Kuhria tal tukvak ini hu 16 baoh sang khat lahik kayua ikan metai. Ikan metai di dom lồng bè di kraong Chà Và ban sit Vũng Tàu labaih 30.000 drei, dalam nan hu ikan bớp, ikan cim, taong abih khat lahik jaik 10 tỷ đồng.

Ini oh lac mbang camereip rah tabiak bruk ikan metai rilo di dom bè raong ikan di kraong Chà Và. Bruk ikan metai nan rah tabiak meng thun 2008 tal ini, abih di nyu nan lac dalam thun 2014, dom lồng bè khat lahik labaih 100 tỷ đồng. Ikan metai rilo kayua ia nerak tachrauk tathuak tabiak di dom sang mac ngak ikan hadang daok jiak taphia pabah braong tathuak ia ka 6 di khu ngak pandap meng kaya dalam ia xã Tân Hải, huyện Tân Thành tuh tapak tabiak kraong ngak brei ia njauk nerak tachauk trak. 6 cơ sở hu ia nerak tachauk tathuak tabiak braong ka 6 nan lac: Doanh nghiệp tư nhân Trung Sơn, Công ty Trách nhiện hữu hạn Phước An, Công ty Trách nhiệm hữu hạn Thịnh An, Công ty Trách nhiệm hữu hạn Thủy sản Hòa Thắng, Doanh nghiệp Tư nhân chế biến hải sản Trọng Đức saong Doanh nghiệp tư nhân Đại Quang. Kayua pandik hatai, urang raong ikan lồng bè ba ikan nao tuh anak dom sang mac nan. Amuk Nguyễn Thị Thu Thủy, sa urang raong ikan lồng bè njauk khat lahik kayau ikan metai, khan lac:

“Ini lac thun ka 4 sang dahlak khat lahik abih. Mbang ini ngak khang jang piah karja daong bhap bini khol dahlak sahanang hatai raong ikan piah bayar sraiy."

Di mbang ginum bai chip tuk bruk nan rah tabiak, urang ngak praong di Ủy ban bhap bini tỉnh Bà Rịa-Vũng Tàu hu tacei pato Sở Tài nguyên saong Môi trường dang tabiak pambuak bruk haong Sở Ngak nong saong Patagok palei pala, Jabat Cảnh sát pacang, caga kol kanjah njak gah alam moi truong, Ủy ban bhap bini huyện Tân Thành saong dom gah pambuak tal bruk nan, samar trun pasang iek tapak, langyah brei ka bhap bini urang raong ikan lồng bè, khan brei ka dom jabat rayo papar sap, pabar binguk, harak mbao thau cambaic laic bruk ikan metai. Langiu di nan, mek mẫu nao dut iek piah thau makna ba tal ikan metai.

Tui amuk Lê Thị Công, Giam đốc Sở Tài nguyên saong Moi truong tỉnh Bà Rịa - Vũng Tàu, hu 3 makna ba tal ikan metai, nan lac bruk mek cuah suan hukum, lồng bè raong ikan di kraong Chà Và biak rilo, kurang ilamu nan ye ba tal nerak tachrauk ia kayua pandap mbang di ikan, langiu di nan kayua ia nerak tachauk tahuak tabiak meng dom cơ sở ngak pandap meng kaya dalam ia dalam khu chế biến kaya iakn dalm ia xã Tân Hải. Nan ye brei iek veik taong abih 22 cơ sở chế biến kaya ikan dalm ia piah pasang iek veik bruk dak padang, taneh riya, khik caga alam moi truong di yaok cơ sở piah duah jalan lang yah. Amuk Lê Thị Công lac:

"Uy ban bhap bini hu patabiak harak padang kapul thanh tra di dom gah, khol dahlak brei pasang iek taong abih janih, ngak harak hồ sơ pok tagok Uy ban bhap bini tỉnh piah brei padeih 18 cơ sở nan lac bruk praong dalam nan hu gam tapung ikan saong ngak pandap meng ikan hadang."

Urak ini, Viện Môi trường – Tài nguyên (Đại học Quốc gia ban raya Hồ Chí Minh hu mek mẫu ia nerak tachrauk di 6 cơ sở ngak surimi piah dut iek, min samar di abih 15 harei hadei meng thau tantu. Uy ban bhap bini tỉnh Bà Rịa – Vũng Tàu jeng hu tabiak harak van ban brei padeih ngak bruk hu tukvak ngan saong dom labik ngak pandap meng ikan hadang di xã Tân Hải, huyen Tân Thành piah dom jabat chức năng pasang iek, taong yaom saong duah jalan langyah bruk tathuak ia nerak tachauk. Ong Nguyễn Thanh Tịnh - Phó akok Ủy ban bhap bini tỉnh Bà Rịa-Vũng Tàu brei thau:

"Piah langyah bruk nerak tachauk alam moi truong kayua ngak pandap mbang meng iakn hadang di xã Tân Hải, tỉnh hu tacei pato catang bruk ini. Dom sở ngành jeng kham merat langyah min biak damen lac bruk nan daok rah tabiak. Jalan ngak di tỉnh oh lac cang tuk bhap bini yak bak bloh tỉnh meng samar ngak bruk ini, kayua nan lac bruk nerak tachauk môi trường biak khang dui atah rilo thun tapa, khol drei njauk langyah chip piah khik caga kein laba ka urang raong ikan lồng bè."