Phó Giáo sư – Tiến sĩ Nguyễn Thị Mỹ Liêm, urang hu mbaok ngak hồ sơ Đờn ca tài tử piah hu UNESCO pok brei angan lac inem krung phi vật thể di menuac sia dunya song hala phiếu 100% brei thau, tuk đờn, tuk doh dom kadha doh meng kan, urang di gah merong bhian daoh tui ngẫu hứng karei, payua hatung hatian tame sap doh song lagu doh piah ngak jeng dom biến tấu bahrau nyu karei di phiên bản gốc, phóng khoáng song bak hatai jai.    

          Urang gah merong drei hu năng khiếu biak karei nan lac oh nguyên si, bo lac patagok nyu min, meng dom kadha doh katut livik livik harei nyu jeng dom kadha doh atah atau dom lagu dok khang yau ye dom ayuh meda sahaneng lac bản dạ cổ hoài lang atah di ni 100 thun urang oh doh yau drei urak ni, urang doh mbuan lo, dok urak ni lac Drei hu dom lagu luyến láy di urang gah merong. Meng bruk patagok yau nan nyu ngak ka lagu doh di kadha doh dung bak lagu Nam bộ.

          Urak ni daok di labik halei, tukvak halei urang Nam bộ jeng mboh hadah mbaok meta ka lagu doh Đờn ca tài tử. Urang ndom dom lagu palei pala nan hu nduac tame dalam darah di urang piah jeng “darah daoh takơ”. Pang ayut doh, thei jeng meda yuh akaok tui sap “song loan gõ nhịp”, ba drei tame panuac daoh, tame sap daoh glaong biar, bloh tabiak panuac meyaom lac “bingi pang lo” atau klao sambai tuk urang daok chung lagu.   

: Hulin biak takre lagu doh ni, nyu mbang tame dalam darah di hulin ye.. Kayua hulin takre doh yau nan ye hatai di hulin tuk halei jeng khin ka anek di hulin harei hadei ni tui bruk doh ni. Kayua drei takre meng sit tal prong ye, bruk ni meng saman ong kaok ye, nhạc lễ hu tui truyền thống bo tài tử ni hu truyền thống meng saman nan tal urak ni. Nyu njom dalam darah ye oh jalan halei tabiak truh nyu. Sang di adei hu 3 rai me-in đờn ca tài tử ye, thei jeng thau đờn thau doh abih. Meda lac adei hu gene đờn ca tài tử. Hu rilo urang lac, yaom lac oh hu harei patom ilamu đờn ca tài tử, min drei đờn drei daoh piah menuac urang thau lac drei ini palei đờn ca/ Hulin sahaneng lac thau halei hu tuk đờn ca tài tử nan lac sa style di urang gah merong negar.

Meng dom thun 1960 gilac nao, dunya hu thau tal Đờn ca tài tử tapa bruk kham merat yaih khan di dom urang roh duah bak hatung hatai yau GS Trần Văn Khê, nhạc sĩ Nguyễn Hữu Ba song nhạc sư Vĩnh Bảo. Rilo thun ni mai tuia damuai meng grauk labik mai rivang miền Tây jeng iek sap đờn panuac doh tài tử nan lac sa janih oh kurang hu ka mbang nao rivang bhum taneh ini. Abih di nyu nan lac dam dara saong dom urang roh duah ilamu taneh ia lingiu biak takre pang đởn ca tài tử . Daok bruk hấp dẫn di đờn ca tài tử ngan song SV song urang roh duah lagu lagam, ilamu dunya, giảng viên Lê Đình Bích khan lac:

Danak dak bo hulin pato ka SV Hoa Kỳ, SV Úc, Prang song Japon, dalam danak dak ye bruk gheih mekre ilamu bhum gah la krong Mê Kong nan lac binah praong. Ni lac binah bac bo tong abih SV dom negar biak takre song urang cong khin hu bac megru dom lagu bangsa di VN, abih di nyu nan lac dom alat ragam dalam dàn nhạc tài tử di Nam bộ. Dalam tukvak 3 bilan dok di VN, sa adei SV Đức bac đàn tranh song sa adei SV Mỹ  bac đàn cò. Dahlau deih hu dom danak dak roh duah biak cambaih laih ka đờn ca tài tử Nam bộ di rilo học giả, nhạc sư Việt Nam, min urang roh duah ngak luận án tiến sỹ ka đờn ca tài tử Nam bộ nan lac sa urang Mỹ, lac Tiến sĩ Alexander M.Cannon. Song tapa bruk nan, khaol drei meng mboh lac njauk iek prong iek glong.

Ilamu Đờn ca tài tử jeng sa drap ar biak karei di menuac urang daok di 21 tỉnh ban gah merong negar, abih di nyu nan lac labik miền Tây, pambak song patagok di đờn ca tài tử jeng dok khang kajap dalam rai duik bahrau song daok jeng sa pandap du lịch biak karei di bhum taneh ni./.