Lac sang bac hu ralo ilamu ngan haong labaih 20 dak padang, sang bac trung học phổ thông Bangsa gam bac gam daok Huỳnh Cương, tỉnh Sóc Trăng urak ini hu jeng baoh sang di anek saih lac anek kamuan bangsa Khmer dalam tỉnh. Bruk sangka buh jien tame ngak di Đảng, Karja saong gah pato megru tỉnh ngan haong ralo cơ sở vật chất, pandap pato pakai, bac megru mek hu tanut pakat negar, sang bac trung học phổ thông Bangsa gam bac gam daok Huỳnh Cương tuk halei jeng lac labik siam daong ka dom adei sahanang hatai bac megru meng lavik mai. Adei MaiThị Minh Nguyệt mai meng huyện Trần Đề, lac anek saih tal 12 di sang bac khan lac: Hadei di 2 thun bac, adei mboh bruk bac da-a di sang bac dak harei dak siam jang, pandap bac, labik bac hu padang ngak saong salih bahrau. Adei mboh bruk bac megru di anek saih bangsa hu paglaong jang saong hu thau dom kadha bharau di taneh ia piah bac samu haong dom sang bac gah langiu.

Gru Thạch Song, Akaok Sang bac trung học phổ thông Bangsa gam bac gam daok Huỳnh Cương brei thau, yam tame thun bac bahrau 2015-2016, sang bac hu labaih 600 anek saih lac anek kamuan bangsa Khmer dalam tỉnh tui bac; dalam nan, hu labaih 200 adei bahrau hu tuyển bahrau tame tal 10. Sang bac hu abih tih 18 duk bac haong dom pandap panda, bàn kik pabak siam ka bruk bac megru di dom adei. Abih di nyu nan lac, dom sarak brei ka anek saih paksang bac bangsa gam bac gam daok, yau brei saoh khan ao, tapuk siphau, dom janih pandap bac, sinh hoạt ký túc xá jeng hu sang bac sangka peih ngak blaoh. Langiu di nan, sang bac daok hu ralo mblang ma-in, mblang pathram ilamo, padhih brei kadom adei hadei di tuk bac da-a. Gru Thạch Song, Akaok sang bac daok brei thaulac: Gru pato njauk salih bahrau jalan pato ka nyu lagaih haong anek saih bangsa takik. Kadua tra, bruk iek glang pren yava ka dom adei lac bruk biak praong, ngak habar khik hu siam pren yava ka dom adei ye dom adei meng bac siam. Ka klau nan lac khaol dahlak pachreih ba anek saih, piah ka dom adei sahanang hatai bac megru, khin ngak huyau nan, sang bac ba tame ngak mô hình taong abih bhap bani khik caga an ninh palei negar, nan lac mô hình 5 thaoh.

Lac tỉnh hu labaih 30% menuac lac urang bangsa Khmer, meng ralo thun ini mai, Sóc Trăng tuk halei jeng hu ralo sarak piah sangka iek glang gah pato megru ka bhap bani bangsa Khmer. Meng dom dự án patagok dom sang bac bangsa gam bac gam daok, tal bruk miễn giảm jien bac, brei pok jien bac ka anek saih bangsa hu tỉnh peih ngak samu gauk, samar drah, palaghaih ka dom anek kamuan bangsa Khmer nao bac. Gru Lý Thành Được, Phaok Akaok Sang bac Trung học cơ sở Bangsa gam bac gam daok Thạnh Phú, huyện Mỹ Xuyên brei thau, sang bac hu padang tagok di thun 2012 piah pabak bruk bac da-a ka anek kamuan bangsa Khmer 3 xãdi huyện Mỹ Xuyên nan lac Đại Tâm, Thạnh Quới saong Thạnh Phú. Jaik abih dom cơ sở vật chất, pandap panda bac da-a pabak hutanut chuẩn pakat negar; abih di nyu nan lac duk chức năng daong bruk bac da-a. Urak ini sang bac daok kuhria yam tame harei peih thun bac bahrau: Cơ sở vật chất hu sang bac pabak ginup abih. Dom duk bac hu ginup abih bàn kik, langiu di nan yaok duk bac daok hu Sở Pato megru brei sa baoh mac trình chiếu piah gru pato pandar công nghệ thông tin ka bruk pato megru. Langiu di nan dom duk chức năng dalam nan hu duk thực hành sinh, lý, hóa… jeng hu pabak ginup abih.

Urak ini, dalam tỉnh Sóc Trăng hu 9 sang bac Bangsa gam bac gam daok pabak ka bruk bac da-a di anek kamuan bangsa Khmer hu padang ngak di dom huyện, thị hu ralo bhap bani Khmer. Dom sang bac ini hu padang ngak siam, hu ginup pandap bac da-a saong kapul nyaom gru pato siam hatung hatian, gru pato lac urang Khmer, ilamu pato pakai jeng mek hu chuẩn, angaok chuẩn, bruk nan hurik daong biak siam dalam bruk pato pakai anek kamuan urang bangsa takik di tỉnh./