Gam song bruk patagok di ban raya, gah pato megru ban raya HCM ngak hu rilo bruk praong njauk pok meyaom. Urak ni ban raya hu ba akaok  nao dahlau dalam negar ka bruk XH hóa pato pakai so0ng paglong chất lượng pato pakai. Meng bruk ngak ni, gah pato megru ban raya dak harei dak khang, pabak ka bruk bac daa di bhap bini song pabak menuac ka bruk patagok KTXH. Hương Lý, urang vak di rayo sap ndom VN dok di ban raya HCM hu kadha vak “Gah pato megru ban raya HCM njauk song ban raya angan Wa. Daa mik va song tong abih gauk tui pang. 

          Ban raya HCM,urak ni hu 85 sang bac dân lập, tư thục song 35 sang bac hu pambuak tal negar langiu. Bruk XH hóa pato pakai brei adat ka dom sang bac samar buh jien tame padang ngak cơ sở song pandap panda pabak ka bruk pato pakai, brei ka anek saih labik bac megru dak harei dak siam. Yaok thun, langiu yaom jien buh brei ka bruk pato pakai labaih 7.140 tỷ đồng, bruk XH hóa pato pakai ban raya hu dong jiak sa ribau tỷ đồng ka dom bruk dịch vụ, dong ka sang bac khik bruk pato song bac megru dak harei dak siam jang. Sang bac THPT pakat dunya Việt Úc, hadei di 10 thun peih tabiak hu jeng sa labik piah ka rilo amaik ame, anek saih payua hatai jia tame. Jalan ngak di sang bac nan lac pamaong tal jalan pato pakai bharau piah tacei pato ilamu khoa học, nao gam dom yaom glong song ilamu duikrai yau urak ni, padang tabiak sa labik bac megru siam mekre, ginup pandap panda, bak hatai anit ranam. Amuk Hoàng Thị Lan, sa urang dalam hội đồng quản trị, Hệ thống sang bac Dân Lập pakat dunya Việt Úc lac: Tong abih anek saih di sang bac jeng hu caik hatai sangka song iek prong, hu bac da-a di labik siam mekre saong jalan pato pakai bahrau piah hu pato tabiak menuac urang siam hatung hatian, hu ilamu glaong pabak hu bruk caong khin di XH bahrau.

Oh lac peih prong labik bac da-a, khik ginup labik bac ka anek kamuan di bhap bini bo chất lượng pato pakai ban raya jeng hu paglong. Dom gru pato saong anek saih ban raya mek hu giải glaong  dalam dom mbang pakacah pakat negar song dunya dak harei dak rilo. Thun bac meng bloh, ban raya HCM hu jiak 300 anek saih naih gheih di abih mek hu giải anek saih joi pakat negar song dunya. Yau ye adei : Trần Ngọc Châu, Trương Nhựt Cường song Nguyễn Phương Duy jeng lac anek saih sang bac THPT chuyên Lê Hồng Phong mek hu giải 4 mbang pakacah anek saih roh duah ilamu Intel ISEF di Mỹ. Adei Lê Anh, anek saih tal bac 8 sang bac Quốc tế Á Châu mek hu giải 3 Nyaom pakacah tin học văn phòng dunya Microsoft 2013, adei Vũ Trần Đình Duy, anek saih tal bac 12 sang bac PTTH chuyên Lê Hồng Phong mek hu huy chương pariak dalam mbang pakacah Olympic Vật lý bhum châu Á - Thái Bình dương. …

Hadah mbaok meta lac sa labik nao dahlau dalam bruk ba dom tanut bahrau di dunya tame piah tong yaom ilamu bac sap negar lingiu, bac tin học ka anek saih, ban raya HCM daok lac labik ba akaok dalam bruk ba mô hình sang bac bahrau mbeik drei tame dunya, blei pandap panda tame ka sang bac tui jalan hiện đại hóa. Langiu di bruk pambuak internet, pato meng giáo trình điện tử, rilo sang bac daok hu màn hình 3D, bảng tương tác thông minh…piah ka gru pato padang bài giảng meng thaot binguk, âm thanh tui hatai khin, saong ba tabiak rilo bruk ka anek saih hu mbaok tame. Anai Hồ Dương Châu, gru pato sang bac tiểu học Lê Ngọc Hân ndom lac: Tuk hulin pandar bảng Active board ni mboh lac biak siam nan lac anek saih oh lac hu bac meng meta meng tangin bo dom adei dok hu yam takai nao mai,  nan ye tuk tame labik ni dom adei biak takre. Anh văn nan lac sa sap negar lingiu nan ye hu bac megru tui jalan yau nan biak siam.

Gam song bruk buh jien tame pasiam labik bac da-a, paglaong bruk pato pakai, Sở pato megru ban raya HCM dok sangka tal bruk parilo gru pato, urang jakar khik iek, pabak ka bruk salih bahrau pato pakai bo Mintri pato megru hu ba tabiak. Urak ni ban raya HCM  hu jiak 75 ribau urang jakar, công chức, viên chức. Dalam tuk mbeik drei tame dunya, Ban raya HCM mboh lac brei padang ngak ban raya jeng sa pasak prong ka bruk pato megru chất lượng glong di taneh ia. Piah ngak hu bruk ni, ong Lê Hồng Sơn, akaok Sở pato megru ban raya HCM brei thau:

Ban raya HCM daok jhul pakhang bruk XHH, buh jien tabiak padang ngak sang bac, tal bac, ni lac sa pren khang klak rabha ka dom sang bac công lập, dom danak dak bahrau di negar langiu jeng meda peih ngak. Abih di nyu nan lac sangka pato pakai pabak ilamu ka dom urang khik iek bruk pato megru, gru pato piah patom tame ginup, piah bruk quy hoạch di khaol hulin ginup chuẩn piah hu dom menuac ngak bruk siam.

          Meng dom kham merat dalam salih bahrau tong abih gah bruk pato megru, ban raya HCM kham merat jeng sa dalam dom pasak pato pakai chất lượng glong di taneh ia, dong ba bruk pato pakai di VN dak harei dak mbeik drei tame khu vực song dunya./.