Lac palei dang akaok bruk raong saong ngak ikan pra dalam bhum taneran kraong Cửu Long jeng yau dalam taneh ia ngan saong taneh praong labaih 2.000 hecta, Đồng Tháp hu jaik 40 doanh nghiep raong, ngak saong pablei ikan pra tabiak negar langiu. Pandap ikan pra pablei tabiak negar langiu thun bloh hu jiak 390 ribau tấn, ba mai ka tỉnh labaih 400 triệu đôla Mỹ. Min bruk cak rok patagok pandap ikan pra daok gaok rilo tavak tavaiy. Lakik raong sit, ikan hu takik …nan lac dom kan kandah di urak ini. Nan ye dalam quy hoạch labik raong saong ngak ikan pra di tỉnh meng ini tal thun 2020 saong pamaong tal thun 2015 tui Nghị định 36 di Rajaei, Đồng Tháp hu ba tabiak rilo jalan ngak piah pasiam dom tavak tavaiy ini. Ong Tran Hoai Giang – Akok Phân viện quy hoạch kaya ikan dalam ia gah Meraong negar brei thau: “Urak ini, taneh danao raong ikan di khol drei praong min oh hu pataom sa labik jaik gauk. Kadua tra, piah pabak pandap hacih sa-at  dak harei dak catang ye Đồng Tháp brei buh jien tame ngak cơ sở hạ tầng jeng yau ialmu ngak tabiak meng pabak hu. Meyah bruk rami ramik hu peih ngak ye khol drei meda patagok bruk ini hu khang kajap. Khik hu hacih sa-at alam moi truong, khang kajap bruk ngak tabiak, daong ka bruk ngak ikan di khol drei hu khang kajap, tani tanat”.

Tui Phân viện raong pala kaya ikan dalam ia gah Meraong negar, tanut piah ba tame quy hoạch labik raong nan lac bruk khik hacih alam moi truong, khik bruk tathuak ia nerak tachrauk, bruk pambak tal labik daok di bhap bini…Tui dom tanut nan, Phân viện hu padang Quy hoạch bản đồ raong ikan pra dalam tỉnh  tal thun 2020 ngan saong taneh danao raong praong 2.000 hecta, iakn mek hu labaih 540 ribau tấn. Dalam tỉnh hu 3 labik raong ngan saong taneh praong labaih 300 hecta nan lac Thanh Bình, Tam Nông saong huyện Cao Lãnh. Dalam nan, ralo meng labik raong di dom doanh nghiệp saong mikva urang nong. Amuk Tăng Ngọc Hương, Akok Balai kaya ikan dalam ia huyen Cao Lãnh tỉnh Đồng Tháp brei thau: “Piah ngak siam Nghị định 36 anak tal huyen pambuak bruk saong Chi cục Kaya ikan dalam ia di tỉnh pathau khan jak ba dom urang nong tame kapul pambuak bruk piah tacei pato saong brei harak chứng nhận taduan bruk daong di Karja. Langiu di nan, urak ini, Trạm, karja palei  saong dom urang raong ikan jeng daok tavak piah khan veik ka labik raong di tỉnh.”

Hadei quy hoạch, dom bhum raong ikan brei tut ngan taduan mã số labik raong saong brei harak chứng nhận hacih sa-at tui quy trình raong hacih VietGap atau GlobalGap…Ngan saong taneh raong tui quy trình raong, ngak ikan di dom doanh nghiep kayua ngak tui jalan hacih sa-at saong thau hu asal di nyu nan ye dom doanh nghiệp tuk halei jeng ngak njauk tui quy trình. Daok dom urang raong ikan ye bruk tut angan, brei mã số saong khik iek  raong pala brei hu tukvak di nyu saong pasram ka dom baoh sang nan piah khik hu siam saong hacih sa-at pandap ikan. Ong Như Văn Cẩn – Phó akok Sở Ngak nong saong patagok palei pala tỉnh Đồng Tháp ndom lac: “Hadei tuk quy hoach khol dahlak meda hu dom labik raong pataom sajanih ikan pra tui dom tanut ba tabiak ka bruk khik hacih alam moi truong, hacih sa-at pandap piah pamaong tal bruk pablei tabiak negar langiu. Gam saong bruk quy hoach khol dahlak brei mã số danao raong. Tui nan, khol dahlak brei mã số danao raong ikan piah yam tal bruk tut angan ka sản lượng. Khol dahlak pasang iek bruk ngak nan. Dom  bruk nan piah ka khol dahlak brei ka dom darak pasar dunya hu mboh, bruk raong iakn di khol drei hu tui iek tani tanat tui bruk ba tabiak di nyu.”