Dalam dua mbang mesruh metak, Rayo sap ndom Việt Nam lac baoh tatua pambuak pagam gah Barak saong gah Meraong meng chính trị tal hatai anit ranam. Rayo lac vũ khí hu pren khang biak khang, tacei tabiak âm mưu meblah mek, neh rabha taneh aia drei di kaol khamnag saong pathau khan, pachreih ba bhap bani dalam negar dang tagok mesruh metak, meblah độc lập bangsa. Dalam tuk  mbom, siu taong palai biak khang, dom urang jakar, urang vak, urang daok ngak bruk di Rayo sap ndom Việt Nam oh huac metai lihik, rambah rambup piah khik kajap “baoh tatua” pambuak pagam dua gah Meraong – Barak.

Bilan 10/1956, nhà báo Trần Đắc Lộc salih tapa ngak di Ban Biên tập gah Meraong – Rayo sap ndom Việt Nam ngan haong bút danh Viễn Kính. Umo dua pluh, urang likei palei Cần Thơ ndung bak dalam rup hatai takre văn chương saong caong ngak dom bruk proang, siam. Nhà báo Đắc Lộc brei thau, tuk yam tame  nghề, khaol dahlak meng thau bruk kan kandah, rambah rambup di sa urang vak saman mesruh metak. Dom urang vak di Rayo sap ndom Việt Nam tuk nan nao ngak bruk meng baoh siphau saong mbaik kalam. Mbang oh trei, angui cuk oh ấm bo mbom siu daok laik trun miat. Yau nan min dom urang vak di Rayo sap ndom jeng kham merat ngak bruk. Yaok kadha vak hu par tagok riyak Rayo sap ndom Việt Nam nan lac yaok mbang urang vak hu pabak jang pren yava piah yam tapa kan kandah, rambah rambup. Nhà báo Trần Đắc Lộc lac: Khaol dahlak tuk nan oh sahneng hagait tal harei melam. Van page nao họp giao ban vak chip sa kadha ka van kreh pandiak. Min tal kreh pandiak vak blaoh ye hu brei bruk nao vak kadha karei. Nan lac oh samu luai suan. Sa adit phóng viên vak 7 kadha bo oh saneng hagait tal jien padai.

Dalam dom thun bilan mesruh merak pacang cakak kol Mỹ, Rayo sap ndom Việt Nam lac sap ndom di cách mạng, sap ndom di bhap bani dua gah Meraong – Barak. Urang jakar saong bhap bani drei pang Rayo piah thau cambaih mesruh metak, bruk  dalam negar saong angaok dunya. Kaol khamang ye pang Sap ndom Việt Nam piah duah thau jalan ngak di karja cách mạng Việt Nam yaok harei. Dom kadha vak papar sap angaok riyak di Rayo taong njauk hatai sahneng di kaol khamang, ngak ka kaol nyu having akaok saong mong Rayp sap ndom Việt Nam lac labik prong dang akaok piah taong palai. 

Ngan haong nhà báo Huy Lan, sa saman glaih glar haong bruk ngak tuk ngak urang vak di Rayo papar sap Peih paha di Trung ương Cục gah Meraong (urak ini daok dalam tỉnh Tây Ninh) nan lac dom bruk, dom kadha oh var hu. Dom harei “raih cagar Trường Sơn nao daong taneh aia”, ong saong dom ayut sahabat nao ndik ceik, caluai kraong, tapa craoh piah ba dom kadha bahrau di abih ka bruk cách mạng di gah meraong tal bhap bani dalam negar. Dalam 6 thun ngak urang vak di Rayo papar sap Peih paha, nhà báo Huy Lan oh daok hadar hu hadom mbang kaol Mỹ saong kaol tangin takai di nyu taong palai. Dom thun 1969-1970, hu dom mbang taong palai di kaol khamang nyu cakak klaih jalan liên lạc, cakak jalan daong pandap mbang menyum di căn cứ Trung ương cục gah Meraong haong dom bhum jaik taphia. Dom urang vak njauk duah jalan piah tabiak  truh bruk pacang cakak nan piah tác nghiệp. Jak jeng di dom urang vak meng hu bruk raong, padauk, khik caga di bhap bani. Tapa Rayo papar sap peih paha, bhap bani gah Meraong khang hatai jia tame sap ndom di Đảng, sap ndom di cách mạng saong jalan mesruh metak piah nao tal jayak puac di abih. Dalam bom siu yau hajan yau ribuk, ralo urang vak di Rayo Papar sap peih paha saman taong Mỹ ndih trun tuk daok ngak bruk di lingiu chiến trường. Nhà báo Huy Lan hadhar veik: Bruk mesruh metak di bhap bani drei di gah meraong tuk nan biak khang, caik ka urang vak njauk ngak bruk oh thau glaih glar. Khaol dahlak gaok tuk gam vak, gam nduac. Dom mbang taong khang di kaol khamnag ye adei sa-ai njauk takac lubang blaoh daok ala nan piah vak. Tuk payua tabiak tal Hà Nội, harei hadei pang rayo di dalam ini mboh kadha vak di drei ye bui sambai ralo.

Dalam baoh sang di phường Hiệp Bình Chánh, quận Thủ Đức, bal raya Hồ Chí Minh, ong Đặng Trung Hiếu, dahlau diah ngak phaok akaok Cục Kỹ thuật papar sap dalam Tổng Cục Bưu điện - Truyền thanh saong Nghệ sỹ ưu tú Trần Thị Ngọc Linh (nghệ danh Việt Hà) – diuk di ong, urang hu 20 thun pambuak pagam haong bruk Xướng ngôn viên di Rayo hu caik sa labik sit piah khik mepiah dom pandap ka sa saman mesruh metak khang. Nan lac baoh Radio klak, mac taong akhar haong dom thaot binguk thaot haong Wa Hồ saong dom ayut sahabat di Rayo sap ndom Việt Nam... Ngan haong diuk pathang ong, nan lac dom pandap njauk iek prong ka dom thun bilan pambuak pagam haong riyak negar. Jeng meng “baoh sang” 58 Quán Sứ, Hà Nội, ong amuk gaok gauk blaoh anit ranam gauk bloh hadei di nan jeng diuk jeng pasang. 

Ong Đặng Trung Hiếu brei thau lac drei biak patuah jamo kayua lac urang hu mong mboh dom tukvak dakrai sajarag di taneh aia. Ong lac urang hu mbaok dalam harei taduan mek bal ine (10/10/1954) saong taduan mek Bei Gon (30/4/1975); taphia di nan lac sa dalam dom urang akaok meti taduan mek Rayo papar sap di Pháp gah Barak saong Rayo papar sap di Mỹ - Ngụy gah Meraong. Dalam tuk cơ sở vật chất daok kurang rilo janih, dom urang ngak bruk gah kỹ thuật di Rayo hu ralo sáng tạo piah ka riyak Sap ndom Việt Nam tuk halei jeng hu khik kajap. Ong Đặng Trung Hiếu lac: Melam kaol Mỹ pandar pháo đài bay piah cuh palai gah Barak, dahlak hu brei bruk daok veik Rayo ngak bruk. Ong Trần Lâm harei nan jeng daok veik piah tacei pato biên tập gah Quán Sứ. Dalam melam, ong nan iew phon tapa tangi: “Urak ini Mễ Trì njauk taong jaleih paje, urak ini ngak habar”?. Dahlak javap lac:“Tui jalan ngak bo khaol drei hu caga blaoh”. Page harei hadei, bhap bani bal ine oh thau lac bilai papar riyak Mễ Trì njauk taong jaleih, kayua lac khaol drei phát meng riyal caik pak 45 Bà Triệu. Biak ralo urang dalam ngành jeng oh hu thau bruk nan, kayua lac taong abih dom bruk khaol drei peih ngak biak kandauk.

Mesruh metak nao tapa blaoh. Dom urang jakar, urang vak, urang  kỹ thuật di rayo meng kan diah urak ini mbuk patih kaok, kalik kacuh. Yau nan min, dom thun bilan urang hu nao tapa blaoh, hu ngak bruk saong cống hiến hu rik daong vak jeng dom blah dakrai sajarah hadah hadai di rayo sao ndom Việt Nam dalam luac 70 thun nao gam haong taneh aia./.