Huyện bhum ceik Đức Linh, peih bruk padang ngak palei pal birau meng thun 2010, tuk nan kuhria tui bộ tiêu chí, Đức Linh tok hu 3,45 tanut yaok xã. Xã hu 5 tanut oh ralo. Hadei di labiah 10 thun, meng bruk kham merat di karja palei, gam saong jalan sahaneng ka bruk padang ngak palei pala birau di bhap bini hu paglaong, tal urak ini, taong abih dom xã di huyện mek hu tanut chuan palei pala birau saong hu Thủ tướng Rajaei brei angan lac huyện pablei pala birau di thun 2020. Bruk jak jeng nan brei mboh bruk jum pataom, kham merat, sa hatung hatai haong gauk di karja palei saong bhap bini Đức Linh dalam bruk padang ngak  palei pala birau di bhum palei.   

  Dalam nan, bruk njauk ndom tal di abih lac mbaok meta birau di bhum palei pala, ket cau ha tang, kinh te xa hoi cak rok patagok khang, pabak siam bruk patagok ngak mbang, jeng yau bruk daok dang di rahra. Taong abih dom xã jeng hu jalan tuh menyek tame tal pasak huyen, jalan dalam xã, jalan pambuak dom xã hu tuh menyek, tuh betong. 93% sang bac dom pakat mek hu tanut chuan pakat negar; sang ilamu, bruk khaw tin, y te mek hu tanut chuan pabak siam bruk iek ruak ka bhap bini.

Bruk kinh tế salih njauk jalan, tagok bruk cong nghiep – dich vụ, trun bruk ngak nong; jien mek tame kuhria tui akaok menuac dalam palei di huyen tagok hu 2,8 mbang dut saong thun 2011. Meng nan baoh sang kathaot yaok thun trun, mek hu saong yam tapa tanut ba tabiak di tỉnh.

Dalam huyen hu dom bruk ngak mbang di dom gah ba mai kein laba glong yau: bruk “pambuak gauk ngak padai”, “ngak  nong pandar ilamu glong”, pabah mbang sang bac hacih, mekre, salamat”, “ Gom hadah an ninh”, kapol urang dahlau diah ngak bol lin hu mbaok tame jak ba urang ngak siam veik dalam bhap bini”, “ palei khik pacang matuy njaom pambak”, “ camera an ninh, pacang caga toi pham…

Dalam thun ini, Đức Linh tut angan 2 xã nam Chính hong Đức Hạnh mek hu tanut chuan palei pala birau paglong. Piah ngak hu bruk nan, meng akaok thun, Mban tacei jalan dom Danak dak bruk ngak pakat negar huyện hu padang jalan ngak, bruk ngak cambaic laic piah peih ngak yaok tanut xã palei pala birau paglong. Dalam nan, biak caik hatai brei ngak salah dom tanut ka bruk ngak tabiak, jien mek tame, baoh sang kathaot, ilamu, moi truong, an ninh, trật tự. 

Tal urak ini, tapa pasang iek di Mban tacei jalan dom Danak dak bruk ngak pakat negar huyện taong yaom dom xã mek hu 12 dalam 15 tanut xã palei pala birau paglong tui bộ tiêu chí di tỉnh Bình Thuận. Tui ong Nguyễn Văn Húy, Bí thư huyện ủy Đức Linh, dalam  Danak dak pakat bruk ngak negar padang ngak palei pala birau vaktu 2021-2025, huyen Đức Linh pamaong tal bruk kham merat padang hu taong abih xã hu tanut chuan palei pala birau paglong; dalam nan, hu 4 xã mek hu tanut chuan palei pala birau  kieu mau. Yaok sa xã hu takik abih lac sa khu dân cư kieu mau. Kham merat padang huyen hu tanut chuan palei pala birau  paglong di thun 2025. Taong abih ban sit dalam huyen mek hu tanut chuan đô thị ilamu birau.

Gam haong nan, daok peih ngak danak dak “ Padang ngak palei pala birau dalam tuk đô thị hóa di huyện vaktu 2017 -2020. Dalam nan, iek praong bruk paglong dom siam lagaih bruk ramik veik gah ngak nong, patagok kinh tế palei pala, paglong bruk ngak di HTX ngak nong pambuak tui chuỗi giá trị; daong dom D.N peih bruk ngak mbang, peih ngak khang danak dak Yaok xã sa pandap, patagok dulich palei pala./.

Urang lang: Ai Nghiem -08/12/2021