Kuhria di Sang iek ruak Ung buou Ban raya Ho Chi Minh, thun ini, hu labaih 1 trieu urang mai pasang iek ruak. Dalam nan Ung thu tuyen giap hu rilo abih, blaoh tal ung thu tasau. TS-BS Diệp Bảo Tuấn, Yam ndok Sang iek ruak Ung buou Ban raya Ho Chi Minh brei thau, dom urang ruak ung thu bhian gaok tame sang iek ruak dalam tuk ruak trak (tukvak 3, 4) hu tal 80%.

Tui Mentri Jien padai, urak ini ba tame pandar ngak bruk hu labaih 17 ribau sang danaok jabat ngak bruk,  daok labaih 9 ribau sang taneh riya oh ka ba tame pandar hadei salih tapa ngak bruk tui karja bhum palei dua pakat. Piah jhul pakhang bruk dak ramik, brei ba tame pandar dom sang jabat ngak bruk, taneh riya hadei tuk padam tame dom jabat ngak bruk di karja, salah bruk ngak tui panuac tamat Mentri Chinh tri, Mban Bi thu saong tacei ba jalan ngak  di Thu tuong, Mentri Tai chinh patui bruk kuhria abih tih saong ba tabiak dom jalan ngak piah ngak bruk hu siam jang dalam tukvak anak tal, tui nan tacei pato, lang talaih dom kan kandah, tavak tavaiy di bhum palei.

UB Bhap bini xa Lộc Thành, tinh Dong Nai peih Harei peih ngak bilik daok, sang mbang huak, sang ging saong dom danak dak daong Sang bac Tieu hoc saong trung hoc co so Lộc Thiện. Taong abih tanut buh jien tame padang jaik 11 ty dong. Kuhria, danak dak brei salah saong ba tame pandar di akaok thun bac 2026-2027. Urak ini dalam tinh Dong Nai hu taong abih hatai caong gam daok gam bac, gam daok gam bac meteh harei ka labaih 10,5 ribau anek saih haong 647 tal bac; hatai caong brei pabak padang 390 bilik bac.

Yaom lac tamat blaoh tukvak tam drak 2 mbang tui tacei patao di gah ngak nong, min yaok ribau ha padai di dom xa bhum Dong Thap Muoi di tinh Tay Ninh oh ka drak pajaih padai kayua ia ribuk trun suai, ia dauk hamu daok glong. Gah ngak nong tinh Tay Ninh khan lac, meyah suai tam drak oh lagaih ka padai bilan Dong Xuan kayua padai sroh nerang  gaok langik oh lagaih bo daok gaok jhak rilo tal bilan padai he thu 2026 jaik tuk ia mbak njom tame.

Nha tho chinh toa Duc Ba Sai Gon – sa lambaok ka ilamo, agama saong jirah rivang di Ban raya Ho Chi Minh, daok jeng pasak dom harei jaik Giang sinh, tuk cuk tame drei sa majam gom truac biak gheih hu 1.000 km talei gom LED. Tanrak hadah thun ini hu ngak tui thaik thaot dom baoh taneh sambo bar hijao, payua asal kadha pacang khik alam saong khik ramik alam langik hijao, hacih gheih ghang. Bruk ngak gheih karei ini ngak ka labik pasak Ban raya Ho Chi Minh hadah tagok, dui pachreih rilo tuai damuai, rahra saong dam dara duah mai tal me-in, thaot binguk.

Akaok negar Trung Quoc Tap Can Binh khan lac, taneh ia ini brei pabak 100 trieu dola My daong ka urang Palestine, piah daong ngak ladam trun  bruk kandah gauk daong ngak pahala di Gaza saong daong kham ramik padang veik bhum taneh khut tayak. Akaok negar Trung Quoc khan lac, dua gah njauk hatai pakhang pambuak bruk ngak gah mblang kapal ahaok  vũ trụ saong ndien hat nhan, tri tue nhan tao, bruk ngak kinh te hacih saong jru tavao sinh hoc.

Rilo mblang kapak ahaok par di grauk An Do laik tame bruk srau kadau tuk IndiGo – hang ahaok par praong abih di negar ini – katuak brei cakak klaoh labaih 1.200 mbang par tok dalam dom harei. Bruk klaih klaoh dom mbang par ngak ka yaok ribau tuai damuai gar tavak saong bruk pajeng ba meng ahaok di An Do njauk brei dang rilo. Tui pathau khan meng hang IndiGo, makna ba tal meng bruk kan kandah ky thuat, kayua langik jhak saong dom adat bahrau brei ka urang peih par ahaok saong kapul duh bruk dalam ahaok. Urang jakar An Do ndom lac ini lac bruk kan kandah trak kan si gaok.

Thai Lan chap mek labaih 300 trieu USD drap ar saong brei 42 adat chap mek dom kol pachot pagat online ngak bruk dalam negar. Ini lac bruk praong piah langyah dom kol pagat pandar kong nghe glong di Dong Nam A. Rilo labik taphia negar Thái Lan, Myanmar saong Campuchia tukvak hu jeng labik kol nyu ngak bruk online, labik urang chap kateik ngak bruk dalam labik di kol nyu./.