Sang bac Tieu hoc Lâm Giang di xa Hàm Thuận Bắc rilo meng lac anek saih bangsa Cam. Meng dahlau mai, gru saong anek saih cuk khan aw bhap bini di bangsa Cam tame mai sang bac ngak jeng thaik thaot randap di labik ini. Meyah dom ayut kamei gheih ghang dalam dom blah khan aw Cam patih, hu jhik siam gheih, oh neh calah aw ye dom ayut likei khang kadang dalam dom blah khan patih, oh hu bingula.

Jeng yau anek saih, dom nai gru urang Cam di Sang bac Tieu hoc Lâm Giang jeng cuk aw kamei Cam nao Pato, mboh karei di nyu lac dom blah aw di nai gru hu ngak karei hu rilo sambo bar karei gauk, ngak jeng bruk siam gheih min jeng khik hu bruk siam mekre saong gheih ghang di aw kamei urang bangsa Cam

Phaok Akaok Sang bac Tieu hoc Lâm Giang nai gru Nguyễn Thị Thu Vân brei thau: “Bruk peih ngak ka anek saih meng tal 2 tal tal 5 cuk khan aw bhap bini bangsa di page harei Som yaok adit taduan hu bruk daong prein di dom amaik ame saong bruk chreih takre di anek saih. Khol dahlak oh maong bruk cuk khan aw bangsa ka hu, bi daok lac bruk piah pato megru anek saih thau ka halau agha. Tapa nan, dom adei ta-eng thau dalam bruk khik ramik saong patagok dom yaom kaom ilamo siam gheih bhap bini di bangsa drei”.

Meng thun bac 2025- 2026, Sang bac Tieu hoc Mỹ Thạnh, xa Hàm Thạnh (tinh Lam Dong) jeng peih brei cuk khan aw bhap bini dalam sang bac. Sang bac hu 119 anek saih, dalam nan hu 111 adei lac urang bangsa Raglai. Thaik thaot anek saih cuk khan aw urang bangsa Raglai mai sang bac jeng sa ilamo siam gheih, bruk hadah mbaok meta di gru saong anek saih di sang bac.

Akaok Sang bac Tieu hoc Mỹ Thạnh nai gru Huỳnh Thị Vi Vân brei thau: “Khol dahlak mboh bruk di pato megru oh lac pato akhar huroh, bo daok pambak hatai anit ranam ilamo bangsa. Thun bac ini, meng bruk daong di dom urang ngak Paula, yaok anek saih di sang bac hu brei 7 blah khan aw, dalam nan hu 2 blah lac khan aw bhap bini. Dom adei cuk tame dom harei raya adat, me-in haong gauk, me-in tui adat di sang bac piah pambak bruk siam gheih ini”.

Tinh Lam Dong hu 49 bangsa diukrai, dalam nan hu labaih 683.000 urang bangsa takik. Langiu di bruk cuk khan aw bhap bini bangsa, dom sang bac daok peih bruk pato akhar huroh Cam; pagam tuk me-in langiu tuk bac haong tuk pato tamia; gok agha ilamo; hu mbaok tame dom mbang pakacah vak akhar huroh bangsa… Meda hu mboh, bruk khik ramik ilamo oh ndih dalam gilang khik drap ar atau harei raya bo daok hu raong pabam yaok harei dalam yaok tal bac tapa yaok blah tapuk, khan aw di dom adei anek saih. Sang bac daok ngak jeng “talei pambuak” daong rairah sit thun umo thau, piah thau anit ranam halau agha ilamo bangsa drei./.