Tui hatai saneng di urang Khmer, adat kakuh aia bulan nan lac piah ba-yar dhal phol ka yang aia bulan dalam thun hu pacang khik brei ka phun pala cak rok siam mekre, ba mai angin siam hajan laghaih, pala hagait hu nan. Di harei ngak adat, taong abih manuac urang daok khok trun mek tangin veik pa-yeng mbaok nao gah aia bulan ngak adat cang aia bulan tagok. Tuk aia bulan tagok saong mbaok bulan tanjak hadah, tuk nan manuac urang cuh nhang, cuak menyek saong tuh aia te ngak adat thau dhal phol aia bulan. Hadei di tuk kakuh likau saong puac bac harak gal likau patuah jamo nan lac lac tal adat jaih kom paih.

Ini daok ieu lac sa adat tanarakun meng kan rik daong paglaong akaok saneng dalam bruk pacang khik saong cak rok patagok yaom inem krung ilamo di bhap bani Khmer, pabak hatai caong khin taduan mek ilamo glo akaok ka bhap bani. Adat kakuh aia bulan hu makna biak prong brei mboh tapa dom janih pandap paling saong kanar hadhar tal ein ngai di yang aia bulan, yaom lac hu bhap bani Khmer mong yau yang pacang khik ka phun pala that siam, daong ka manuac sia ngak mbang cak rok dalam thun bahrau.

Langiu di nan, adat kakuh aia bulan daok hu makna gah hatai saneng brei mboh tapa dom kaya ngui brei paling saong parang iek yau: 02 mbaik ghang ngak kong di kapal paling pagap ka "Vang vil baoh taneh - Vanh ndai vu tru"; baoh kapal brei thau ka "baoh taneh"; 02 mbaik tabau pagap brei ka "bruk caih menek"; 03 mbaik tapang dhil hu kluak angaok kong pagap ye ka 03 bilan dalam thun nan lac "pandiak, la-ar, hajan"; 12 hala hu tual di dua tapain kong pagap ka "12 bilan dalam thun saong 12 anek methak"; 07 baoh paneng ge hu thaik binguk dreih drei dang ko pagap ka "07 harei dalam adit"; 30 hala hu caik di gah hanuk kapal paling pagap ka "bilan ginup”; 29 hala hu caik gah iew kapal paling pagap ka "bilan kurang" saong dom janih har meneng, baoh karaoh, kom pait… piah paling yang saong kanar hadhar tal ein ngai di yang aia bulan yaom lac hu bhap bani Khmer mong yau yang pacang khik brei ka phun pala cak rok that hijao, daong ka mauac sia ngak mbang cak rok dalam thun bahrau.

Gam tui di nan, Adat kakuh aia bulan nan lac ieu adat cambat tanarakun meng kan ngak brei paglaong akaok saneng dalam bruk pacang khik saong cak rok patagok yaom inem krung ilamo di bhap bani bangsa Khmer, pabak hatai caong khin taduan mek ilamo glo akaok ka bhap bani dalam tukvak pok drei yam tame saong cak rok patagok. Tapa di nan, nyu daok brei mboh bruk sangka di Ndang saong Karja dalam bruk peih ngak tui sarak bangsa, cak rok patagok pren khang di bhap bani dom bangsa takik pambuak pagam haong jalan ba cak rok patagok bruk ngak mbang kinh te, ilamo saong grap tanat bruk mbang angui daok dang ka rah rah./.