Thần tốc, thần tốc jang …mật lệnh di nghệ thuật mek thời cơ.

 40 thun dahlau, harei 7/4/1975, taong abih bol lin di drei daok di gah meraong taduan hu sa blah điện khẩn di Đại tướng Tổng Tư lệnh Võ Nguyên Giáp lac : drah samar, drah samar jang, táo bạo, táo bạo jang, pataom yaok tuk, yaok minit nao tal mblang mesruh metak peih paha gah meraong, kham merat mesruh saong jayah”. Blah điện gam lac mệnh lệnh gam lac panuac pachreih ba urang pan akaok, urang lin di mblang mesruh dalam tukvak praong prang di bruk mesruh metak.  Tui meta maong di dom urang lịch sử quân sự jeng ye dom urang lin di mblang mesruh, blah điện sajarah nan nyu daok hamit saongthun bilan – jeng mật lệnh di nghệ thuật mek thời cơ.                                                

Blah điện vak harei 7/4/1975 ngan saong kadha “ drah samar, drah samar jang, táo bạo, táo bạo jang, pataom yaok tukvak yaok minit nao tal mblang mesruh peih paha gah meraong, kham merat taong saong jayah. Samar brei thau tal urang Dang, urang lin”, gah ala hu maboh tangin angan Văn, hu ba tabiak meng Tổng hành dinh chỉ huy chiến dịch labik sang D67 dalam ban klak Hà Nội. Blah điện samal hu jao ka mban cơ yếu mã hóa saong ba tal chỉ huy dom cánh quân hu mbaok tame peih paha gah meraong. Lac urang hu ba mật lệnh, ong Nguyễn Bá Líu- chiến sỹ báo vụ di Lữ đoàn 25 anh hùng hadan veik : tuk mai tal tangin ong, blah điện sajarah ini, jeng ye dom blah điện karei jeng hu mã hóa nan ye ong oh thau hu asal kadha. Không khí ngak bruk di tukvak nan biak jar var. 

Pagaiy harei 7/4/1975 tuk bahrau tame ca trực, ong hu akaok Tiểu đoàn tacei lac : njauk khik ka lien lac hu thong suốt, taduan điện mai, ba điện nao drak samal, njauk labik. Tín hiệu siam, thao tác samal, dom mã hóa di blah điện hu ong payua nao meng sap điện tín “ tạch tè”, nan ye  dalam 15 minit ye ba blaoh. Min tal hadei harei peih paha 30/4, ong meng thau, drei lac urang ba blah điện sajarah ini : “ Tuk nan kol dahlak tok thau  ngak ka nyu siam  bruk khik caga thong tin liên lạc. Kayua lac tal tuk peih paha gah meraong paje,  nan ye kol dahlak tok thau lac ba blah điện. Thâu lac blah điện halei jenghu yaom glaong. Hadei ini dahlak meng thau lac dahlak  hu ba blah điện di Đại tướng Võ Nguyên Giáp saong dahlak biak uan tabuan hu ngak sa bruk praong bo  bol bala jao brei”

Ngan saong Trung tướng Khuất Duy Tiến, dahlau thiah par akaok haduk tác chiến Quân đoàn 3, sa gah taong tame peih paha gah meraong, blah điện hu ba tal tangin ong lac mệnh lệnh taong tame samal, lac panuac tacei brei samal mek thời cơ. Ngak tui tacei pato nan, quân đoàn brei lực lượng samal nao peih paha Sài Gòn : "Blah điện ini hu makna lac bruk mesruh taong Mỹ, daong taneh ia di kol drei tal tuk nduac samal, njauk ngak habal ka nyu drak samal di abih, darah samar, darah samar jang piah peih paha gah meraong. Piah ngak habal peih paha gah meraong kayua tukvak mai tal paje, yau nan ye, ba abih menuac nao, tuk nan tok hu bruk nao min, bo nao biak drak, biak samal.

Đại tá Nguyễn Văn Hữu, dahlau thiah ngak bác sỹ Binh đoàn Tây Nguyên brei thau, thông điệp taong tame cambaih, khang yau ba brei hatai pachreih, pren khang barau, yau sap kadait tabiak mesruh, ngak ka dom urang lin yau ong tăng tốc hành quân oh glaih glan, pamaong tal sào huyệt di kol khamang. Ngan saong ong, cảm xúc tuk taduan hu mật lệnh sajarah ini yau daok barau :“Dahlak mboh biak chreih chrai, kayua barau taong blaoh Buôn Mê Thuột, blaoh drah samar jang. Tukvak nan biak chreih chrai saong kuhria caga abih hatung hatai piah ngak bruk. Kol dahlak nao tapak tal Buôn Mê thuật trun bhum taneran, blaoh đơn vị tame taong peih paha mblang par ahaok di Phan Rang blaoh  taong tame gah Meraong.

Tui bruk tuk nan, blah điện nan daok lac tacei pato praong peih bruk mek thời cơ. Đại tá, PGS.TS Trần Ngọc Long, dahlau thaih ngak Viện Phó Lịch sử Quân sự Việt Nam lang yah lac : Hadei chien dich Tay Nguyen, thời cơ barau hu peih tabiak. Mintri chinh tri, Ban Chấp hành Trung ương Đảng saong Thường trực quân ủy Trung ương brei salih bruk tiến công chiến lược jeng Tổng tiến công chiến lược. Meng bruk daok pamaong ngak tuk camereip lac peih paha gah meraong dalam dua thun 1975 – 1976, hu dui katut veik jeng peih paha di thun 1975. Abih di nyu nan lac, hadei jayak di chiến dịch Trị Thiên – Huế saong Đà Nẵng, bol bala VN cộng hòa daok laik tame bruk tayah tayac gah chiến lược, thời cơ praong ka peih paha gah meraong hu peih tabiak. Harei 31/3, mintri Chính trị brei peih tổng công kích peih paha gah meraong. Yau nan, meng bruk lac njauk peih paha gah meraong dalam thun 1975, Mintri Chính trị  brei dui katut veik tukvak, peih paha dahlau di bilan hajan bo cambaih lac di bilan 4. Tuk thời cơ hu peih tabiak, blah điện lac mệnh lệnh njauk tukvak piah ka dom cánh quân di drei samal ngak jeng dom mũi, ngak jeng thế bao vây saong tame sào huyệt puac abih di VN cộng hòa. PGS.TS Trần Ngọc Long lang yah lac : Meyah oh drak samal mek thời cơ, meyah caik suai ye gah bol bala đối phương nyu pasiam veik, piah ramik veik thế bố trí chiến lược saong hu bruk pasiam veik paih cầm cự ye tuk nan mesruh metak meda dui atah. Dua tra veik bruk mesruh metak di VN daok hu quốc tế hóa glaong, yau nan ye bruk chi phối di dom taneh ia praong ngan saong bruk mesruh ini lac biak praong, meyah kol drei oh samal, oh mek thời cơ ye kol drei meda caik ka bruk can thiệp di dom taneh ia nan nyu chi phối tame ngak kan kandah ka kol drei dalam bruk peih paha gah meraong dalam bilan 4.