Amuk Nguyễn Thị The (quận 8) hu CEP daong jien piah ngak mbang veik hadei di tuk ban raya peih papah mbang

Diuk pasang amuk Nguyễn Thị The, umo 58 thun, daok di phường 16 (quận 8) diukrai meng bruk pablei vé số rilo thun tapa. Tuk jit mbang ka 4 tamuh tabiak, dua ong muk jeng lahik bruk, daok vil val dalam sang tro sit sot 10 m2. Sang amuk hu karja daong ginup 3 paok jien daong min luac 4 bilan "daok di sang mbang saoh oh ngak hagait tabiak jien nan ye mbang abih phun”. Akaok bilan 10, abih sang amuk The hu 3 urang njom Covid-19 njauk tame sang iek ruak piah taong ruak. Tuk ban raya brei ka bhap bini nao mai ngak mbang bo dalam sang oh daok jien piah nao mek vé số pablei, tapa yaih khan di akaok tổ dân phố, amuk The nao taom gaok Kapul jien padai praong CEP, dhar quận 8 (di Liên đoàn lao động ban raya HCM). Amuk hu masraiy 5 triệu đồng tui paok bahrau di abih daong ka urang bhian lac F0 ngan haong jien laba yaok bilan 0,15%, nan lac masraiy 1 triệu đồng biyar jien laba 1.500 đồng.

Sang amuk The lac sa dalam labaih 40.600 tuai hu CEP daong jien piah ngak mbang veik hadei di tuk ban raya peih papah mbang ngan saong yaom jien abih tih jaik 920 tỷ đồng. Ong Nguyễn Tấn Đạt, Phaok Yam ndok CEP brei thau, tapa mbang pasang iek, rilo urang kan kathaot, urang ngak caong hu masraiy jien hadei di tuk Covid-19 hu pasang iek. Dom urang pablei vé số, blei phế liệu, pablei bu, pablei cà phê, bánh bao... meda lac oh hu drap ar piah padang. Mayah oh hu daong, dom urang nan medanao tal labik brei masraiy jien laba biak glaong.

Tui ong Đạt, CEP meda brei masraiy meng 1 triệu đồng tal glaong abih lac 100 triệu đồng. Tui bruk ngak saong jien mek tame, urang ngak meda biyar jien phun saong jien laba yaok adit, yaok 15 harei atau yaok bilan. CEP hu rilo dhar, pambuak bruk khang kajap haong karja palei nan ye bruk masraiy jien oh cang padang drap ar atau ndok hagait karei.

Hadei di mateh bilan ngak harak gar, saai Huỳnh Thị Tư, umo 42 thun, daok di xã An Nhơn Tây (huyện Củ Chi) hu brei mesraiy 50 triệu đồng, jien laba yaok bilan 325.000 đồng. Hu jien, saai peih gilac quan hadei di labaih 4 bilan padieh kayua jit. Dahlau dieh, oh hu drap ar piah padang nan ye tuk caong hu phun jien saai Tư njauk nao tal dom labik brei masraiy jien laba glaong, jien laba meng bruk pablei salih oh ginup piah biyar jien laba.

Amuk Trần Thị Phương Hoa, Phó akaok Kalup urang kumei Ban raya HCM brei thau, kadung jien daong urang kumei cak rok patagok bruk ngak mbang di kapul hu labaih 170 tỷ đồng, daok brei mesraiy ka 12.000 urang dalam kapul. Taong abih harak pambuak bruk masraiy jien jeng tui jalan tín chấp, oh cang hu drap ar padang, jien laba yaok bilan 0,65%, nan lac masraiy 1 triệu đồng jien laba yaok bilan 6.500 đồng. Manuac urang masraiy glaong abih lac 50 triệu đồng, biyar jien phun saong jien laba tui yaok adit atau yaok bilan. Labaih 1 bilan tapa, yaok adit kadung jien peih brei masraiy meng 8-10 tỷ đồng. Urang khin masraiy meda hu kapul urang kumei pato tacei ngak harak gar, dalam 15 harei meda hu mek jien.

Tui Phó akaok UBND ban raya HCM Phan Thị Thắng, piah daong ka bhap bini hu masraiy jien ngak mbang hadei di tuk ban raya peih pabah mbang, langiu di CEP saong kadung jien di kapul urang kumei, ban raya daok hu rilo labik brei masraiy jien, yau ye Kalup dam dara, dom gilang pariak sarak kanja quận, huyện. Dom bruk ngak ini hu daong ka urang kan kathaot samar tani tanat raidiuk hadei di tuk jit hu pasang iek saong ban raya tani tanat bruk xã hội./.

Urang lang: Thu Thao – 15/11