Kayua jit Covid-19 nan ye jaik abih dom DN jeng gaok dom kan kandah

Lac DN ngak takhaoh klik pablei tabiak negar lingiu, yaok thun Cty TNHH Freewell, KCN Bắc Đồng Phú, huyện Đồng Phú tuk halei jeng hu jaik 9 rabau urang ngak bruk, jien bilan meng 6-7 triệu đồng sa bilan. Tui taong yaom di DN, dom menuac ngak nan jeng oh ka patagok hu abih prein khang di sang mac. Piah dui pachreih, khik takai urang ngak, yaok thun, lingiu thưởng jien bilan 13, brei radaih ba urang ngak nao palei mbang tết, Cty daok bhian ravang, tangi sua, pachreih ba, alin hadiah pandap ka urang ngak tuk lễ, tết, tuk ruak kik pandik harao. Meng sangka tal raidiuk, khik kajap bruk ngak, jien bilan tani tanat, urang ngak dak harei dak mboh sahanang hatai kak kajap haong DN.

Amuk Lê Thị Lâm, akaok Công đoàn Cty cổ phần sản xuất - dịch vụ saong pablei salih Phúc Thịnh brei thau: Piah khik takai urang ngak, lingiu jien bilan, jien thưởng, tuk Tết nguyên đán meng blaoh, dahlau di tuk urang ngak nao palei mbang tết, Cty hu taom gaok, ndom biai nao mai, duah thau hatai sahneng, hatai caong khin saong pachreih ba urang ngak takik nao mai atau jhui nao palei mbang tết dalam tuk jit Covid-19 daok rah tabiak srau kadau. Abih di nyu nan lac, Cty hu daong meneing jien pah sang daok ka dom urang halei daok veik Bình Phước mbang tết…

Dalam tuk jit Covid-19 daok mbuan ngak brei srau kadau, hu tuk DN brei dui atah atau patrun patakik tukvak ngak bruk. Tui nan oh plaih ngak srau hatai sahneng saong jien bilan di urang ngak. Anak bruk yau nan, lingiu di yaok rabau urang ngak bruk gam gam, Cty TNHH Yakjin Sài Gòn, KCN Bắc Đồng Phú hu pilih ruah urang ngak tui bilan. Ini jeng hu maong lac jalan daong ka DN tani tanat bruk ngak mbang pablei salih dalam tuk jit Covid-19 daok rah tabiak srau kadau, darak pasar pablei tabiak negar lingiu oh tani tanat.

Sa-ai Phạm Quang Mạnh, urang ngak di Cty TNHH Freewell brei thau: “kayua jit Covid-19 nan ye jaik abih dom DN jeng gaok dom kan kandah. Min meng bruk hu jien bilan, jien thưởng, pachreih ba urang ngak di dom DN rilo meng dreih gauk nan ye urang ngak takik  “chat” duah labik ngak hu jien glaong jang... Lingiu di nan, jaik abih dom DN jeng hu sarak daong, sangka tal raidiuk urang ngak, abih di nyu lac hu sarak pachreih ba urang ngak bruk lavik thun”.

Piah dui pachreih urang ngak, oh lac hadei di tết bo meda lac luac thun, dom DN jeng brei thau bruk pilih ruah angaok dom báo, đài, blah web di công đoàn ngành. Gam haong nan, pambuak gauk peih dom mbang giao dịch bruk ngak di palei pala.

Meng caong pilih ruah 2 - 3 rabau urang ngak yaok thun, lingiu di bruk patagok pathau khan,  phát tờ rơi, Cty TNHH Freewell daok hu sarak daong ka urang ngak ba menuac tame ngak bruk. Ong Lê Mộng Hoàng, akaok Công đoàn Cty TNHH Freewell khan lac: Anak meta, Cty caong hu rilo urang ngak. Kayua yau nan ye, yaok urang ngak ba hu 1 menuac tame ngak hu thưởng 150 rabau đồng. Hadei di 3 bilan ngak iek, meyah urang nan hu mbaoh tangin tame harak pambuak bruk ye urang ba menuac tame ngak nan hu brei 150 rabau đồng tra. Ini lac jalan ngak gheih, pachreih urang ngak duah menuac tame ngak bruk.

Cty cổ phần sản xuất - dịch vụ saong thương mại Phúc Thịnh, KCN Đồng Xoài I (ban sit Đồng Xoài) ngak tabiak saong ngak mbang pah pandap kayau. Cty daok ba bruk ngak brei ka labaih 500 urang ngak. Min piah khik njauk tukvak dom đơn hàng, urak ini DN daok caong pilih ruah 100 urang ngak tra. Tukvak tapa, lingiu di bruk brei thau ka pilih ruah, thưởng jien ka urang ngak ba menuac tame ngak, Cty daok hu peih ngak dom sarak sangka tal raidiuk, khik bruk ngak, jien bilan ka urang ngak dalam bhum kinh tế praong Đông Nam bộ, Bình Phước hu rilo kein lagaih saong daok lac labik dui pachreih rilo urang buh jien tame ngak mbang. Kayua yau nan ye, bruk caong hu urang ngak yaok thun biak praong. Taphia bruk kham merat di DN dalam dui pachreih, daong brei, njauk hu dom jalan ngak praong, dui pachreih, khik takai urang ngak tui jalan khang kajap. Dalam nan, bruk buh jien tame ngak sang daok ka urang hu jien mek tame biar gam haong bruk padang ngak dom hạ tầng di dom labik ngak kong lac sa dalam dom jalan ngak hu rilo menuac cang, maong akaok./.

Urang lang: M. Phương – 01/05