UBMT negar dom pakat nao tame dalam jang dalam bruk khik iek puk palei, labik daok

An Giang hu jalan tapen negar haong Campuchia atah jaik 100 km, hu 2 pabah mbang negar pakat dunya, 2 pabah mbang negar pakat taneh ia saong rilo jalan haluk praong, sit. Tui Phaok akaok UBND tỉnh An Giang Lê Văn Phước, tukvak tapa, rilo menuac pagam pambak tame melam sup piah tame negar suan hukum, mbuan ngak brei jit ruak njaom mbak tame bhap bini. Tapa nan, An Giang hu ba tabiak ngak dom jalan pacang caga jit Covid-19; tacei pato brei patagok bruk pasang iek, khik iek catang bhum tapen negar, peih bruk khik iek, pacang cakak luac harei melam, abih di nyu lac dom jalan haluk sit, praong, khik iek catang bruk tame negar, pacang cakak abih dom menuac tame negar suan hukum tapa jalan tapen negar.

Tỉnh hu padang dom jalan caga pacang jit tui tacei pato di Mintri Y tế; ieu ngak catang tui 5 paka di Mintri Y tế, ba tabiak bruk bhap bini pacang jit tal puk, palei saong tổ dân phố. Gam haong nan, An Giang pambuak bruk haong Kapul urang Việt daok di Campuchia jak ba, pathau khan mikva daok veik Campuchia saong ngak tui dom bruk pacang caga jit Covid-19 di taneh ia drei daok, saong hu daong jien padai, pandap mbang menyum, jru tavao… daong ka mikva pacang caga jit.

Angaok dom jalan tapen negar, An Giang padang jaik 200 bilai hu jaik 1.500 urang jakar, urang lin nao khik iek, pacang cakak luac harei melam, hu caga blaoh 3.000 labik daok karei pataom di sa labik praong saong 1.000 labik caga patui di nan, 4 labik iek ruak hu 70 papan ndih, caga ginup abih janih piah padang ngak sang iek ruak dã chiến...

Di Long An, ong Huỳnh Minh Phúc, Yam ndok Sở Y tế tỉnh brei thau, UBND tỉnh hu tacei pato dom sở, ngành, puk palei oh brei iek lap, bo tuk halei jeng paglaong hatai sangka, patagok bruk pasang iek catang dom hotel, labik padeih padei dalam tỉnh, abih di nyu nan lac jhul khang jang bruk pasang iek taong abih dom jalan haluk sit, praong, dom pabah lamnge.  Long An jeng brei peih veik dom labik brei daok karei hu padang tagok dahlau daih, piah caga taduan 1.000 menuac tuk hu bruk rah tabiak. Dom huyện biên giới di Long An hu brei bruk khik caga bhum tapen negar, bhain taom gaok, ndom biai nao mai haong gah Campuchia piah thau cambaih bruk, plaih srau kadau tuk hu bruk rah tabiak. Urak ini tỉnh Long An hu 36 bilai khik iek labaih 133km.

Di Đồng Tháp, ong Đoàn Tấn Bửu, Phaok akaok UBND tỉnh brei thau, hu patagok rilo dom kapul nao khik iek, pacang cakak, jak ba urang Việt drei oh mai veik taneh ia dalam tuk ini. Lingiu di nan, tỉnh daok hu daong ka urang Việt drei daok di Campuchia rilo pandap mbang menyum, jru tavao piah yam tapa kan kandah. Đồng Tháp brei patagok dom bilai khik iek meng 17 tagok 21 bilai gam haong 146 urang khik iek luac harei melam saong 18 kapul pasang iek nao mai hu 75 urang. Tỉnh brei ngak tui jalan yaok rahra lac sa urang lin dalam bruk pacang caga jit jeng yau khik caga bhum tapen negar.

Di Kiên Giang, meng jalan tasik atah labaih 200 km, nao tapa jalan tasik piah tame negar suan hukum daok lac bruk njauk duh hatai abih urak ini. Phaok akaok UBND tỉnh Nguyễn Lưu Trung brei thau, ngak tui tacei pato di Rajaei haong mBan tacei pato pakat negar, tỉnh Kiên Giang pataom tame ngak khang dom jalan pacang caga jit. Tỉnh hu padang 128 bilai hu labaih 1.000 mbang urang lin bhian hu mbaok pasang iek catang di dom pabah mbang negar, jalan haluk sit, praong rah tui jalan tapen negar. Abih di nyu nan lac angaok tasik hu 26 labik khik iek di labik saong 18 kapul khik iek nao mai. Lingiu di nan, daok hu 9 kapal gilai saong 2 ghe nao mai khik iek di gah Biên phòng, Hải đoàn 28, Kiểm ngư, Bhum 5 Hải quân haong Bhum Cảnh sát tasik 4.

Piah ngak siam bruk pacang caga jit dalam tuk padeih lễ 30/4, 1/5 saong bầu cử dom pakat anak tal, UBND tỉnh Kiên Giang ieu dom gah patagok bruk pambuak gauk catang; ieu pataom abih gah, dalam nan hu urang taong ikan, menuac pablei salih saong daok di dom tỉnh jaik tasik... UBND dom xã, phường, UBMT negar dom pakat nao tame dalam jang dalam bruk khik iek puk palei, labik daok, samar khan brei thau dom bruk hu menuac tame negar suan hukum di puk palei drei khik ramik./.

Urang lang: M. Phương – 02/05