Rilo pandap panda hu urang blei pandar di sieu thị 

Tapa 4 mbang jit, jaik abih dom doanh nghiệp pajeng ba jeng galih glar, abih prein. Doanh nghiệp halei patuah, ngak bruk meteh dhi ye jien duah hu jeng trun tal  80%. Daok doanh nghiệp pajeng ba tuai ye bruk paatah di gauk jeng hu makna lac  oh hu jien tame.

Tukvak tapa, hãng taxi Mai Linh jeng dok dalam kan kandah di jit ruak  COVID-19. Ong Nguyễn Công Hùng, Yam ndoc Mai Linh bhum 1 brei thau, urak ni, glaih glar prong abih di  doanh nghiệp lac tal mbang bayar jien laba ka gilang pariak  . Jaik abih urang ngak oh hu bruk ngak nan ye klaak nao palei duah jalan ngak mbang duah jien . Urak ni, Mai Linh saong rilo doanh nghiệp pajeng ba dok biak kan hu mbang tui dom bruk dong song mesraiy phun jien yaom laba lap tui sarak  68 di rajaei. Ong Nguyễn Công Hùng brei thau:

"Glaih glar bayar jien laba ka gilang pariak, yaom lac brei bayar suai lavik, min brei bayar laba pataom, doanh nghiệp dok kuhria  pablei radaih piah cakak  khat … Urang peih radaih padeih ngak nao palei duah mbang, meyah peih veik veik jeng lahik yaok bilan meng ngak bruk hu tani tanat " .

Meng akaok thun tal ni, bruk ngak di  doanh nghiệp pajeng ba, mblang radaih jeng oh mek hu dut song bruk batabiak.Tui Hiệp hội pajeng ba ôtô Việt Nam, tukvak tapa bruk pajeng ba tuai ngak hu 20% dut song dahlau di jit , pajeng ba pandap panda mek hu 40% dut song thun dahlau. Ong Nguyễn Văn Quyền, Akaok  Hiệp hội pajeng ba ôtô Việt Nam brei thau: Dom sarak hu batabiak tuk vak tapa min dom doanh nghiệp biak kan si hu mbang tui. Pagap yau bruk Mintri jien padai tabiak sarak 112 thun 2020 ka bruk trun jien pandar jalan, min gah buh jien tame ngak BOT oh ngak tui, doanh nghiệp pajeng ba kan si hu mbang tui sarak 68 di rajaei. Kayua yau nan ye tui ong Nguyễn Văn Quyền, tuk vak anak tal  Rajaei jeng brei hu  sarak trun je VAT ka dom doanh nghiệp ngak mbang gah pajeng ba meng radaih  ôtô daok 0%, brei adat tagok tuk vak  di bruk pasang iek radaih  taxi..

Bruk pacang caga jit di dom tỉnh ban karei di gauk, nan ye biak kan ka bruk pajeng ba tuai damuai. Rajaei njauk tabiak sa jalan yau gauk piah ngak . Tỉnh, ban tok hu quy định karei dalam tỉnh drei di dom gah, nan ye hu sa jalan ngak yau gauk ye bruk pajeng ba tuai meng meda hu peih ngak veik. 

Bahrau ni, Thủ tướng Rajaei hu jao ka  Mintri jalan mbak pajeng ba  dang tabiak pasang iek, ba tabiak dom sarak, jalan ngak dong ka doanh nghiệp pajeng ba tuai gaok kan kandah kayua jit  COVID-19. Min, dom jalan dong ka doanh nghiệp njauk peih ngak samar drah, meyah oh hu yau nan, bruk pablei radaih, bayar sre meda lac bruk palih ruah oh thei khin min brei ngak di dom doanh nghiệp pajeng ba./.

Urang lang: Hanipha- 11/10