Dom harei ni, bui sambai dok mboh di angaok mbaok meta di urang Bh’ noong dok di 8B, xã Phước Lộc, Phước Sơn, tỉnh Quảng Nam. Hadei di jiak 2 thun nduac duak tame dalam ceik glai kayua huac anek khamot glai hu rah tabiak ngak ka rilo urang metai kanyah ka bhap bini, mik va biak huac kanda biak rambah rambeip dok di labik glai. Urak ni di angaok di jeng bahrau sang ủi veik, bhap bini jak gauk mai ni padang sang, ngak palei rai duik siam mekre, dok jiak tapen gauk. Kadha vak di urang vak Hoài Nam dok di gah kreih negar. 

          Lavik ye bahrau hu mboh rai duik sami samar di sa labik “thâm sơn cùng cốc” di huyện Phước Sơn, tỉnh Quảng Nam. Urang likei Bh’ noong nao tame glai tah phun jak kayau ba mai padang sang, adei saai thavir thavar uak ramik gaok glah, jam panyin piah tame tu. Dom uranaih mbaok meta nhem nhuốc duah khan aow kuhria caga tal sang bac. Mboh biak anit, amaik ame di dom adei kayua huac metai ám hại boh sang bo ba anek tame glai. Dua thun tapa, dom adei oh hu taom gaok song gah langiu, oh hu nao bac, rilo adei njauk lavan lavaih. Ong Hồ Văn Biên, palei 8B xã Phước Lộc, huyện Phước Sơn, tỉnh Quảng Nam drut droi ndom lac, dahlau deih dalam palei rah tabiak gam gam dom urang metai oh thau makna hagait. Mik va medhin lac hu “ma ám” yau nan ye klak palei tabiak nao. Mbang camereip sang di saai dok gi geh, min bloh mboh mik va klak palei nao abih, drei dok veik huac khamot nyu tame nan ye biak huac. Sahnang yau nan, saai nao tui mik va tame dalam glai. Urak ni hu gilac mai palei bahrau, dui pasang saai mboh bui hatain lo. Saai Hồ Văn Biên brei thau:

 ( Dok dalam glai biak gleih glar, urak ni hu sang dok tani tanat siam mekre. Padang sang bloh brei ka anek nao bac daa. Hu sang dok siam merke ye abih puk palei. Urak ni dok mboh bui sambai lo.

          Piah ba tong abih 16 boh sang di palei 8B, xã Phước Lộc gilac mai palei bahrau, dom pakat ủy Đảng karja huyện Phước Sơn, tỉnh Quảng Nam rilo mbang tame glai pachreih ba, langyah ka bhap bini thau makna ba tal metai. Nan lac kayua bhap bini jia tame bruk kakuk Jang mebang, oh ba urang ruak tame sang iek ruak. Jang yau piah tui hatai khin di bhap bini palei, huyện Phước Sơn parabha labik dok biak mbuan lagaih, klak nyaih taneh klauk. Jiak 3 bilan tapa, Phước Sơn, tỉnh Quảng Nam peih bruk san ủi mặt bằng, ba tong abih bhap bini mai ni. Gilac mai palei bahrau, yaok boh sang hu dong 10kg brah piah hu mbang dalam dom harei akaok, hadei di tuk tani tanat labik dok, xã brei ka bhap bini sa drei pabui jnuk piah pok kakuk jang mebbang. Ong Nguyễn Đức Toàn, Akaok UB bhap bini xã Phước Lộc, huyện Phước Sơn, tỉnh Quảng Nam brei thau:

          Khol hulin gam song sang bac song dom mban, dom gah kapul nyaom hu ginum biai jak ba mik va samar mai dahlau di bilan hajan ribuk, piah ka anek kamuan hu nao bac daa. Mbang camereip xã hu blei dom pandap thô sơ yau kapak, xà ben  dong ka mik va piah ka mik va salih mai ngak sang. Dok suia lavik ye pabha taneh sx jang yau mblang padai ia, bloh tacei ba ka mik va tagok bruk sx, rong glang, pala drak, tani tanat rai duik.

          Yaom lac hu tani tanat labik dok, dom tin đồn ka bruk metai lihik di palei 8B, xã Phước Lộc, huyện Phước Sơn, tỉnh Quảng Nam hu caik veik rilo bruk oh ka siam ka bhap bini. 2 thun tapa, mik va dang anak dom kan kandah, kurang pandap panda, hoảng loạn tinh thần, yaok uranaih njauk klak bac meteh dhi. Bruk njauk nyai nan lac oh dok di xã Phước Lộc bo rilo labik di dom huyện bhum ceik glong di tỉnh Quảng Nam,  bhap bini klak puk palei nao tabiak truh kayua medhin lac hu khamot jin. Bruk ni brei mboh, bruk pathau khan langyah ilamu ka mik va dok dok rilo patakik./.