Ong Nguyễn Tiến Đông sa urang roh duah hu taong yaom: “Bingun Cam ieu lac sa janih kaya kan ilamo biak chreih mekre saong biak njauk piah roh duah thau.” Dalam Tuk madin raya, bimong kalan di urang bangsa Cam kandon rah di bhum palei Kreh Negar dak harei dak khut tayah tui tukvak masa, dom bingun ia jangaih jeng daok rai kajap. Halau ia nan oh lac sa janih brei raong diuk bhap bini blaoh nyu daok janih kaya kan praong banrik, pabak ka dom gilai kapal nao mai di tasik praong Bien Dong.

Dalam ndap nda kaya pablei salih di jaman nan, dom pakuang ia hacih meng bingun bangsa Cam tuk halei jeng yau sa kaya njauk oh kurang hu.

Dahlau tuk hu majam ia hacih sa-at palei pala, urang bangsa Cam jeng daok khik tani tanat bruk pandar bingun ia dalam bruk ngak mbang daok dang yaok harei.

Bingun bhian hu kuac di labik gah Pur Barak Utara di mblang sang. Daok di bhum taneh thu lagu, urang bangsa Cam patak pataom hu ilamo duah halau ia taba di taneh cuah tapen tasik saong bhum taneran, ngak ka hatai caong ka halau ia jeng sa bruk banrik.

Dalam harak gar sap bangsa Cam meng kal, Inrasara, sa urang roh duah jeng ndom lac: “Urang Cam kuac saong padang bingun oh lac piah pandar blaoh daok piah pablei. Meng pablei galau sar tal ia taba – kaya njauk hu abih jeng jeng ndap nda piah pablei salih. Piah pabak ia tani tanat ka gilai ahaok di dunya, urang Cam njauk lac thau tani tanat ka ilamo duah ia taba jaik pabah lamnge tasik”.

Urak ini, di tinh Khanh Hoa, majam bingun klak tapen tasik daok di palei Cuah Patih (Thành Tín), xa Ninh Phước jeng daok hu khik ramik. Urang Cam patah angan ka dua baoh bingun tui likei kamei: Bingun Tano (bingun Lakei) saong Bingun Binai (Bingun Kamei). Bingun hu padang meng patau, kiak, di takai bingun padang meng kayau tui thaik pak mata, rup bingun hu ngak meng kayau.

Tuk ia ndik tagok, ia sraiy tabiak langiu. Halau ia ini hu neh rabha piah pandar: banah angaok hu pandar ka adat cambat saong bruk daok dang yaok harei, banah di tal patui veik piah menei, daok banah tal puac abih piah duh ka bruk raong glang saong pala drak. Dalam nan njauk caik hatai abih di nyu ieu lac, di dalam bilan thu pandiak bhang, halau ia taba ini jeng oh thu oh kaoh.

Tui ong Lộ Minh Trung, palei Hamu Tanran, xa Ninh Phước, tinh Khanh Hoa piah duah halau ia taba, urang bangsa Cam meng kal bhian pok sap dalam hatai khin likau tagok po yang mebang, hadei di nan paguak pangin meng ban kim loai trun taneh di klau labik. Hadei labaih sa tuk, peih tabiak mboh pangin halei tathah ye ruah labik nan piah cakac bingun. Min, gah Pur Barak Utara di mblang sang jeng lac sa bruk pilih ruah brei caik dahlau abih tui ilamo caik rai di bhap bini.

Ilamo duah halau ia saong kuac bingun, gam majam kraong ribaong bhap bini, hu jeng sa janih kaya ilamo. Yaok thun, urang bangsa Cam daok peih adat paling yang ka bineik ia, kakei ka bhap bini khik ramik kraong ribaong, pacang khik halau ia saong alam langik hacih sa-at.

Harei ini, bingun jaman kan klak di palei Cuah Patih rilo meng lac duh ka bruk ngak hamu saong raong glang. Min, ini jeng lac inem mek brei hu pandar, yaih khan piah jeng sa labik jirah rivang, daong khik ramik drap ar urang bangsa Cam saong patagok bruk ngak mbang di palei pala./.