Hadei di sa thun peih ngak nghị định 79 di Raja-ei saong thông tư 03 di Mentri Ilamo – Padhih – Rivang ma-in ka dom jalan ngak patagok khik iek bruk parang me-in, nghệ thuật biểu diễn, tal urak ini, bruk ngak di gah ini hu ralo salih bahrau tui jalan siam. Abih di nyu nan lac, pak dom labik hu dom bruk giải trí chreih chrai yau: Bal raya Hồ Chí Minh, Hà Nội, Hải Phòng… nghị định ini hu ba mai ka gah nghệ thuật hu hacih sa-at jang, daong ngak brei siam mekre veik bruk parang me-in, biểu diễn.

Lac labik chreih chrai di abih dalam bruk biểu diễn nghệ thuật, giải trí, tal urak ini, bal raya Hồ Chí Minh hu jaik 700 doanh nghiệp hu brei adat peih bruk parang me-in nghệ thuật. Dalam nan, hu labaih 100 đơn vị bhian peih bruk parang me-in nghệ thuật chuyên nghiệp dalam dom gah adaoh, tamia, sân khấu, thời trang, pakacah urang siam binai. Bal raya Hồ Chí Minh jeng lac labik pandiak ka bruk srau dhau di gah ini. Ralo di abih nan lac bruk thu âm dahlau piah daoh salih ka daoh biak, bhian iew lac "daoh nhép", "đàn nhái"; khan ao angiu cuk oh njauk haong adat cambat tanarakun; nghệ sỹ ndom puac oh pang jeng... Taphia di nan, dom bruk ngak suan ka quyền tác giả, eng drei ba tame atau klak tabiak, pandar dom kadha hadei di tuk hu brei adat, meyaih khan suan bruk biak, ngak pandik hatai menuac sia.. Min, meng tuk Nghị định 79 hu patabiak, bruk pasang iek harak brei adat, kiểm duyệt asal kadha dalam danak dak, bruk tui iek duah thau, hu Sở Ilamo – Padhih – Rivang ma-in bal raya peih ngak biak catang, ralo bruk ngak suan hu mboh saong langyah. Ong Võ Trọng Nam, phaok akaok Sở Ilamo – Padih – Rivang ma-in bal raya Hồ Chí Minh brei thau: Dom bruk langyah, taong phat ye urak ini thanh tra sở hu 2 kapul, saong hu 2 kapul hu mbaok di dom gah tra nan lac 4. Yaok quận huyện jeng hu dua kapul saong tukvak tapa jeng kham merat peih bruk pasang iek, tui iek dahlau hadei ka nyu siam. Thun 2013 langyah 13 bruk  ngak suan gah peih bruk parang me-in, trình diễn thời trang oh hu harak adat, khan ao angui cuk oh mong jeng oh njauk haong thuần phong mỹ tục.

Jang yau bal raya Hồ Chí Minh, pak dom tỉnh, bal karei dalam negar, meng tuk Nghị định 79 hu peih ngak, kadha khik iek bruk parang me-in nghệ thuật hu ralo salih bahrau biak siam. Bruk "daoh nhép", angui cuk khan ao oh mong jeng, ndom puac, daok dang oh njauk haong thuần phong mỹ tục hu patrun khang. Môi trường nghệ thuật dak harei dak hu siam jang, tapa nan taduan hu bruk njauk hatai pachreih tui biak glaong di bhap bani saong rik daong ka bruk định hướng ngan haong dom ca sĩ, nghệ sĩ saong đơn vị peih bruk parang me-in, biểu diễn. Ong Lê Hoàng Châu, Tổng Giam đoc công ty quảng cáo SIAD, bal raya Hồ Chí Minh mboh lac: Meyah dahlau di tuk patabiak nghị định 79 di raya-ei ka nghệ thuật biểu diễn njauk ndom lac bruk khik iek di karja biak cadu min tukvak tapa, khaol drei mboh Cục nghệ thuật biểu diễn hu mbeik pasiam veik saong paglaong chất lượng bruk  biểu diễn taphia di nan patagok bruk khik iek di karja.

Min anak meta mboh lac, bruk peih ngak Nghị định 79 jeng daok ralo cuang kandah, tavak tavaiy. Yau ye bruk brei adat peih parang me-in nghệ thuật, trình diễn thời trang rilo meng peih ngak angaok harak ba-ar, oh peih  bruk thẩm định asal kadha dalam danak dak; bruk pasang iek dahlau jang yau hadei daok lỏng lẻo; bruk taong phạt ngak suan nghệ thuật biểu diễn, trình diễn thời trang daok biak njuan, oh ka ginup pren khang piah ngak ka urang huac, hu dom  paka  oh ka njauk haong bruk di dom puk palei. Yau nan min, dom bruk ngak suan dalam nghệ thuật biểu diễn rilo meng hu gah truyền thông, urang mong iek duah mboh, jabat khik iek tok thau haong taong phat hadei di tuk bruk rah tabiak blaoh. Langyah ka bruk ini, ong Phạm Xuân Phúc, Phaok chánh Thanh tra, Mentri Ilamo – Padhih haong Rivang ma-in brei thau: Urak ini tui hukum doanh nghiệp quy định bruk padang dom doanh nghiệp biak mbuan nan ye dalam bruk biểu diễn dom đơn vị ngak gah ini jeng hu padang tagok biak mbuan, nan ye , tuk rah tabiak bruk ngak suan khaol drei oh ka samu langyah ye dom doanh nghiệp ini nyu salih angan salih po dang akaok, gaok mai padang veik doanh nghiệp bahrau piah plaih taong phat bruk ngak suan dahlau deih.

Bruk peih  biểu diễn nghệ thuật hu labik dang prong dalam rai diuk ilamo, tuk halei jeng pachreih hu ralo manuac urang hu mbaok tame. Kayua yau nan ye, piah rik daong ka bruk pato pakai, định hướng urang iek, abih di nyu nan lac dam dara uranaih ka bruk siam, bruk mekre, ka phong cách, đạo đức, jalan diuk rai, Mentri Ilamo – Padhih saong Rivang ma-in jeng khang hatai tacei pato ka dom đơn vị ngak gah ilamo kham marat pasang iek, duah thau, langyah catang dom bruk ngak suan, abih di nyu nan dom bruk ngak suan dalam quảng cáo. Ong Nguyên Đăng Chương Akaok Cục biểu diễn nghệ thuật brei thau: Cục biểu diễn nghệ thuật mong bruk biểu diễn nghệ thuật nan lac bruk nhạy cảm saong phức tạp meyah jabat Karja khik iek oh ngak catang, dom bruk ngak suan  meda tamuh khang , kayua yau nan ye Cục mboh lac, ini bruk ngak gam gam saong ngak suai lavik oh lac tapa sa thun pataom iek veik blaoh luai.

Yaom lac bruk ngak hu hadei di sa thun peih ngak Nghị định 79 di Thủ tướng Raja-ei saong chỉ thị 03 di Mentri Ilamo – Padhih saong Rivang ma-in nan lac oh tah klaak hu. Min piah ngak brei hacih sa-at môi trường ilamo, langiu di bruk khang hatai di dom jabat chức năng, daok brei hu đạo đức nghề nghiệp, trách nhiệm di dom doanh nghiệp hoạt động nghệ thuật saong urang nghệ sĩ tuk dang angaok sân khấu./.