Anak bruk du lịch labik tapen negar daok tamuh tabiak ralo tavak tavaiy, bal sit Móng Cái - tỉnh Quảng Ninh daok pambuak tui dom kein lagaih du lịch hu blaoh, saong tacei ba dom doanh nghiệp du lịch tal bruk merak gauk khang kajap, kein laba jang.

Lac pabah mbang praong ka bruk pablei salih dalam negar saong dunya, bal sit Móng Cái (Quảng Ninh) tuk halei jeng hu pren khang dalam bruk cakrok patagok du lịch labik tapen negar, meng dom urang tuai nao tapa pabah mbang negar pakat dunya Móng Cái tapa du lịch Việt Nam. Ralo thun ini mai, tuk gah bal sit Đông Hưng (Trung Quốc) peih bruk ngak harak thông hành du lịch tapen negar ka bhap bani Trung Quốc tapa pabah mbang negar du lịch dalam harei, tuai dak harei dak ralo. Kuhria dalam 5 bilan akaok thun 2015, tuai du lịch nao mai tapa pabah mbang negar Móng Cái jaik 350 ribau mbang.

Anak meta brei mbaoh, yaom lac sa darak pasa biak siam saong hu tal jaik 60 doanh nghiệp du lịch daok ngak bruk, min biak di nyu, tok hu jaik 40 doanh nghiệp ngak bruk gam gam saong dom doanh nghiệp hu sang danaok, labik ngak bruk pak Móng Cái tok labaih 20. Bruk njauk biai nan lac, dom tour brei ka tuai Trung Quốc tame rivang ma-in Việt Nam oh siam yau panuac meyaih khan. Bruk oh ngak njauk tour tuyến yau sanya bloh, khoán abih ka hướng dẫn viên, trun yaom, pablei tư cách pháp nhân,… daok rah tabiak ralo. Gaok mai, bruk pablei tuai, kateik tuai blei tour… nyu ngak xôn xao menuac sia, ngak kanjah jhak tal mbaok meta gah du lich saong ngak jhak rup binguk Việt Nam dalam meta ayut sahabat dunya. Abih di nyu nan lac, bruk ini mboh biak ralo pak dom doanh nghiệp hu tuai Trung Quốc pandar hộ chiếu phổ thông nao rivang ma-in tame dalam taneh ia (yau Hạ Long – Hải Phòng – Hà Nội…).

Ndom biai haong urang vak, amuk Phạm Thị Oanh – Phó phòng Văn hóa thông tin bal sit Móng Cái brei thau, bal sit tok hu trách nhiệm khik iek ngan haong tuai pandar harak thông hành biên giới. Meng bilan 10/2013, tuai damuai ini kayua 17 doanh nghiệp di klup kapul lữ hành 849 Móng Cái khai thác. Ini lac dom klup kapul ngak bruk tui Quy chế 849 di Mentri Công an - Quy chế ka bruk padang ngak saong khik iek manuac urang Trung Quốc pandar harak adat tame tabiak kayua Trung Quốc cấp tame Việt Nam rivang ma-in du lịch.

Min amuk Phạm Thị Oanh jeng brei thau:

 “Ngan haong tuai bal sit Móng Cái khik iek tapak, hu sa tavak taviay dom doanh nghiệp oh ka pasiam hu. Dom doanh nghiệp raok tuai meng pabah mbang negar, dom tuai nan tok ngak thủ tục tame tabiak, piah ka tuai nao tự do, oh hu hướng dẫn viên nao tui piah khik iek. Tapa pasang iek, khaol dahlak jeng hu xử lý biak ralo.”

Langyah ka bruk “nao taem jalan radaih nao blaoh” yau ini, sa doanh nghiệp lữ hành daok pak nan brei thau, “makna jeng kayua sức ép meng gah đối tác Trung Quốc saong meng bruk pasang iek oh catang, oh công bằng di Ban điều hành Klup kapul lữ hành 849 Móng Cái”. Lingiu di nan, “ilamu di dom thành viên oh dreh gauk jeng lac sa makna, tuk bo bruk brei adat lữ hành dunya daok rah tabiak ralo”.

Khai thác tour oh hu kein laba, tukvak daok veik di tuai biak katut, nan ye dom bruk mbang ndih, blei salih, ma-in giải trí… jeng oh hu kein laba, dom labik du lịch hu angan di puk palei oh hu pambuak pagam, jien mek tame meng du lịch di Móng Cái meda lac oh hu hagait.

Meng bilan 8/2014, Móng Cái tabiak panuac brei thau 3 tuyến, 12 labik du lịch, ba tame ralo jang janih dịch vụ, kham merat ba mũi Sa Vĩ, Trà Cổ,… jeng dom labik pachreih tuai mai ma-in, oh lac tuai damuai dalam negar bo daok ka tuai  rivang ma-in labik tapen negar biak ralo ini. Kayua yau nan ye, piah pasiam dom tavak tavaiy angaok nan saong jhul pakhang jang bruk rivang ma-in dalam Móng Cái, bal sit hu ramik pasiam veik ka nyu laghaih.

Meng harei 12/5/2015, darak pasar raok tuai du lịch Trung Quốc tapa rivang ma-in Móng Cái hu bruk hu mbaok di dom mbaok bahrau min klak ini”. Nan lac kapul 4 doanh nghiệp daok dalam Hiệp hội du lịch Móng Cái: Công ty cổ phần du lịch saong dịch vụ Móng Cái, Công ty thương mại saong du lịch Phúc Sơn, Công ty cổ phần du lịch saong XNK Vĩnh Thịnh, Công ty TNHH du lịch Hải Lâm Sa, jeng lac dom doanh nghiệp hu ilamu ngak bruk du lịch lavik thun pak Móng Cái.

Tui kuhria mboh di Đồn biên phòng pabah mbang tapen negar Móng Cái, dalam 15 harei meng harei 12 tal harei 26/5, nyaom 4 “lính bahrau” hu taduan raok labaih 2.200 tuai Trung Quốc nhập cảnh tame rivang Móng Cái, kuhria rah tapa 1 harei hu 148 tuai, yaok công ty hu 37 tuai yaok harei. Nyaom 17 doanh nghiệp dalam klup kapul 849 Móng Cái taduan raok hu labaih 1.700 urang tuai, kuhria rah tapa yaok harei hu 114 tuai, yaok công ty hu 6-7 tuai.

Lambaok công ty lữ hành gah Trung Quốc taong yaom:

 “Dahlak mboh lac tukvak ini dom đơn vị lữ hành tauan raok tuai biak abih hatai jai, ngak dom harak ba-ar samar drah. Dut haong dahlau diah lac siam jang rilo.”

Tuai nhập cảnh hu nao tour trọn gói tal dom labik du lịch chreih chrai yau pasak bal sit, takai tasik Trà Cổ, đình, sang thờ Trà Cổ, mũi Sa Vĩ..; blei dom janih pandap ilamo Việt pak dom cửa hàng mek hu chuẩn; pagam tui dom dịch vụ mbang menyum, mong iek biểu diễn nghệ thuật… Tukvak tuai daok veik pak Móng Cái dui atah jang, meng 6 tal 8 tuk dalam harei.

Amuk Vũ Thị Hương Giang, Công ty cổ phần du lịch saong dịch vụ Móng Cái, lambaok dom doanh nghiệp ndom lac:

 “Lac dom doanh nghiệp ngak du lịch dalam bal sit, bruk ngak ini khaol dahlak mboh njauk ngak, piah padang bruk du lịch meriak gauk bình đẳng, yam tal palahik bruk meblah gauk ngak oh siam tal bruk du lịch, saong piah ngak hu kein laba jang bruk du lịch di Móng Cái.”

Meng bruk palagaih ka ralo doanh nghiệp ngak mbang siam hu mbaok tame ngak, padang angan du lịch tapen negar, saong piah patagok pasang iek bruk ngak mbang gah du lịch, bal sit Móng Cái daok mek veik hu rup siam mekre dalam meta tuai damuai negar langiu, njauk yau panuac lac “Thân thiện – Tin cậy – Tiện lợi”. Kadha njauk ndom nan lac, bruk pambuak hu dom tuyến điểm du lịch, meyaih khan dom janih pandap biak karei di puk palei meda daong ka Móng Cái ngak hu ấn tượng du lịch Việt khang kajap, peih tabiak jalan piah khai thác taong abih pren khang di bal sit bhum tasik ini./.