5 thun tapa, tỉnh An Giang hub uh tame labaih 8,2 tỉ đồng padang ngak yaok rituh công trình cơ sở hạ tầng di bhum urang Chăm. Taphia di nan, khik ramik, patagok rilo bruk ngak meng kan yau menyim khan bai, pet, pak; pablei salih, ngak dịch vụ pambuak saong du lịch, parilo jalan sản xuất, pablei salih, patagok jien mek tame paglaong rai diuk. Ong Haji Zacky, akaok mban lambaok bhap bini Islam tỉnh An Giang brei thau, tapa dom danak dak saong dự án đầu tư patagok bhum urang bangsa takik, urang chăm daok di dom huyện An Phú, Châu Phú saong ban sit Tân Châu padang ngak hu 6 khu dân cư barau. Meng nan, jalan talei điện truac hadah saong hệ thống ba ia pandar hu patagok samu gauk; rik daong jhul pakhang rai diuk saong bruk ngak mbang, ngak huak di bhap bini dak harei dak hadah hadai. “Urak ini hu 77 anek kamuan urang chăm di An Giang daok nao bac di negar langiu saong labaih 100 adei tame trung học chuyện nghiệp, cao đẳng, ĐH. Meng jiak 5 thun mai ini, uranaih bangsa chăm dalam umo nao bac hu meng 95% tagok. 

 Mai rivang veik palei chăm Vĩnh Hòa, xã Vĩnh Hanh, huyện Châu Thành, kol dahlak mboh katuak drei anak bruk “salih barau” di bhum palei ini. Rah tui jalan praong hut uh bê tong, hu tamuh tagok ralo baoh sang praong, siam. Meda lac sang halei jeng hu radaih mac, hu tivi, rilo sang daok hu mac li-ua, radaaih ô tô… Meng thau salih baraau akaok saneng, kham merat ngak mbaang saong hu bruk sangka di karja palei nan ye rai diuk mbang ngui daok dang di bhap bini labik ini hu ralo salih barau mboh di anak meta.

Phaok akaok UB bhap bini xã Vĩnh Hanh Nguyễn Thanh Tú brei thau: rai diuk di bhap bini Chăm Vĩnh Hòa hu salih barau biak rilo. Ralo sang hu tabiak truh kan kathaot saong yam tagok ngak kaya meda. Taphia bruk khik kajap dom mô hình sản xuất meng kan, urang chăm Vĩnh Hòa daok patagok ralo bruk ngak barau hu kein laba glaong yau bruk raong limo limek, raong le le saong ngak padai chất lượng glaong, njam patam, pablei salih sit…. Meng dom ilamu siam mekre meng kan di drei, bhap bini urang chăm hu jalan lagaaih piaah ngak du lịch.

Meng thun 2010, “DL palei chăm” hu sangka padang ngak di dom palei chăm Đa Phước, huyện An Phú saong palei Chăm Châu Phong, ban sit Tân Châu. Ngan saong dom baoh sangmegik praong tapen kraong Hậu sahlut mbut, dom palei chăm ini bhian pachreih tuai damuai kayua nyu mekre saong ndung bak ilamu. Tuk mai tal palei chăm, tui damuai hu mbang dom janih pandap mbang meng kan, hu iek dom kadha doh tamia biak mekre, dom gian hang pandap lưu niệm kayua urang chăm ngak tabiak. Palei chăm Đa Phước lac labik mai tal di ralo tui tamuai, abih di nyu nan lac tui negar langiu, yaok bilan hu jaik 3000 mbang tui tamuai. 

Urak ini, palei chăm Đa Phước hu 2 mblang kapal duh ka bruk ba tui tamuai nao mai rivang me-in. Ong Ysa, urang palei chăm Đa Phước brei thau: ‘sang dahlaak hu salih barau meng bruk pablei pandap khan bai ka tui tamuai negar langiu. Tui biak takre dom pandap thủ công meng kan di kol dahlak, abih di nyu nan lac khan ma – tơ ra. Meng nan, ralo sang dalam palei hu paglaong jien mek tame.

 Tapa phà Châu Giang lac tal dua palei chăm Phú Hiệp saong Châu Phong, ban sit Tân Châu. Di Châu Phong urak ini hu jaik 500 baoh sang bhap bini Chăm, dalam nan paleiPhũm Soài hu jaik 300 baoh saong sa meteh dalam dom baoh sang nan menyim khan bai, ngan saong sa hợp tác xã Châu Giang pataom ralo xã viên menyim khan bai piah pabak ka darak dalam saong langiu taneh ia. Pandap menyim tabiak ralo meng lac tanyaik khan bai, ao choàng, sarông, khan mbar takuai me-om akaok, khan lang bàn… Phaok akaok UB bhap bini xã Châu Phong Mari Dâm brei thau: ‘Ralo tui tamuai biak chreih chrai tuk hub a drei tame dalam rai diuk yaok harei di urang chăm Châu Phong. Meng dom siam mekre dalam dom thun jaik di ini, DL ilamu chăm meda tagok jang. Ini lac jalan ka bhap bini urang chăm Châu Phong salih barau kinh tế, taphia di nan khik ramik saong patagok hu ilamu meng kan di urang chăm./.