Khaol dahlak mai tal pulao Sinh Tồn dalam sa van page mesup. Baoh pulao hadah tanyak yau sa bal sit pasang rup drei angaok mbaok tasik. Aia harei tagok, meng atah hu mong mboh cambaih talei phun phong ba hijao that nduac cagar tui tapen pulao. Phun hijao hu tamuh tagok angaok nền pulao patau; pren diuk rai khang kadang hu mboh di labik ini. Angaok pulao, ralo công trình brei ka bhap bani yau sang ilamo, sang bac, sang daok ka bol lin saong bhap bani, labik ngak bruk ... daok hu padang ngak biak khang kajap. Vin taom dhar pulao, hệ thống năng lượng angin, năng lượng aia harei hu peih ngak biak lagaih, pabak điện brei ka bruk mbang angui di bhap bani jang yau bol lin angaok pulao.  

Langik tasik siam laghaih pak pulao Sinh Tồn meda padang ngak labik ginup ka yaok rituh sruh gilai công suất prong di di urang taong ikan tame kandauk dalam bilan hajan ribuk. Jaik dua thun tapa, dom kỹ sư, urang ngak di Công ty Lũng Lô glaih glar haong riyak angin piah am mìn palai patau, kuac yaok triệu mét khối patau, cuah, ngak jeng labik dalam prong 32.000 m2. Kỹ sư Nguyễn Văn Đức palei daok pak Thanh Hóa, iek gah palai patuh pak công trường brei thau, kan di abih nan lac tuk patuh palai jeng pabah jalan tame di bilan 4 thun dahlau: Bilan angin tây nam ngak jalan tame biak kan kandah, bruk patuh palai, thợ njuk aia biak kan kandah,mbuan gaok bala. Khaol dahlak jeng pasiam hu. Drei nao padang ngak pulao tasik ralo thun paje, meng thun 2007 tal ini, jeng hu hasit ilamu –  bhian nao ngak pak pulao Song Tử Tây. Njauk ngak yau habar. Kasa nan lac labik pataok gilai, urang thợ patuh palai ngak habar piah plaih hu angin riyak, jru patuh brei do halei, caik mìn yau habar ka nyu siam. Hadei di 3 bilan ye ngak hu jalan tame”.

Bilan ini pak Trường Sa lingik tasik biak kan kandah. Dalam langik pandiak yau khuah klik di kreh tasik nan, urang ngak jeng kham merat kuac kuah, jaok yaok gầu patau, cuah tuh tame thùng ka doml radaih pajeng dak gauk pajeng ba tagok ar, pok paglaong ar pacang riyak ka labik gilai pataok. Dom pluh urang ngak, mbaok meta juk khiak kayua pandiak angin langiu tasik, min urang halei bruk nan, oh padeih padei. Kayua dom sa-ai tuk halei jeng saneng lac bruk drei ngak harei ini nyu biak hu makna ngan haong rai diuk di urang taong ikan pak tasik Trường Sa. Sa-ai Đậu Văn Tam, urang daok pak Thái Bình, urang ngak pak ini brei thau: “Tabiak langiu tasik biak kan kandah min adei sa-ai biak kham merat piah ngak siam bruk. Hu labik pataok ka gilai meda daong ka urang taong ikan mbuan lagaih nao tasik, tabiak pulao taong mek ikan, hu jien mek tame, patagok kinh tế biak siam. Tuk hu ribuk ye tame labik ini piah kandauk”.

         Meng bruk kuac kuah 400m3 tal 500 m3 sa harei, bruk padang labik pataok gilai hu ngak salah blaoh labaih 95%, dalam trun 4,5 mét, ta-eng jalan tame dalam 5m, daong  ka gilai 1.000 tấn tame tabiak siam mekre. Tui kuhria tal puac bilan 8 meda pok jao taong abih mặt bằng ka Công ty 83 saong  Công ty Tân Cảng peih bruktauk tabung, padang ngak tatua pabah lamnge, labik pataok kandauk ka gilai  Kỹ sư Tăng Văn Huy, akaok chỉ huy công trường padang ngak labik pataok gilai plaih ribuk Sinh Tồn brei thau: Hadei di bilan 8 ye langik tasik angin riyak, gilai dalam taneh haluk ba pandap mai biak kan kandah, bruk pajeng ba tagok ar jeng biak kan kandah. Nan ye meng ini tal abih bilan 7 kham merat pataom abih pandap tagok pulao piah ngak. Sanya haong po buh jien tame ngak lac, bruk kuac kuah hacih, ar pacang riyak meda ngak salah blaoh di puac bilan 8, dahlau jang tukvak ba tabiak.  

          Oh suai tra, bruk padang ngak labik gilai palaoih ribuk di pulao Sinh Tồn meda ngak salah blaoh, hu jeng labik kandauk pataok siam mekre ka ghe gilai di bhap bani taong ikan pak tasik Trường Sa. Labik ini daok lac labik dịch vụ hậu cần nghề ikan, ba brei xăng menyek, ia patau, blei kaya ikan ka urang taong mek ba tame baoh taneh, daong ka mikva sanang hatai ndam gam haong tasik lavik harei, paglaong siam mekre bruk taong mek ikan.

Meng Sinh Tồn tal Song Tử Tây, bal sit Trường Sa…. dom urang lin thợ Lũng Lô daok harei melam yam tapa kan kandah labik akaok riyak hajung angin, ngak jeng dom labik duh ka gah thủy sản, piah dak harei dak hu ralo jang dom sruh gilai cagar riyak tabiak haong Trường Sa taong mek kaya ikan dalam aia, gam cakrok patagok kinh tế gam khik caga chủ quyền pulao tasik palei negar./.