Kapul doanh nghiệp caong hu buh jien tabiak blei vaccine caga Covid-19 ka urang ngak di drei

Thun 2020, jik manyim lac gah njauk kan kandah biak praong meng jit Covid-19, yaom jien mek tame meng pablei pandap tabiak negar langiu trun 10% dut saong thun dahlau. Akaok thun ni, hadei di tuk jit ruak hu jhul kadun likuk, rilo doanh nghiệp jik manyim hu dom đơn hàng tal abih quý 3, atau tal puac thun ni. Min, puac bilan 4 meng bblaoh, jit ruak tamuh tabiak veik ngak ka rilo doanh nghiệp duh hatai, kayua đơn hàng hu mbaok tangin blaoh saong daok caga tal tukvak jao pandap. Di Bắc Giang, Bắc Ninh, dom doanh nghiệp njauk padeih ngak. Tui Phó akaok kapul jhik manyim Việt Nam Trương Văn Cẩm, ngan haong dom gah hu rilo urang ngak yau ye gah jhik manyim, bruk duah vaccine piah klauk ka dom urang ngak dalam công ty lac bruk biak njauk ngak piah khik bruk cak rok patagok suai lavik: “Ba manuac ngak di dom bhum jit hu tame angan brei klauk vaccine dahlau di abih ye bruk ini khol dahlak biak dhua dhar phol rajaei, mintri Y tế hu ba tabiak ngak. Harei 30/5 meng blaoh, gah jhik manyim hu labaih 3.000 urang hu klauk jru, harei 31/5 klauk veik ka labaih 7.500 urang, palagaih ka doanh nghiệp dalam dom bhum hu jit. Hu biak rilo doanh nghiệp brei thau lac meda buh jien tabiak blei vaccine klauk ka urang jakar, urang ngak di drei.”

Gah Điện tử saong Công nghiệp hổ trợ jeng daok dang angak bruk mbuan klaoh dom bruk pabak ka sản xuất, kayua jit Covid-19 "taong tame” dom labik ngak kong praong di Bắc Giang, Bắc Ninh saong TP.HCM. Dalam tuk kadung jien karja gaok kan kandah, rilo doanh nghiệp caong hu bayar jien klauk vaccine ka urang ngak; saong caong hu sarak ka dom doanh nghiệp jak ba dom gah, dom labik krein randap piah pambuak bruk, ginum biai blei vaccine tui jalan kanja brei ngak, pasang iek saong khik ramik chất lượng piah peih bruk klauk ka urang ngak. Amuk Đỗ Thị Thúy Hương, kapul Điện tử Việt Nam saong kapul Công nghiệp brei thau: “Khol dahlak halain hatain biyar jien klauk vaccine ka urang ngak bruk di dalam kapul di drei. Taeng kapul doanh nghiệp điện tử saong Doanh nghiệp công nghiệp daong tut angan blei saong klauk vaccine anak meta lac 1 triệu mbang dalam tukvak aval di abih, meng bilan 7 tal bilan 8 meng vaccine kayua rajaei blei tame.”

Jeng lac sa gah hu rilo manuac ngak, amuk Pham Thị Thanh Xuân, Phó akaok gam lac Tổng thư ký kapul kalik takhaoh saong kadung teik Việt Nam brei thau, gah kalik, takhaok daok hu mbaok tame gah chuỗi pabak pandap biak dalam. Kayua yau nan ye, anak bruk njom mbak sarau kadhau di jit, vaccine meda lac sa jalan langyah bo dom doanh nghiệp daok biak caong maong: “Khol dahlak meda padang sa kadung jien piah blei vaccine saong taong abih dom doanh nghiệp rik tame kadung jien ni. Gah takhaok kalik ni hu rilo manuac ngak, nan ye meng kadung jien nan khol dahlak meda tut angan haong rajaei; dom doanh nghiệp meda rik tame piah hu vaccine klauk ka manuac ngak bruk.”

Akaok jabat pablei salih saong Công nghiệp Việt Nam Vũ Tiến Lộc brei thau, kapul doanh nghiệp biak uan tabuan dom kham marat di rajaei pato tacei samar drah, siam lagaih dalam bruk pacang caga jit saong meda kham marat abih drei dalam peih ngak hu dua bruk haong gauk bo rajaei hu ba tabiak: “VCCI daok pambuak bruk haong dom kapul doanh nghiệp, gam haong Tổng Liên đoàn Lao động peih bruk ieu dom doanh nghiệp rik tame kadung jien ka vaccine. Kayua yau nan ye, dahlak biak jia lac meda rik daong haong mintri Y tế, haong rajaei piah peih ngak samar drah bruk ini.”

Tui dom kuhri kuhria, piah mek hu bruk oh daok njaom mbak jit dalam rahra. Việt Nam brei hu 150 triệu mbang vaccine pacang Covid-19 piah klauk ka labaih 75 triệu bhap bini. Abih tih yaom jien tui kuhria lac labaih 25.000 tỷ đồng. Bruk sa tangin haong gauk, daong jien padai, drap ar di doanh nghiệp tame kadung vaccine Covid 19, saong sangka jhul khang bruk klauk jru ka rilo urang ngak di doanh nghiệp meda rik daong jhul kadun likuk jit ruak dalam tukvak anak tal./.

Urang lang: Thu Thảo – 17/06