Ong Ba Xê brei thau, pajaih darang ini hu ong duah mboh di thun 2012. Akaok meti hu 2 phun, hadei di sa tukvak pala, ong mboh oh njom mbak ruak chổi rồng yaom lac hu pala jaik dom phun njauk njom ruak trak. Piah ka nyu tantu, ong pala pablak iek pajaih darang ini saong dom got darang klik limo di sang daok njauk njom ruak chổi rồng. Hadei di sa tukvak tui iek, mboh pajaih darang ini nyu tamuh siam saong oh njom mbak ruak; dalam tuk nan dom dhar, caduk tamuh tabiak meng got darang klik limo nyu njauk ruak palai pajoa. Ong Ba Xê lac:          

            “Tal urak ini phun darang ini nyu tamuh siam, oh mboh hu ruak chổi rồng. Dalam tuk nan, dom dhar sit darang klik limo kateik tagok jeng njauk ruak min nyu oh njom mbak tapa pajaih darang barau ini yaom lac oh pandar jru pametai nhện blau nhung, janih nhện ba tal ruak chổi rồng. Ong mboh pajaih darang ini biak siam, nyu hu pren pacang ruak biak khang. Urak ini oh ka mboh ruak min ong meda taong yaom lac 99% nyu pacang hu ruak chổi rồng”.          

Tui ong Ba Xê, janih darang ini nyu yau darang klik limo. Bruk pala saong iek glang dreih yau dom pajaih darang karei. Abih di nyu nan lac janih pajaih ini tamuh hu di bhum taneh takik màu mỡ, brei baoh biak mbuan. Ong ieu pajaih darang ini lac darang Phú Tây. Meng bruk pacang hu ruak chổi rồng, ong Ba Xê brei pambak praong tagok jaik 60 got darang daok hu janih ruak ini, saong daok tui iek. Tal urak ini hu 3 thun, darang daok tamuh siam. Ong jeng hu ngak iek brei 10 phun tabiak baoh, tapa nan mboh lac, gam baoh ralo, baoh praong, asal sit, ralo kapal saong mbau pahe bingi, hu urang blei mbang biak takre. Urak ini dom gol pagam daok veik jeng daok hu ong kham merat iek glang, jaik brei baoh. Ong Ba Xê lac:   

 “Năng suất ye mboh nyu samu saong darang klik limo, min yaom nyu glaong jang darang klik limo. Dalam 10 phun nan pablei hu jaik 400 kg. Di bilan sa thun ini, yaom darang klik limo lac 8.200 đồng sa kg, darang ini  pablei sĩ ka dom mối di darak lac 20 ribau đồng sa kg, yau nan  nyu glaong jang dua mbang darang klik limo, dalam tuk nan tal tangin urang blei mbang yaom meng 25 tal 27 ribau đồng sa kg min  urang jeng blei mbang”.

Pajaih darang ini daok hu sang ong Ba Xê gam saong gah ngak nông tỉnh Sóc Trăng pambuak bruk saong Viện phun mbang baoh gah meraong dut iek saong xác định angan. Taphia di nan daok tui iek bruk tani tanat dalam sinh trưởng, năng suất saong lượng baoh; tui iek dom đặc điểm hình thái, sinh học, bruk pacang hu halak palai kaik di pajaih darang ini, abih di nyu nan lac ruak chổi rồng dahlau di tuk yaih khan tal dom urang ngak bein karei karei. Ong Vũ Bá Quan, phaok akaok jabat ngak nông saong patagok palei pala huyện Kế Sách brei thau:

 “Jabat ngak nông hu pambuak saong labik ong Ba saong dom gahkarei peih bruk pasang iek đặc điểm hình thái sinh học, pren pacang dom janih halak halin, meyah mboh nyu siam ye kol dahlak brei peih  ginum meyai di đầu bờ, yaih khan tal mikva pala bein  urak ini daok pala darang tiêu klik limo njauk ruak chổi rồng oh pasiam veik hu salih tapa pala pajaih darang barau pacang siam dom ruak ini.         

Tal urak ini, hu ralo urang ngak bein mai tal sang ong duah thau saong blei pajaih nao pala iek. Meng bruk lac ruak chổi rồng daok palai pajoa bein darang oh ka dang veik, saong dom jalan pacang cakak oh ka ba mai siam lagaih, ye bruk hu pajaih darang bahrau meda pacang hu janih ruak ini, lac bruk siam piah ka dom urang ngak bein pala darang palih ruah piah patagok kinh tế dalam tukvak tal./.