruk haong Hội Đồng hương Phú Yên di ban raya.HCM song Tập đoàn Phương Trang peih ngak. Ngan song rilo menuac, ni lac jalan puac di abih dalam tuk jit ruak tamuh khang bo urang ka oh duah hu jalan tabiak  .

Tui urang pal akaok Ubbhap bini ban raya.HCM, meng kreih bilan 7, ban raya taduan hu panuac ieu di dom tỉnh, ban song pambuak bruk biak siam. Tong abih rahra khin mai palei jeng hu dut iek mboh lac âm tính hong SARS-CoV-2. Kurhia meng harei 20/7 tal ni, ban raya .HCM hu peih bruk brei ka labaih 7.000 urang mai veik Đà Nẵng, Gia Lai, Hà Tĩnh, Quảng Ngãi, Phú Yên, Thừa Thiên- Huế, Quảng Trị, Quảng Nam, Khánh Hoà…

Anak bruk bhap bini eng drei nao palei meng radaih patuh mboh lac biak srau kadau, oh khik hu salamat angaok jalan, oh siam mekre ka bruk pacang caga jit, harei 30/7, UBND ban raya HCM hu tabiak harak 2544 payua UBND dom tỉnh, ban ieu pambuak gauk khang kajap peih ngak bruk ni, hu jalan ngak cambaih laih, hu labik taduan, padang angan, peih bruk dut iek…

Paok akaok  UBND ban raya HCM Dương Anh Đức ndom lac, taphia di bruk dong ka rahra tani tanat rai duik di ban raya, karja tuk halei jeng pambuak bruk dong palagaih piah ka mik va nao palei hu siam mekre :

"Dalam bruk pambuak gauk, dom tỉn ,ban kham merat ba mbuan lagaih di abih piah pabak hatai cong ka mik va. Biak cong khin bhap bini juai nao tui hatai di drei kayua di dom tỉnh ban dok peih ngak sarak 16 ye mik va oh nao hu meyah oh hu karja peih bruk brei nao, ba tal kan kandah srau kadau song jhak tal pren yava"

Tabiak truh ban raya.HCM lac labik daok, labik ngak mbang meng lavik mai, lac bruk takik urang halei khin. Min, tuk jit ruak rah tabiak khang, raidiuk laik tame kan kandah, rilo urang oh daok jalan halei karei lingiu di bruk nao veik palei. Bruk dong dom menuac meng palei atah mai ban raya ngak mbang hu nao veik palei dalam siam mekre salamad jeng lac bruk njauk ngak, lac hatai anit ranam di menuac ban raya brei ka dom urang ngak meng tỉnh karei mai. Tong abih jeng caong lac jit ruak samar hu jhul kandun likuk, piah abih gauk hu ba tangin, rik prein tame padang ban raya.HCM cakrok patagok, dak harei dak bahrau jang, siam mekre jang./.

Urang lang:Hanipha -9/8