Harei ni 28/1/2021 lac harei ngak bruk ka 3 di nyaom roya mbang ka XIII di Đảng. Tui danak dak, tuk page, urang ngak bruk di hội trường, patui bruk ginum biai dom harak di nyaom roya.

Lavik melam 27/1, hadei di tuk brei thau lac hu 2 urang njom Covid-19 dalam bhap bini, dalam nan hu 1 urang di Hải Dương saong sa urang di Quảng Ninh, Phó Thủ tướng Rajaei Vũ Đức Đam, Akok Ban tacei pato pakat negar, pacang caga jit COVID-19 saong Akok Mentri Y tế Nguyễn Thanh Long peih bruk ginum biai samar tapak ngan saong 2 tỉnh Quảng Ninh saong Hải Dương. Dalam melam 27 saong page 28/1, Mentri Y tế brei dom kapul di Mentri Y tế nao Hải Dương daong bruk dut iek, tui nan peih ngak dom jalan pacang caga, duah saong ba nao daok karei dom urang hu taom gaok jaik saong dom urang dương tính di labik daok saong labik ngak bruk. Phó Thủ tướng Rajaei Vũ Đức Đam kakei: Kayua jaik tuk Tết Nguyên đán, yau nan ye bruk peih ngak dom jalan pacang caga jit brei glaong jang sa pakat. Hải Dương brei pagap ngak yau Đà Nẵng dahlau diah, Mentri Y tế brei daong abih hatai, yau nan min Hải Dương brei pataom tame biak rilo, ngak habat piah dalam 10 harei pacang hu abih”.

Kuhria tal harei 25/1, dom tỉnh thành Đoàn  di dalam negar hu padang jalan peih ngak jaik 1 ribau 500 danak dak bruk ngak uan salam nyaom roya mbang ka 13 di Đảng saong harei padang Đảng cộng sản Việt Nam meda hu peih tabiak di harei 3/2, pachreih labaih 50 ribau urang đoàn, dam dara saong ieu pataom labaih 30 tỷ đồng piah padang ngak.

Ban raya Ho Chi Minh hu rilo menuac dang dhi kadua di bhum Đông Nam Á, urang pandar radaih rilo patagok tal tabung glong ngan saong 7,5 triệu radaih patuh saong 2/3 dalam nan lac radaih patuh klaak. Ban raya jeng lac tha dalam 10 ban raya njom nerak tachrauk  abih di dunya…Tui dut iek quan trắc di 30 labik dalam Ban raya HCM mboh dom asar nerak tachrauk parilo tagok yau dhur mun par, dhur klik, ngak jhak tal prein yawa. Bruk nan hu ba tabiak di Nyaom pataom iek veik Danak dak roh duah ngak iek bruk pasang iek khí thải radaih mô tô, radaih patuh daok peih, pamaong tal bruk dut iek khí thải mô tô, radaih patuh daok peih di ban raya, rik tame bruk pasiam alam moi truong yawa langik kayua Sở GTVT TPHCM peih ngak harei kabroi. Urang ngak praong di Viện Môi trường ba tabiak jalan dut iekradaih patuh meda hu peih ngak di pasak, hadei di nan peih praong dalam Ban raya rik tame patrun takik nerak tachrauk.

Pambuak tal bruk công an pasang iek dom sang pablei jru tavao praong abih di Đồng Nai, jabat CSĐT Công an Đồng Nai hu ba tabiak tui hukum hình sự piah duah thau bruk dauk kak je. Tui nan, 3 sang pablei jru daok di ban sit Biên Hòa lac: sang pablei jru Sỹ Mẫn (136 Võ Thị Sáu, phường Thống Nhất), sang pablei jru Mẫn Sơn Minh (135-137 Phan Đình Phùng, phường Quang Vinh) saong Công ty TNHH Sơn Minh (160 Phan Đình Phùng, phường Trung Dũng). Dom sang pablei jru ni, daok dalam dom sang pablei jru praong abih di Đồng Nai, pablei jru ka dom tỉnh Đồng Nai, TP.HCM saong dom tỉnh jaik taphia. Dahlau di nan, tapa pasang iek, Công an tỉnh Đồng Nai hu cap khik abih tih 220 thung jru dom janih, yaom labaih 5 tỉ đồng.

Gah Y tế pambuak châu Mỹ harei kabroi 27/1 brei thau, hu labaih 1 trieu urang metai kayua Covid-19 di gah Barak saong Meraong Mỹ. Ta-eng adit dahlau, hu 2 trieu urang njom ruak di châu Mỹ dalam nan lac bhum jit praong abih. Di dunya hu labaih 100 trieu urang njom ruak ye hu 44 trieu mbang urang daok gah Barak saong Meraong Mỹ. Di Bắc Mỹ, dom sang iek ruak dak harei dak  trak damah saong dom bang di Mỹ, urang ruak Covid-19 meblah 80% laneing ndik di jabat taong ruak trak. Bruk deih yau nan jeng daok rah tabiak di Mêhicô, labik hu dom urang njom di labik hu tagok tal 3 mbang.

Harei 16/1 meng blaoh, Prang brei dui atah maong giới nghiêm di dalam negar meng maong 6 melam tal maong 6 dah page harei hadei. Ni lac jalan ngak hu rajaei negar ni caong lac sa bruk piah plaik pacang cakak mbang ka 3. Dalam rilo harei tapa, yaom lac hu rilo urang ilamo saong urang par akaok puk palei hu panuac ieu pacang cakak chip, min rajaei France jeng daok caong maong tame jalan ngak ni. Min, kuhria tal tukvak ni, maong giới nghiêm, yaom lac mboh siam lagaih, min jeng ka oh ginup piah pacang caga jit. Rajaei France daok duah rilo jalan ngak, dalam nan hu bruk pacang cakak mbang ka 3 daok mboh biak cambaih. Dalam dom harei anak tal, negar ni meda kuhria ba tabiak bruk pacang cakak yau habar saong meng tukvak halei.

Mintri An ninh dalam negar Mỹ harei 27/01 hu kakei bhap bini Mỹ ka dom bruk kanjak jhak khủng bố dalam negar dalam dom adit anak tal. Mintri An ninh negar Mỹ hu pandar tal Hệ thống kakei negar piah ba tabiak panuac pathau khan nan. Mintri ni brei thau dom urang cực đoan cagar veik bruk salih Tổng thống saong bruk ngak di rajaei jeng njauk kan kandah kayua dom khau tin oh njauk meda ngak pachreih atau hu dom bruk taong paok dalam tukvak anak tal./.

Urang lang: Ai Nghiem - Thu Thao  28/1/2021 10:50:00