Dalam dua mbang mesruh metak peih paha bangsa, yaok pluh ribau dam dara thanh niên halar hatian klaak bhummi, khang hatai chreih chai tagok jalan ngak bruk yau palai jal patau kayau, peih jalan, padang ngak tatua, gaok mai ngak cọc tiêu diuk ka dom đoàn radaih nao tapa dom labik trọng điểm piah nao tal tiền tuyến. Ralo công trình jalan mbak nao mai saman mesruh metak pambuak pagam haong dom địa danh dui atah meng gah Barak tal Meraong, hu jeng minh chứng diuk ka hatai quả cảm, chiến công oanh liệt di bol lin dam dara thanh niên xung phong, tapa nan, rik daong biak prong tam mbang mesruh metak, yasa taneh aia.

Dalam dom thun mesruh metak taong Mỹ, tui panuac iew di phong trào “Klau sẵn sàng”, harei 13/7/1965 gam haong yaok ribau dam dara bal ine, Vũ Thị Vịnh – urang kamei Hà Thành umo oh ka bak 16 klaak bruk bac da-a, halar hatian tabiak trận. Pandap bhian randap lac tapuk kalam urak ini salih jeng ba lô trak bak dom quân tư trang, pandap mbang menyum, jaleing, cop. Meng ga Hàng Cỏ (Hà Nội) tal labik pataom mbaok di Ninh Bình piah peih mbaok ka bruk hành quân nao kabak yaok rituh mbaik jalan tal dom labik trọng điểm bo kaol khamang taong palai khang dalam Quân khu 4 saong tuyến chi viện chiến lược Trường Sơn. Urak ini amuk Vũ Thị Vịnh ngak Akaok Ban công tác urang kamei dahlau diah ngak thanh niên xung phong quận Đống Đa. Amuk brei thau, angaok jalan nao kan kandah, kaol khamang Mỹ cuh palai biak khang piah cakak jalan daong ka gah Meraong, nan ye bruk khik kajap jalan nao mai hu siam mekre tuk halei jeng brei ngak dahlau: “Dam dara xung phong bal ine, meng tuk bahrau tame nhập ngũ dalam Khu 4, bhum taneh pui, darah. Labik akaok mereip khaol dahlak tame Nghệ An ngak jalan 15, bloh tame Hà Tĩnh ngak jalan 22, hadei di nan khaol dahlak nao tame dalam ngak jalan 20 bilan 10 taphia jalan 20 quyết thắng, jalan Trường Sơn huyền thoại. Dalam tuk nao ye angaok akaok kapal haok nyu par bak, njauk nao luac harei melam kham marat oh caik ka jalan klaoh ngan haong khẩu hiệu “Đích harei ye ngak melam”; “min kol khamang nyu taong harei taong melam, nan ye khaol drei gam melam gam harei”. Ralo urang hu jeng dom cọc tiêu piah khik ka dom  radaih nao”.

 Tui jalan ngak yau Yuan lac "Quyết tử ka Tổ quốc quyết sinh", dam dara halan hatian nao taong Mỹ, daong taneh aia hu mbaok grauk labik dom canah jalan tabiak trận, van klaak rup drei piah ngak siam dom bruk yau: peih jalan chiến lược; pajeng ba quân trang, pandap mbang menyum; trực chiến, khik iek dom labik trọng điểm bo kaol khamang nyu taong palai, pasiam veik tatua, jalan, duah klaak mbom mìn, ba jalan ka radaih nao mai hu siam mekre... Lac sa urang Việt daok di Thái Lan, tui sap iew di phong trào “Klau sẵn sàng” harei nan, ong Phạm Văn Khôn, urang dahlau diah ngak thanh niên xung phong quận Đống Đa brei thau, ong lac urang hu brei bruk pacang caga angaok langik di Đại đội. Bruk ngak nyu trak jang tuk ong oh lac khik kajap ka canah jalan chiến lược, bo hadei di nan lac sinh mạng di ayut sahabat angaok canah jalan. Ong Phạm Văn Khôn khan lac: “Bruk di khaol dahlak nan lac phòng không đại đội, kapal haok mai oh brei nduac, palaik hadom mbom, labik halei, tuk kapal haok nao njauk thau daok hadom baoh oh ka patuh, njauk klauk hala dok brei thau piah khik sinh mạng ka 200 urang. Tuk mbom patuh, dahlak oh sanenghagait  tal rup drei, min  huac ayut sahabat drei metai”.

Hadar veik tukvak hadah mbaok meta nan lac tuk hu khik ka jalan Trường Sơn nao mai hu siam mekre dalam 16 thun, amuk Nguyễn Thị Bích Liên, palei daok pak Thái Bình, hadar veik, thun 1968, kapul thanh niên xung phong di amuk klaak palei nao tame Trường Sơn, dalam labaih sa bilan, melam nao harei padeih piah plaih kapl haok di Mỹ. Dalam dom harei bilan rambah rambup nan, dom sa-ai tuk halei jeng chreih chrai bui sambai. Kapul daoh tamia di mBan Xây dựng 67 hu padang tagok ngan haong 20 urang. Sa tukvak hadei, Kapul hu ba tame kapul Văn công di Mentri Giao thông Vận tải jeng Kapul Văn công “Sap daoh kateik sap mbom”. Amuk lac sa dalam dom urang ba akaok nao dahlau, kham merat abih hatai jai di umo daok ranaih. Harei ngak văn công, khik siam ka giao thông chiến hào, melam jeng anai gru pato akhar haroh…Amuk Nguyễn Thị Bích Liên khan veik: “Hu mbang khaol dahlak njauk mbom lam kateik,  min adei sa-ai takac tagok padeih hasit bloh ngak bruk di drei. Tuk nan lý tưởng glaong ralo, yau hu hagait nan nyu pachreih khaol dahlak biak khang. Dom kadha daoh yau “Cô gái mở đường”, “Trên đỉnh Trường Sơn”…daoh ye mboh khí thế hào hùng, oh daok saneng tal metai lahik, drei nao drei ngak, ngak siam bruk  di drei piah ka dom radaih pajeng pandap nao hu ralo ye drei mboh bui sambai chreih chrai lô”.

Bruk mesruh metak dak harei dak khang, thanh niên xung phong pak halei, ngak bruk hagait jeng hu mbaok di grauk dom mặt trận. Kayua yau nan ye, oh lac dalam negar saoh, ralo thanh niên xung phong daok nao ngak nhiệm  vụ dunya. Ong Mai Đắc Hoạt, urang dahlau diah ngak thanh niên xung phong Cienco 8, sa dalam dom urang dahlau diah ngak thanh niên xung phong nao ngak nhiệm vụ dunya di Lào brei thau: Thun 1972, tui harak pambuak bruk di Raja-ei Việt Nam saong Mặt trận Lào ranam taneh aia brei padang Tổng đội thanh niên xung phong 572 tapa daong negar ayut Lào ngak jalan meng pabah mbang negar Na Mèo tal tỉnh Sầm Nưa di chiến trường C. Ini lac Tổng đội thanh niên xung phong akaok mereip ngak nhiệm vụ ini. Jalan cách mạng hữu nghị atah 90 km hu padang ngak meng hatai quả cảm di likei kumei dam dara halan hatian harei nan: Adei sa-ai tuk nan daok ranaih oh huac metai lihik kham merat ngak siam bruk di drei. Tuk nan mesruh metak ye ndih dalam glai, ngak melam. Kapal haok cuh palai harei ye melam mai ngak haong khẩu hiệu page pandiak, biar harei hajan ye kreh pandiak ngak pabak. Lam lubang mbom, ngak jalan ka ayut drei tabiak mặt trận rik daong ka harei peih paha Lào 2/12/1975. 5 ribau lin hu mbaok angaok canah jalan atah 90 cây số. Kayua talei rohim dunya daong Lào jeng lac daong ka drei nan ye thanh niên xung phong biak abih hatai van klaak rup drei brei ka negar ayut Lào jeng lac daong ka drei piah ka talei rohim pambuak nao mai di dua negar cakrok patagok”.

Dom urang ngak thanh niên xung phong dahlau deih urak ini umo taha praong thun, min dom kadha di saman kan kandah rambah rambup nan jeng daok ngak ka urang mboh chreih chrai. Rup binguk dom sruh radaih juak pajeng phao ndao nao tapa mbuan ceik, tapa mbom siu piah daong ka chiến trường, gam haong rup binguk dom likei dam, kumei dara oh huac metai lihik, oh huac eik lipa, oh huac ruak hakik, harei melam tak ceik, jah glai… jeng daok miat dalam glo akaok di dom urang nan./.