Pathau mikva saong taong abih gauk, Oh lac ngak siam bruk pasang iek, khik caga chủ quyền tasik, pulao, dom thun jaik di ini, Hải đội 2 - Bộ đội Biên phòng tỉnh Quảng Bình hu jeng gah dang akaok dalam bruk pacang caga ribuk ia sua, duah urang njauk bala angaok tasik, daong ka mikva urang ngak ikan sahanang hatai nao tasik. Urang vak di rayo sap ndom VN daok di bhum kreh negar hu kadha vak brei thau ka bruk nan, da-a mikva saong taong abih gauk tui pang.

       Hải đội 2 - Bộ đội Biên phòng tỉnh Quảng Bình daok di xã Thanh Trạch, huyện Bố Trạch, hu brei bruk khik caga chủ quyền an ninh bhum tasik saong lac gah dang akaok dalam bruk pacang caga ribuk ia sua, duah, daong urang njauk bala. Oh huac riyak praong atau ngin khang, tuk hu kapal gilai urang taong ikan gaok bala angaok tasik, urang jakar, urang lin Hải đội 2 samar tabiak tasik praong piah daong. Thiếu tá Đậu Văn Thành, máy trưởng kapal BP 07-12-02- Hải đội 2 khan lac, sa-ai haong đồng đội hu daong ka rilo urang ngak ikan gaok bala angaok tasik. Thun bloh, đơn vị hu daong ka gilai ikan QNg 92852 TS saong 11 urang taong ikan njauk kram di kreh tasik tame gah hu siam mekre. Hu mbang daok nao khik iek, sa-ai saong đồng đội mboh sruh gilaitaong ikan BV 6407 di urang taong ikan angan Nguyễn Văn Toàn palei daok di xã Quảng Phúc, huyện Quảng Trạch, tỉnh Quảng Bình, khut jamriak seik 4 harei angaok tasik, ia menyum, pandap mbang jaik abih,  6 urang angaok kapal nan abih pren jaik metai. Dalam melam sup, riyak praong, ngin khang, min urang jakar, urang lin Hải đội 2 samar nao tal baoh kapal khut nan piah brei jru tavao, pandap mbang menyum, ba menuac saong kapal tame gah hu siam mekre, salamat. Thiếu tá Đậu Văn Thành khan lac: Nao duah, nao daong urang taong ikan angaok tasik jeng lac dom mbang hu riyak praong, ngin khang. Min meng kham merat, anit ka bruk ngak, menghatai khang di urang lin biên phòng, adei sa-ai kol dahlak oh huac kan kandah piah khik caga chủ quyền tasik pulao, khik tính mạng saong drap ar ka urang taong ikan angaok tasik.

 Dom thun tapa, Hải đội 2 - Bộ đội Biên phòng tỉnh Quảng Bình hu daong ka labaih 20 kapal gilai gam saong labaih 200 urang taong ikan gaok bala angaok tasik. Oh lac nao daong, nao duah, đơn vị daok ngak siam bruk khik iek angaok tasik, pagui pateok yaok rituh gilai iakn negar lingiu lih tame bhum tasik taneh ia drei. Trung tá Trương Tấn Tuân, phó Hải đội trưởng, Hải đội 2- Bộ đội Biên phòng tỉnh Quảng Bình brei thau: Anak tal, thau lac bruk angaok tasik hu rilo srau kadau, kapal ikan negar lingiu meda lih tame tasik drei rilo jang, gilai ikan dalam taneh ia meda hu rilo jang bruk nao sai tuyến, pablei salih jru patuh…Saong rilo bruk tranh chấp labik taong ikan. Kol dahlak thau cambaih bruk ngak di drei, khang hatai khik caga an ninh chính trị angaok bhum tasik, khik caga sron mbon salamat ka mikva taong ikan nao tasik.

Daok dalam xã Thanh Trạch, huyện Bố Trạch, rilo thun ini mai, urang jakar, urang lin Hải đội 2 bhian sangka daong ka bhap bini labik ini. Dalam dom mbang ribuk ia sua, ia ndik ngak jaleih taneh, urang jakar, urang lin Hải đội 2 hu pambauk haong karja palei nao daong ka mikva kak kajap sang danaok, panduan ba drap ar, urang taha, anek naih nao tal labik siam mekre.  Lingiu di nan, daok hu jak ba urang taong ikan ngak siam dom sarak di Đảng, hukum di Karja, hu mbaok tame khik caga chủ quyền an ninh bhum tasik. Đại tá Vũ Mạnh Lượng, Chính ủy Bộ đội biên phòng tỉnh Quảng Bình brei thau: Hải đội 2 Bộ đội Biên phòng Quảng Bình dalam thun bloh ngak biak siam bruk khan brei thau ka bala meng lingik tasik. Pambuak bruk haong dom đồn Biên phòng jalan tasik khan brei mikva thau piah pacang plaih dom mbang ribuk. Tapa bruk khik iek piah pathau khan chủ quyền tasik pulao, rik daong ka bhap bini thau cambaih jang ka trách nhiệm sinh tồn angaok tasik ini saong hu trách nhiệm khik caga bhum tasik pulao di taneh ia.

 Bruk bui sambai praong abih di dom urang lin Hải đội 2- Bộ đội Biên phòng tỉnh Quảng Bình nan lac hu daong ba mai siam mekre, salamat saong haniem phul ka bhap bini bhum tasik./.