Gam song taneh ia, labaih 450 ribau anek saih di tỉnh Đak Lak chreih chrai yam tame thun bac bahrau 2014-2015.  Ni lac thun bac camereip ngak tui sarak 29 di  Ban Chấp hành Trung ương Đảng (khóa XI) ka bruk ‘salih bahrau gah pato megru, pabak bruk CNH-HĐH. Kadha vak di  Gia Nguyên, urang vak di mbao Dak Lak hu khan ka bruk ni, daa mik va song tong abih gauk tui pang.

Bruk kuhria caga ka thun bac bahrau 2014-2015 hu gah pato megru tỉnh peih ngak biak avar. Langiu di bruk daong ka UB bhap bini tỉnh tabiak tukvak ka thun bac, Sở pato megru hu tacei brei thau cambaih laih Chỉ thị 3008, harei 18-8-2014 di mintri pato megru ka bruk ngak prong di yaok pakat bac thun bac 2014-2015 tal dom jabat pato megru, dom đơn vị di xdrei.

Gam song dom bruk chuyên môn karei karei, Gah pato megru hu kuhria caga cơ sở vật chất, pandap panda pato pakai, harak tapuk giáo khoa song dom tài liệu karei karei ka thun bac. Dalam nan dom puk palei hu buh tabiak 26 tỷ đồng padang ngak bahrau 61 duk bilik bac (phun jien xã hội hóa labaih 638 triệu đồng). Dom đơn vị di Sở hu buh tabiak 43 tỷ đồng padang ngak bahrau, pasiam veik duk bac, bilik bộ môn, bilik thí nghiệm thực hành, sang công vụ ka gru pato, jaman vệ sinh.

Tal tukvak ni, dalam tỉnh hu 981 sang bac (rilo jang 10 sang bac dut song thun bac dahlau) labaih 15.400 bilik bac, 450.326 anek saih dom pakat, dalam nan hu 150 ribau adei anek saih bangsa takik. Thun bac ni, gah pato megru brei buh dahlau 14 tỷ đồng blei pandap panda ka pakat bac mầm non, 4 tỷ đồng blei pandap pato sap negar lingiu. Langiu di nan, dom sang bac jeng hu brei tapuk giáo khoa, but, siphau, pandap bac ka 137.895 anek saih hu mbang tui sarak dong jien bac da-a tui Nghị định 49, Nghị định 74 di rajaei song anek saih bangsa takik, ngan song yaom jien jaik 54 tỷ đồng. Meda  ndom lac, dom đơn vị, dom sang bac dalam tỉnh hu caga siam di abih ka thun bac bahrau, dom gru pato song dom anek saih daok hu mbuan lagaih di abih ka thun bac bahrau.

Taphia di bruk buh jien ngak sang bac, duk bilik bac, pandap bac, gah pato megru hu palih ruah 151 urang jakar ngạch giáo viên thun bac 2013-2014, tagok jien bilan dahlau tukvak ka 219 urang, saong brei pabak, pasiam quy hoạch urang jakar khik ramik tukvak 2015-2020. Gah pato megru di tỉnh urak ni hu labaih 37.550 urang jakar, công nhân viên, rilo jang labaih 1.700 urang dut song thun bac dahlau, song jiak 100% gru pato mek hu tanut chuẩn. Piah salih bahrau song pagok chất lượng pato megru, meng akaok bilan hè thun 2014, gah pato megru kham merat pato pasram paglaong chuyên môn - nghiệp vụ, pasram megru paglaong ilamu pandar dom thiết bị công nghệ thông tin tame bruk pato pakai, pato pasram paglaong ilamu ndom puac sap negar lingiu……, abih di nyu nan lac iek prong bruk pasram megru piah salih bahrau jalan pato song bac tui jalan rèn luyện kỹ năng tư duy, patagok năng khiếu, pato pakai ilamu diukrai ka anek saih.

Thun bac 2014-2015 gah pato megru tỉnh pataom tame ngak 4 bruk prong nan lac: patui jalan patagok siam lagaih bruk khik ramik, paglong chất lượng song siam lagaih bruk pato pakai, patagok kapul gru pato song urang jakar khik ramik, tagok nguồn lực đầu tư song salih barhau bruk jien padai di gah pato megru. Min biak di nyu, dom bruk salih bahrau nan hu peih ngak dalam dom thun jaik di ini, abih di nyu nan lac thun bac 2013-2014 song hu ba mai siam lagaih. Tapa nan anek saih đỗ tốt nghiệp thun bac 2013-2014 di tỉnh hu 97,98% (tagok 2% dut song thun bac dahlau) dalam nan anek saih tốt nghiệp loại Giỏi, Khá hu 12,54%. Bruk ni brei mboh jalan nao njauk di gah pato megru tuk jao quyền ka dom sang bac peih bruk pato pakai. Kayau yau nan ye, thun bac 2014-2015,  dom sang bac phổ thông daok hu jao quyền tự chủ dalam bruk padang jalan pato pakai ka nyu lagaih haong bruk di sang bac, dong salih bahrau jalan pato pakai song salih bahrau bruk pasang iek, tong yaom./.