Ban raya HCM peih ngak Sarak 16 biak khang, biak catang meng samar pacang caga hu hu jit ruak

Ban raya HCM daok kham merat pasang iek hu jit ruak dalam ban dahlau di harei 15-9 yau Sarak 86 di Raja-ei. Huyện Củ Chi saong quận 7 lac dua labik akaok meti di ban raya pasang iek hu jit Covid-19. Taong yaom glaong kham merat di dua labik ini, ong Nguyễn Văn Nên ieu Mban Tacei pato pacang caga jit Covid-19 ban raya HCM palih ruah huyện Củ Chi saong quận 7 ngak jeng dua labik ngak iek bruk kuhria caga jalan diukrai siam mekre bahrau ka ban raya HCM hadei di harei 15-9.  

Abih di nyu nan lac, di dua labik ngak bruk, Bí thư Thành ủy ban raya HCM hu dom panuac ndom abih hatung hatian ka jalan ngak di ban raya HCM kuhria caga salih tapa jalan diuk rai haong Covid-19 dalam vaktu bahrau.

Ong Nguyễn Văn Nên brei thau, Mban tacei pato pacang caga jit Covid-19 ban raya HCM hu padang 7 kapul kuhria caga nao pasang iek taong yaom bruk ngak hu di yaok labik tui tanut pasang iek jit Covid-19 di Mentri Y tế ba tabiak. Tui nan, kapul pasang iek meda taong yaom saong cih veik bản đồ Covid-19. Ban raya HCM daok kuhri kuhria piah pabak, salih jalan ngak dalam pacang caga jit. Ong Nguyễn Văn Nên ndom lac, dom bruk ngak hu di huyện Củ Chi saong quận 7 lac jalan piah pabak ka dom bruk njauk ngak, rik daong prong ka bruk roh duah, salih jalan pacang caga haong jit Covid-19 di ban raya HCM dalam tukvak anak tal. Meng nan, Bí thư Thành ủy ban raya HCM ieu Mban Tacei pato pacang caga jit Covid-19 ban raya HCM palih ruah huyện Củ Chi saong quận 7 ngak dua labik piah ngak iek bruk kuhria caga jalan diukrai siam mekre bahrau ka ban raya HCM hadei di harei 15-9.  

Ba tabiak kadha ka huyện Củ Chi saong quận 7 njauk ngak hagait ka tukvak ini saong ka dom harei anak tal, Bí thư Thành ủy ban raya HCM pandar, dahlau di abih meng harei ini tal harei 15-9, huyện Củ Chi saong quận 7 njauk peih ngak Sarak 16 biak khang, biak catang ngan haong  4 bruk prong nan lac brei daok atah di gauk, dut iek tui njauk bruk ba tabiak, khik iek F0, klauk vaccine. Ong ieu dua quận huyện nan jhul pakhang bruk pathau khan piah ka bhap bani iek prong bruk ngak hu, bui sambai haong bruk ngak hu nan min juai klaak van, iek lap.

Sa kadha tra bo Bí thư Thành ủy ban raya HCM Nguyễn Văn Nên peih jalan ka dua quận, huyện sangka ngak, lac pathau khan prong dalam, piah kuhria caga ka bhap bani ngak randap haong jalan diuk rai dalam labik hu jit Covid-19. Ngan haong bhap bani, ong Nguyễn Văn Nên caong khin bhap bani njauk kuhria caga hatai saneng, ngak jeng bhian randap diuk rai suai veik, diuk rai dalam labik hu jit Covid-19. Langiu di bruk ngak tui 5 paka di Mintri Y tế, njauk hu 2 paka tra nan lac labik daok laneng lanoi saong khang kadang – meng rup babhap tal hatai saneng. Piah khik caga pren yava, bhap bani njauk  pathram paglaong pren yava, khik ramik hacih sa-at, thau jalan kalung pabah, rao idung saong meyah oh patuah njaom mbak virus SARS-CoV-2 ye brei thau taong ruak ngan haong bruk daong di gah y tế.  

Piah ka yaok bhap bani jia tame rup drei saong khang hatai pacang caga jit ruak Covid-19, dom quận huyện njauk pabak ilamu ka bhap bani, gam haong vaccine, jru tavao… Gah y tế brei hu ginup prein khang piah peih ngak dom bruk iek glang pren yava akaok mereip ka bhap bani, daong ka bhap bani hu iek glang prein yava mbuan laghaih. Daok bruk an sinh xã hội, urang dang akaok Đảng bộ bal raya HCM kakei huyện Củ Chi, quận 7 patui bruk sangka tal bhap bani, oh kurang, klaak urang halei. An sinh jeng bruk praong urak ini saong quận, huyện njauk ieu pataom rilo pren khang piah daong ba bhap bani.   

Ong Nguyễn Văn Nên sa mbang tra ndom lac: “Bal raya HCM oh caong khin saong oh brei daok atah di gauk miat hu, njauk duah jalan ngak karei piah pacang caga jit laghaih haong vaktu bahrau”. Tui ong, hadei di 3 bilan khang drei mesruh, rambah rambup, glaih glar, tal harei ini njauk kuhri kuhria veik, kham merat yam tapa meng dom jalan pacang caga jit ka nyu laghaih haong vaktu bahrau./.  

Urang lang: Jasi – 09/09