Amuk Nguyễn Thị Phương Thảo, urang dang akaok Tập đoàn Sovico, Tong Yam ndok Vietjet Air

Ong Võ Quang Huệ, Phaok TGĐ VinGroup khan lac: Hadei di 20 bilan hu mbaok tame darak pasar ô tô, hu labaih 40 rabau ô tô angan Vinfast hu peih, hu nduac angaok jalan mbak Việt Nam. Ong Võ Quang Huệ brei thau, anak tal Vinfast brei kham merat rilo mbang jang dahlau daih gam haong bruk daong di Rajaei, di bhap bini Việt Nam, Vinfast kham ngak ka pahu bruk daok caong ngak di drei lac rik daong dak padang Việt Nam kaya meda, khang kadang:

  Kadha praong di abih, lac VinFast caong pambak tabiak hu hatai "Khang kadang Việt Nam" tal bol bhap rahra. Meng prein khang Việt Nam, kol drei ba gauk padang 1 Việt Nam khang kadang, kaya meda, khang hatai yam samu takai haong dom taneh ia praong, khang di angaok dunya.

Amuk Nguyễn Thị Phương Thảo, urang dang akaok Tập đoàn Sovico, Tong Yam ndok Vietjet Air ndom lac: “Ginum biai 2045” ba mai pachreih ba praong gah hatung hatai ka urang ngak mbang, urang hu ilamu, bac da-a glaong. Hatai caong tal thun 2045 - pahadar 100 thun harei padang taneh ia, Việt Nam jeng 1 taneh ia cakrok patagok, jien mek tame hu glaong lac 1 cuang kandah min kol drei hu dom prein khang piah ngak ka hatai caong jeng biak. Dalam tuk ngak bruk nan, tui amuk Thảo, doanh nghiệp tư nhân brei hu bruk salih bahrau jalan sahneng, brei khang hatai,, kein lagaih meng dom sarak hu ngak samu gauk di Rajaei, di dom mintri, dom gah, dom tỉnh ban, padang tabiak bruk ngak mbang, pablei salih samu gauk di dom gah kinh tế, di dom doanh nghiệp:

Kol dahlak caong lac Rajaei jia tame kinh tế tư nhân, jia tame doanh nghiệp, ba gauk pataom tame patagok gah kinh tế tư nhân. Daong padang tabiak dom kapul nyaom kinh tế tư nhân hu prein khang saong hu angan pablei salih dalam taneh ia, angaok dunya, gam haong nan jhul patagok dom doanh nghiệp mbiah saong sit, gah ngak nong, palei pala, dom Cty padang mbang ngui.

Ong Vũ Thành Tự Anh, urang dalam kapul Tư vấn kinh tế di Thủ tướng mboh lac, lingiu di bruk daong palagaih ka doanh nghiệp cakrok ye brei hu pambuak haong pato pakai menuac ngak, raong pato dom menuac naih gheih ka harei hadei. Tapa nan piah brei mboh bruk naih gheih lac jalan piah patagok dom sang bac đại học praong, dom viện roh duah saong dom doanh nghiệp praong… Lingiu di nan, ong Vũ Thành Tự Anh caong lac brei hu sarak, jalan ngak lagaih piah dui pachreih rilo menuac naih gheih saong jien padai di urang Việt Nam daok di taneh ia langiu:

Kol drei hu dom sarak lagaih piah dui pachreih dom urang ini mai, dui pachreih menuac naih gheih, dui pachreih jien padai piah patagok taneh ia. Nan lac jalan piah kol drei nao tal thun 2045 jeng taneh ia kaya meda, khang kadang saong ngak jeng bruk njauk hatai pachreih tui di bangsa.

Thủ tướng Nguyễn Xuân Phúc tuk brei panuac tamat bruk Ginum biai 2045 caong lac taong abih gauk ba tangin tame ngak ka Việt Nam hu jak jeng jang, piah ka taong abih dom urang ilamu, urang bac da-a glaong hu labik piah buh prein, hu rilo doanh nghiệp yam tagok jeng Tập đoàn di dunya. Việt Nam 2045 meda lac blah rup cih mekre bo taong abih dom rai harei ini saong harei hadei meda cih tagok nan./.

Urang lang: M.Phuong  10/3/2021