Labik sang jru di  giáo xứ An Sơn hu padang tabiak di thun 2008, kayua Linh mục Giuse Đinh Công Oánh – cha chánh xứ di giáo xứ An Sơn kênh E 2 padang tagok piah iek ruak saong brei saoh jru ka bhap bini saong lac labik alin hadiah pandap ka bhap bini kan kathaot, oh lac agama halei, bhum palei halei.

Lương y Ngô Văn Đôi brei jru iek ruak hu 12 thun, urak ini ong daok ngak bruk di Hội Đông y, ban sit Núi Sập. Mehit bruk iek ruak ngak pahala di giáo xứ An Sơn hu padang tagok, ong halan hatian tame ini piah daong mikva  iek ruak kik. Lương y brei thau:

“Iek ruak ka bhap bini di labik ini nan lac cái tâm đức di drei, dahlau daih amaik ame jeng hu căn duyên y học cổ truyền ye urak ini anek hu pambuak bruk nao mek jru brei ka dom giáo xứ piah iek ruak brei ka mikva bhum atah bayah kan kathaot oh phân biệt agama hagait, thei ruak mai tal ini ye drei iek ruak brei”

Yaok harei labik ngak pahala taduan iek ruak, brei jru saoh ka jaik 30 urang ruak. Mboh hu kein lagaih dalam bruk iek ruak nan ye ralo urang hadei di tuk thit ruak halan hatian likau mai labik sang jru piah daong dom bruk yau pambu jru, nao duah dom phun jru nam mai ka duk iek ruak. Anai Trần Thu Thảo, daok di xã Định Thành, tỉnh An Giang druc drui brei thau:

“Dahlak biak uan tabuan tuk hu labik ngak pahala ini piah daong ka dom urang ruak yau dahlak, mek jru di labik ini menyum mboh ruak nyu cadu jang dahlau saong dahlak daok taduan hu brah, mì paok yaok bilan, dahlak biak thau dhar phon cha chánh xứ, mikva di labik ini hu daong ka dom urang gaok kan kandah yau dahlak”.

Labik jru urak ini hu radaih cấp cứu ngak pahala piah pajeng ba dom ong muk taha caong hu nao iek ruak; dom urang ruak trak, radaih cấp cứu di labik sang jru halan hatian pajeng ba urang ruak nao tal sang iek ruak tuyến angaok chip.

Linh mục chánh xứ Đinh Công Oánh klah rabha, khik kajap bruk daong ka dom urang kan kathaot, urang taha oh hu thei raong jeng lac sa bruk raong ba ngak pahala dalam xứ đạo.

“Dahlak hu brei mai ini piah daong giáo xứ An Sơn meng bilan 8 thun 2008, dalam tukvak dahlak mai ini mboh bruk  biak siam nan lac dom bruk ngak pahla, urang bhian sangka tal dom urang daok sa drei oh hu thei raong, yaok bilan hu dom paok pandap yaom lac pandap nan oh praong min lac niềm an ủi ka dom urang taha, mboh lac dalam rai diuk daok hu biak ralo urang thau sangka daong ba gauk abih di nyu nan lac urang taha daok sa drei”.

Mboh bruk padang sang jru ngak pahala di giáo xứ An Sơn hu rik daong paglaong akaok sahneng “hala siam pacang hala tahak” jeng yau bruk siam ka dunya mekre ka agama di mikva giáo dân nan ye dom thun jaik di ini, sang jru taduan hu biak ralo bruk daong ba di dom urang ngak pahala meng ralo labik payua mai brei ka sang jru yau: jien, brh, ia tasau, mì paok, radaih lăn, jru… Meng bruk daong brei khang yau ini bo yaok akaok bilan sang jru hu nao peih brah saong pandap brei ka dom urang kan kathaot saong nao tangi sua alin hadaih pandap brei ka dom ong taha daok sa drei. Ong Nguyễn Văn Tiện, akaok palei kênh E 2 daok brei thau lac:

“Gah karja tuk padang hu sang jru, dahlau di abih brei pambuak bruk saong cha linh mục, ka dua tra daong ka bhap bini nao mek jru nao mai hu mbuan lagaih, langiu di nan, bruk brei jru, kapul ngak pahala daok pabak brei ka agama karei yau  Cao Đài, Phật, karja biak pok meyaom kapul ngak pahla ini”.

Tui jalan diukrai siam ka dunya mekre ka agama, mikva dalam giáo xứ An Sơn padang hu jalan diukrai anit ranam gauk, paglaong bruk daong ba gauk dalam giáo xứ./.