Meng akok thun 2021 tal ini, rilo janih kaya nong di Đồng Nai laik tame bruk iew blei daong kayua tal bilan paik mek bo oh hu thei mai blei yau ye: baoh kayau, njam patam, pabui, manuk, kaya ikan…

Ong Nguyễn Văn Mẫn, po labik raong manuk công nghiệp di xã Cây Gáo (huyện Trảng Bom) brei thau, urak ini yaom manuk tagok meng 15 tal 17 ribau đồng sa kilo, tagok labaih dua mbang dut saong tukvak yaom pablei manuk biar abih dahlau di ini. Min kayua jien buh tame raong tagok glong, raong tal tuk manuk pablei tabiak 1 kilo manuk ralow urak ini tagok jaik 30 ribau đồng sa kilo. Meng yaom pablei tabiak yau urak ini, urang raong daok khat labaih 40 ribau đồng sa drei manuk, hu labik raong khat tal yaok tỷ đồng. Tui ong Mẫn, bruk raong manuk cong nghiep daok dang anak bruk mbuan patih tangin meyah bruk pablei tabiak darak pasar daok gaok kan kandah.

Jit ruak daok rah tabiak dalam kan kandah saong dui atah, dalam tuk kaya nong hu paik mek tui bilan yau nan ye brei hu bruk kuhria caga dahlau di urang nong, di doanh nghiep dalam bruk ngak tabiak, kham merat duah rilo jalan pablei tal bruk daong sumu di Karja, abih di nyu nan lac karja palei.

Kuhria mboh dahlau bruk kan kandah di darak pasar, Sở Ngak nong saong Patagok palei pala Đồng Nai hu padang jalan ngak cambaih laih ka bruk ngak tabiak saong pablei kaya nong piah lagaih haong tuk jit ruak Covid-19 rah tabiak sraw kadau. Dalam nan, jalan ngak hu caik hatai biak rilo nan lac  pambuak haong dom sở, dom gah, puk palei pataom tame daong, pablei kaya nong ngak tabiak rilo tui jalan patagok bruk pambuak gauk, parilo dom jalan pablei tabiak. Bruk brei thau ka darak pasar kaya nong dalam negar saong dunya, bruk blei tame saong dom darak pasar pablei tabiak negar langiu ralo di Viet Nam tal dom kapol nyaom, menuac urang, HTX, kapol pambuak bruk, trang trại saong dom doanh nghiep dalam tỉnh jeng bhian hu  pabak  tame brei thau.

Sở Ngak nong saong Patagok palei pala biak sangka, langyah sumu bruk kan kandah, tavak tavaiy ka dom doanh nghiep di tỉnh Đồng Nai piah patrun patakik klaih klaoh bruk pabak  athur raong ka darak pasar dalam saong langiu tỉnh.

Tukvak tapa, Kapol urang ngak bruk tacei jalan pala drak, pambuak bruk ba kaya nong nao pablei di dom tỉnh, ban gah Meraong di Mentri Ngak nong saong Patagok palei pala, iew katut lac Kapol ngak bruk 970) hu ba tabiak bruk combo 10kg kaya nong ba pablei tal labik gam rik tame pabak ginup pandap mbang ka bhap bini dalam labik pacang veik, labik pa-atah di gauk, gam daong pablei kaya nong ka dom bhum ngak tabiak.

Tui Tiến sĩ Trần Minh Hải, urang di Kapol ngak bruk 970, bruk sahneng tabiak combo 10kg kaya nong dui pachreih hu biak rilo tỉnh, ban di gah Meraong negar hu mbaok tame, rik daong parabah hu siam lagaih kaya nong ka dom tỉnh, ban daok pa-atah gauk yau: TP.HCM, Bình Dương...Danak ngak pamedeih tagok sa jalan pablei salih birau ka janih kaya nong, pandap mbang lagaih saong tukvak jit ruak yau urak ini.

Kham merat pachreih tui danak dak ini, Đồng Nai hu daong yaok ribau kadung combo pandap mbang, dalam nan hu: njam patam, baoh kraoh, ralow manuk atau pabui, baoh manuk ada, brah ginup ka dom baoh sang mbang meng 5 tal 7 harei.

Muk Tống Thị Hằng,  Chánh Văn phòng Sở Ngak nong saong Patagok palei pala tỉnh brei thau, dom kadung combo kaya nong nan hu daong brei saoh ka dom baoh sang kan kandah yau baoh sang kathaot, baoh sang urang jaoh jo, daok sa drei, urang ngak tự do oh daok hu jien mek tame daok di dom labik sang daok apah…di dom labik pacang veik dalam tỉnh. Taong abih dom kaya mbang dalam kadung combo hu blei meng dom HTX, urang nong di dom bhum ngak tabiak daok gaok kan kandah ka labik pablei dalam tỉnh./.

Urang lang: Ai Nghiem - 30/9/2021