Urng tame tabiak dalam palwei hu pasang iek abih 

Bí thư Tỉnh ủy Đồng Tháp Lê Quốc Phong brei thau, meng tuk hu jit saong dom harei Đồng Tháp ba tabiak bruk brei daok atah di gauk tui Sarak 16, sa dalam dom tacei pato di urang pan akaok tỉnh lac brei khik hu dom jalan ngak piah daong ka dom sang kan kandah dalam bol bhap rahra.

Urak ini, piah nao gam haong bhap bani dalam tuk jit ruak COVID-19 rah tabiak khang, Tổng đài Thông tin dịch vụ công 1022 tỉnh Đồng Tháp peih bruk taduan mek panuac khan ka dom urang hu rai diuk kan kandah dalam tỉnh caong khin hu daong pandap panda kaya mbang; langiu di nan, bhap bani jeng meda brei thau tin ka dom urang karei dalam bhap bani caong khin hu daong yau urang taha daok sa drei, uranaih metui medar… Dom panuac khan ini hu Tổng đài 1022 payua tal Mặt trận Negar Việt Nam tỉnh Đồng Tháp, So Lao động Thương binh Xã hội saong Ủy ban bhap bani 12 huyện, ban thau piah daong brei ka bhap bani dalam tukvak samar drah di abih.

Gam haong nan, Bí thư Tỉnh ủy Đồng Tháp hu panuac ieu, taong abih dom kapul nyaom chính trị xã hội njauk peih ngak veik bruk daong pabak pandap panda kaya mbang ka mikva, oh caik ka bruk taduan mek pandap panda kaya mbang di bhap bani klaih klaoh. Langiu di nan, dom puk palei, Mặt trận Negar Việt Nam dom pakat njauk padang jalan talei pandiak piah tui pang panuac khan brei thau di bhap bani. Hadei di tuk thau cambaih, ieu dom nyaom ngak pahla, kapul daong bruk di palei samar nao tal labik saong hu jalan daong laghaih, samar drah. Nan jeng lac jalan ngak piah jak ba bhap bani takik tabiak jalan, khik kajap bruk pacang caga jit.

Meng halan hatian, ba kaok nao dahlau, urang đoàn, dam dara tỉnh Đồng Tháp hu padang 81 kapul "Shipper ao hijao" hu 631 urang di 10 dalam 12 huyện, bal dalam tỉnh. Dalam nan, labaih 100 urang đoàn, dam dara di bal Cao Lãnh hu mbaok tame 13 kapul "Shipper ao hijao" di dom xã, phường. Min urak ini, dom labik dalam bal, dom darak meng kan saong dom cửa hàng mbuan laghaih, siêu thị jeng daok hu peih pablei nan ye dom bruk daong, rilo meng lac di dom xã bhum tapen, jalan nao atah,… piah daong ka bhap bani.  

Sa-ai Nguyễn Vũ Linh, Phaok Bí thư Đoàn dam dara Cộng sản Hồ Chí Minh Phường 11 brei thau, kapul ‘Shipper ao hijao" di phường tabiak mbaok harei 18/7. Urak ini, hu 15 urang, Đoàn phường parabha jeng 2 – 3 kapul urang đoàn tui iek 1 puk, taduan mek harak kakei blei pandap, nao blei saong ba tal sang ka bhap bani.

Meng dom kapul halan hatian ngak pahla abih drei, gam khik hu siam mekre, dom kapul nyaom dam dara ba akaok nao dahlau ngak pahla atau kapul urang kamei yau dom tanut hadah, daok brei mboh prein khang dalam bruk pacang padam jit ruak, tapa nan pabak hatai caong khin di urang pan akaok tỉnh jeng yau hatai jia di bhap bani bhum taneh craih dalam "bruk mesrh haong COVID-19"./.

Urang lang: Jasi -5/8