Thun ini, baoh sang muk Nguyễn Thị Thanh Danh daok palei 6, xã Hà Tam, huyện Dak Po, tỉnh Gia Lai pala 2 hecta samekai. Kayua pandiak bhang tua riya yau nan ye baoh samekai baoh sit, takik baoh lahik daok meteh. Hadei pablei 40 tấn samekai, kaoh abih jien buh tame ngak, sang muk Danh lahik yaok pluh triệu đồng.

Angaok mblang hamu, mikva urang ngak nong di dom huyện gah Pur saong Easar tỉnh Gia Lai daok paik baoh samekai. Kayua langik oh lagaih, pandiak bhang tua riya gam saong dom mbang langik laar ba tal baoh samekai sit biak takik baoh, labaih meng 20 tal 25 tấn sa hecta, trun meteh dut saong dom thun dahlau. Gam saong nan, bruk pablei samekai jeng biak kan, pambak tame darak pasar Trung Quoc. Tui nan, urang blei khin blei samekai baoh praong trak 5kilo tagok, ralo baoh samekai di Gia Lai oh hu. Yaom samekai bo urang negar langiu ba tabiak oh dang sa labik yau nan ye urang blei pak ini jeng gaok oh lac takik kan kandah. Muk Nguyễn Thị Thanh Thủy, urang daok di ban sit An Khê, tỉnh Gia Lai lac: “ Thun ini, meng urang blei tal urang pala samekai thei jeng gaok kan kandah. Urang blei jeng khat, yau ye blei samekai labik ini oh ginup tấn ye brei nao dauh labik karei ka ginup. Darak pasar diah blei yaom glaong hasit, khol dahlak blei tui min pablei tabiak yaom trun, urang khat lahik rilo. Bruk pablei tabiak biak kan.”

Bilan samekai thun ini tỉnh Gia Lai hu labih mneg 800 tal 1.000 hecta samekai, ralo meng dom huyện gah Đông saong Đông Nam. Tukvak ini, yaom samekai pablei di mbalng hamu trun biar. Ngan saong samekai baioh praong drak labaih 5 kilo, hu pablei tabiak negar langiu tui yaom jien méng .500 tal 2.300 đồng sa kilo, daok samekai baoh sit tok pablei di darak drei tui yaom jien meng 300 tal 700 đồng sa kilo. Duk saong tuk vak ini thun dahlau, yaom samekai trun meng 3 tal 5 mbang, min biak takik urang blei. Urang pala samekai oh ba samekai nao pablei hu kayua jien pah urang paih saong pajeng ba biak chiat. Ong Phạm Thanh Vân, akok UB bhap bini xã Sró, huyện Kong Chro, tỉnh Gia Lai lac: “Khol dahlak kuhria rah tapa, meyah pablei hu 2.500 đồng sa kilo meng mek hu phun jien, meyah yaom pablei biar jang ye khat rilo. Khol dahlak caong khin suai lavik, dom pakat karja brei hu bruk ngak cambaic laic, pambuak atau ngak yau habar piah hu labik pablei samekai ka mikva urang nong.”

  Meng dalikan khat lahik mùa, yaom pablei lap baoh samekai yau brei mboh, gam saong dom kan kandah kayua lagik oh lagaih, jit ruak, bruk pablei tabiak kaya nong daok kan ngak. Dalam tuk nan, sarak brei ngak suai lavik piah daong mikva urang ngak nong klak khat lahik lac Bảo hiểm nong nghiệp daok oh ka bhian randap saong mikva urang ngak nong tỉnh Gia Lai. Tui Quyết định 315/QĐ-TTg thun 2011 di Thủ tướng Rajaei ka bruk peih ngak iek Bảo hiểm ngak nong, tok hu dom janih phun pala, athur raong hu ngak iek jeng yau brei peih ngak dom tỉnh, ban. Dalam nan, Gia Lai saong dom tỉnh Tây Nguyên oh ka peih ngak bruk ini. Mikva urang ngak nong dalam bhum daok khin hu sarak daong bruk ngak nong. Ong Võ Văn Hưng, Akok jabat Ngak nong saong patagok palei pala huyện Kong Chro,  tỉnh Gia Lai lac: “Njauk ndem tal bruk pablei kaya nong urak ini biak kan, Dom janih phun pala di huyen yau tangei, bei, samekai saong dom janih njam patam biak kan kandah bo bruk pablei oh hu labik blei yau nan ye kan ka urang nong. Dalam 21 tỉnh, ban dalam taneh ia hu ngak iek bảo hiểm nông nghiệp ye Gia Lai oh ka ngak bruk ini. Tui dahlak, meyah hu bảo hiểm blei kaya nong nan biak siam bo urang nong khin hu, biak sang caik hatai.

Lac tỉnh pala samekai meng lavik mai, min bilan samekai ini, urang nong tỉnh Gia Lai kan kandah abih kayua samekai takik baoh, yaom lap. Bruk ini jia lac daok rah tabiak veik, oh lac eng samekai bo daok rilo urang nong karei daok di Tây Nguyên jeng yau nan meyah khol drei tok hu sa labik pablei tabiak./.