Urang kan kathaot hu dong ba di urang karei 

Meng tuk mbang jit ka 4 tamuh tabiak, sa-ai Xích Văn Trực – sa urang ma-in alat ragam bangsa di Sang daoh tamia Biển Xanh Bình Thuận biak glaih glar haong bruk ngak mbang duah jien diuk tapa harei tuk dom danak dak daoh tamia njauk brei padeih kayua jit Covid-19. Piah grap tanat rai diuk yaok harei di drei, sa-ai Trực njauk nao ngak rilo bruk karei, dalam nan hu bruk tame glai jaoh rabung:

Meng tuk jit tamuh tabiak tal urak ini adei sa-ai gaok biak rilo kan kandah ka jien padai, rai diuk urak ini biak kan kandah. Caong khin jit ini hu pasang iek, hu pacang cakak samar drah piah ka adei sa-ai ngak bruk daoh tamia hu nao ngak veik yau dahlau piah duah jien kuhria ka rai diuk harei hadei nyu siam jang.

Jaik abih dom urang daoh tamia dalam Sang daoh tamia Biển Xanh Bình Thuận jeng gaok kan kandah yau nan tuk dom bruk pato pathram jeng yau parang me-in brei padeih abih.

Piah peih ngak Sarak 68 di Raja-ei, dom sở, ban, ngành tỉnh Bình Thuận hu brei panuac ka tiêu chí, manuac urang, số lượng. Daok Sang daoh tamia Biển Xanh Bình Thuận jeng hu padang angan 54 urang daoh tamia pakat 4 lac menuac njauk daong, payua ka So Ilamo – Padhih saong rivang ma-in.

Min tui Nghệ sĩ Ưu tú Ngọc Tuyển, Phaok Yam ndok Sang daoh tamia Biển Xanh Bình Thuận, meyah ngak tui harak di angaok ba trun, urang hu daong jien lac urang jakar di sự nghiệp công lập ye sang daoh bahrau hu 25 urang. Daok adei sa-ai pambuak bruk dalam chỉ tiêu, oh mboh ndom tal, bo dom urang ini lac biak kan kandah:

"Lac urang daoh tamia yau dom sa-ai hu thau blaoh, langiu di jien bilan takik hệ số 1,86 kuhria tabiak hu labaih 2 triệu labaih sa bilan, adei sa-ai diuk rai biak kan kandah. Urang daoh tamia duah jien hu mai meng dom hợp đồng parang me-in, bo caong khin nao parang me-in ye brei pathram, hu jien pathram, blaoh jien parang me-in tra nan ka meng hu tagok jien mek tame ka adei sa-ai. Min meng harei 30/4 tal ini lac padeih abih dom bruk pathram parang me-in. Kayua yau nan ye adei sa-ai biak kan kandah".

27 urang di Kapul urang sup meta tỉnh Bình Thuận urak ini jeng gaok biak rilo kan kandah tuk bruk xoa bóp- xông hơi brei padeih ngak. Ong Nguyễn Ngọc Hường, Akaok Kapul urang sup meta tỉnh Bình Thuận khan lac, meng akaok bilan 5 tal ini, labik xoa bóp – xông hơi di kapul brei padeih ngak piah pacang caga jit Covid-19. 27 urang ngak bruk pak ini meng nan oh hu bruk ngak, mai veik sang daok haong gauk gar. Dalam tukvak tapa jeng hu rilo urang ngak pahla mai rivang, brei brah, mì tôm… Dom adei daok di sang jeng bhian iew phon mai tangi habien labik ngak di drei hu peih ngak veik. Pambuak pagam tal pok jien daong ka urang ngak njauk kan kandah meng jit Covid-19, ong Hường lac: 

Tui panuac khan angaok mbao, angaok rayo, khaol dahlak mehit lac dalam pok jien daong ini hu daong ka urang jaoh jo, dalam nan hu urang sup meta. Daok oh thau jalan peih ngak yau habar.) 

So Lao dong- Thuong binh saong Xa hoi Binh Thuan brei thau, tui kuhria hu jaik 37.600 urang hu daong tui Sarak 68, ngan haong yaom jien daong abih tih jaik 93 tỷ đồng.

Tui ong Nguyễn Xuân Lộc, Akaok Jabat menuac ngak – Bruk ngak saong Pato bruk, So Lao dong- Thuong binh saong Xa hoi Bình Thuận, urak ini jabat daok daong ka UBND tỉnh brei panuac peih ngak sarak daong ka urang ngak oh hu harak pambuak bruk (iew lac menuac ngak bruk tự do) saong dom urang ngak bruk tui hatai gaok kan kandah kayua jit prong Covid-19. Pambuak tal urang ngak lac urang jaoh jo, ong Loc daok brei thau lac:

"Kapul urang sup meta, hadei di tuk parbha pakat ka huyện, hu ba tame dalam dom nyaom ka nyu laghaih. Pagap yau, parabha tabiak urang ini hu harak pambuak bruk halei oh, atau oh hu harak pambuak bruk. Nyu tame sa dalam dua nyaom padeih bruk oh hu mbang jien bilan atau oh ginup điều kiện piah mbang jien daong lahik bruk ngak, atau lac urang ngak tự do."

Piah ka sarak daong urang ngak gaok kan kandah kayua jit prong Covid-19 samar tal tangin urang ngak saong njauk manuac njauk urang, abih di nyu lac urang ngak bruk tự do, urang ngak bruk tui hatai, brei hu bruk tantu, cambaih laih meng bruk pasang iek duah thau, padang angan, pasang iek saong brei hu bruk linh hoạt dalam tuk ngak./.

Urang lamh : Jasi -22/8