Đồng Nai khik caga an ninh trat tu di dom labik cong nghiep

          Pathau mikva saong grauk yut! Gam saong bruk pasang iek, duah thau piah ba dom urang pambak tame bruk tuan hanh di urang ngak, ngak srau kadau tabiak xet xu, dom jabat chuc nang di Tinh Dong Nai hu paglaong dom jalan ngak piah khik caga an ninh trat tu, ba mbuan lagaih piah ka dom doanh nghiep sahnang hatai ngak mbang. Dalam nan, bruk khik caga di dom labik cong nghiep hu cong an Dong Nai saong dom kapul di Mintri Cong an biak caik hatai sangka, khik oh caik brei rah tabiak bruk dot xuat, bat ngo. Kadha vak di Thien Vuong saong Le Kiet hu ndom tal bruk nan:

Labik cong nghiep Tam Phuoc, ban sit Bien Hoa lac labik njauk khut khat trak dalam mbang pambak tame bruk tuan hanh piah ngak srau kadau meng blaoh, ngan saong 31 doanh nghiep njauk jar palai, lahik drap ar. Hadei di bruk srau kadau, mintri cong an hu pambuak bruk saong cong an puk palei paglaong bruk khik caga, pacang cakak saong ba tabiak dom bruk gia dinh piah langyah samal di dom canah jalan nao mai praong dalam labik cong nghiep. Thượng tá Nguyễn Như Tho, akaok tieu doan cảnh sát cơ động ka 1 – mintri Công an brei thau : "Bộ tư lệnh pambuak bruk khang kajap saong cong an Dong Nai hu jalan khik caga an ninh trat tu. Urak ini, kol dahlak daok khik kapul di labik cong nghiep Tam Phuoc, khik caga an ninh trat tu ka dom doanh nghiep sahanang hatai ngak bruk”

          Langiu kapul cong an, kapul khik caga di cong ty kinh doanh ha tang labik cong nghiep, dom kapul tu ve barau hu padang tagok di dom doanh nghiep jeng hu ieu pataom dalam bruk khik caga drap ar di dom doanh nghiep. Piah pambuak bruk hu kein laba, kapul cong an hu jalan pacang cakak dom bruk meda rah tabiak; taphia nan, paglaong pathau khan jak ba urang ngak oh pang kol kanjah jhak. Thiếu tá Nguyễn Đức Quang, Đồn Phó Công an khu công nghiệpTam Phước, ban sit Biên Hòa, Đồng Nai, ndom lac : “Pambuak bruk khang kajap saong kapul khik caga công ty Tín Nghĩa saong kapul khik caga dom sang mac daok dalam labik cong nghiep piah tuk hu bruk rah tabiak ye samar pacang cakak saong saong jak ba urang ngak oh pang tui kol kanjah jhak ngak kan kandah tal bruk ngak mbang kinh te di taneh ia.  

          Bruk hu mbaok dom kapul khik caga di dom khu cong nghiep hadei di mbang srau kadau meng blaoh hu ngak ka dom doanh nghiep sahanang hatai. Ông Chien Chih Ming – akaok chi hội Đồng Nai dalam Hiệp hội pablei salih Đài Loan di Việt Nam brei thau, ong jeng ye dom doanh nghiep Đài Loan dalam tinh Dong Nai biak sahanang hatai ka bruk an ninh trat tu saong daok brei buh phun jien tame ngak mbang, oh sahaneng tal bruk mek veik phun jien hadei di mbang srau kadau.“ Kol dahlak mboh sahanang hatai tuk karja brei kapul cong an hu mbaok khik caga di dom labik cong nghiep piah khik caga an ninh trat tu, taphia nan, dom doanh nghiep Dai Loan pachreih tui jalan ngak di tinh Dong Nai nan lac brei padang dom kapul tu ve, dom doanh nghiep jeng kham merat pambuak bruk saong karja Dong Nai jeng ye dom labik cong nghiep padang dom kapul tu ve di yaok doanh nghiep piah tuk rah tabiak dom bruk dalam labik cong nghiep, dom kapul tu ve hu daong ka gauk”

Piah khik caga an ninh trat tu di dom labik cong nghiep, kapul canh sat co dong mintri cong an saong cong an  Đồng Nai daok pambuak bruk pathram, hợp đồng chiến đấu, khik caga oh caik rah tabiak bruk palai pajoa yau meng blaoh, ba mbuan lagaih ka dom doanh nghiep sanang hatai ngak mbang pablei salih./.

Thúy Linh