Rilo kapul nyaom pala phun kayau piah hadar tal Wa Ho 

Hadei di tuk Hà Nội song gah brak mek hu jayah, harei 25/8/1945, Chủ tịch Hồ Chí Minh meng chiến khu mai veik labik langiu ban Hà Nội. Beir harei hadei, Kapul Trung ương taduan Wa mai daok di bilik ka 2, boh sang 48, jalan Hàng Ngang, Hà Nội piah tacei pato tapak bruk ngak. Wa dang akaok mbang nyaom di Thường vụ Trung ương Đảng ginum biai bruk đối nội, đối ngoại, song batabiak sarak brei samar peih bruk tabiak mbaok rajaei lâm thời.

Meng saboh mesup harei 2/9/1945, yaok ratuh ribau menuac dang tapak tani tanat, hala dok khan bai rilo sambo màu, khan ao hadah tanyak ba gauk mai mblang bein Ba Đình, Hà Nội. Dom biểu ngữ sambo meriah haroh katam meng dom sap Việt, Anh, Pháp, Hoa, Nga tuan angaok jalan praong. Thei jeng bui sambai chreih chrai cang tal tuk tabiak rai negar Việt Nam Dân chủ Cộng hòa.

Mon 2 jala pandiak harei 2/9/1945, Hồ Chủ tịch song dom urang dalam rajaei lâm thời tabiak lễ đài. Kadha doh Tiến quân ca menyi tagok, thei jeng caoik meta maong tagok hala dok meriak bhong patuk katam. Lambaok rajaei lâm thời, Wa Hồ puac harak Tuyên ngôn độc lập, khan brei abih bhap bini Việt Nam, song dunya thau lac: Taneh ia Việt Nam Dân chủ Cộng hoà độc lập, tự do tabiak rai ! Sap Wa cambaih laih, khang kadang. Dalam sap pah tangin, sap preo meyaom, uan tabuan, Hồ Chủ tịch lac “Akau menyai bhap bini mehit cambaih halei oh ?”. Javap jalei panuac di Wa, yaok triệu sap preo tagok “mehit cambaih”, dane khang yau sap cakala.

Harei 2/9/1945 peih tabiak sa saman bahrau, mbang camereip abih rahra Việt Nam hu quyền ngek glong akaok, hadah mbaok meta  lac drei hu jeng rahra di sa taneh ia tự do song độc lập. Tong abih bhap bini Việt Nam ba tangin tame bruk mesruh pacang bak rambah rambeip, oh sahneng hagait tal rup drei, oh damen drap ar, ralow drah di drei, gam mesruh gam padang taneh ia.

Ngan song bhap bini Việt Nam, harei  2/9 lac sa harei gam prong prang, gam hadah hadai.Sajarah taneh ia drei hu  sa bruk oh thau ndom habar, yau Yuan lac “trùng hợp thật diệu kỳ”. Mesup harei 2 bingun bilan 9 thun 1969, langik sadum sup yau anit ka menuac sia daok duh hatai. Dom urang dalam mintri Chính trị mai rivang Wa ginup abih. Dalam boh sang 67, Wa ndih angaok boh kapan sit, ndih var nao. Tuk nan lac  9 tuk  47 minite, boh hatai anit ranam prong glong di Wa nyu padeih megei. Wa nao klaak kol drei ye, Wa tapa nao lot daih, caik veik ka Đảng drei, bhap bini drei blah Di chúc lịch sử. Nan lac dom panuac kakei puac di abih, lac hatai anit ranam di Wa ngan saong dom rairah harei ni song harei hadei .

Meng bruk trùng hợp sajarah nan, yaok thun, bhap bini drei tal harei 2/9 gam peih bruk pahadar harei Negar, gam peih ngak pathi Wa Hồ. Bhap bini lac: “Wa yau amaik ame drei, urak ni Wa palang lahik, lac anek taco njauk pok kakuh ka njauk adat cambat di anek taco”. 

Dom jalan sahneng di Chủ tịch Hồ Chí Minh dalam Tuyên ngôn Độc lập harei  2/9/1945 hu jeng pren khang prong glong di bangsa Việt Nam yam tapa dom kan kandah, tavak tavaiy, ngak tui panuac sanya ginreih dalam harei Lễ độc lập: “Tong abih bangsa Việt Nam khang hatai ba abih prein yava, drap ar tabiak piah khik kajap quyền tự do, độc lập nan”. Tui jalan nan, cách mạng Việt Nam ala bruk tacei pato di Đảng Cộng sản Việt Nam song Chủ tịch Hồ Chí Minh praong uranam mek hu dom jak jeng prong, hu makna dak rai dalam luac labaih  70 thun tapa.

Urak ni, tong abih urang Đảng, abih bhap bini drei dok jhul khang bruk salih bahrau abih gah dalam tuk bruk dunya dok rilo srau kadau, pagam tapak tal taneh ia drei, peih tabiak dom mbuan lagaih saong dom cuang kandah. Piah pambak tame,, patagok siam di abih dom mbuan lagaih, yam tapa kan kandah, tavak tavaiy, kol drei brei jum pataom gauk, sa hatung hatain haong gauk, patagok pren khang jum pataom bangsa, jhul pakhang abih gah, samu gauk dalam bruk salih bahrau, kham merat samar ba taneh ia drei jeng sa taneh ia ngak cong tui jalan bahrau, paglong rai duik di bhap bini. Pahadar 76 thun harei Quốc khánh negar CHXHCN Việt Nam (2/9/1945 - 2/9/2021), tong abih urang Đảng, abih bhap bini, abih bol bala dak kanal hadar dalam hatai song patagok bruk jum pataom bangsa tui jalan: "Mbuan rituh mbang oh hu rahra oh jeng hagait, kan ribau mbang hu rahra ye salah abih". Kadha ini jeng daok tamo yaom glaong di nyu dalam saman jhul khang bruk công nghiệp hóa, hiện đại hóa song ba drei tame dunya, abih di nyu nan lac tuk taneh ia pataom tame pacang caga jit ruak Covid 19./.

Urang lang: Hanipha -2/9