Dalam harei roya bui sambai ini, bhap bini di palei Hòa Lạc A, xã Lương Hòa A, huyện Châu Thành, tỉnh Trà Vinh jak gauk hadar veik ilamu meng kan di Mặt trận Negar Việt Nam saong iek veik dom bruk pakacah gauk ngak. Dalam thun blaoh, dom baoh sang dalam palei peih ngak dua bruk jak ba nan lac “Taong abih bhap bini jum pataom dak padang raidiuk ilamu di labik daok” saong bruk jak ba “Harei daong urang kan kathaot”…bruk padang raidiuk ilamu daok hu khik kajap, bhian pambuak bruk saong dom chi hội, kapul nyaom di palei pathau khan, jak ba bhap bini dak padang “raidiuk ilamu, baoh sang ilamu”, cak rok patagok saong khik ramik ilamu bangsa, khik ramik labik daok hacih sa-at. Jum pataom patagok bruk dân chủ, ngak siam bruk tacei ba di Đảng, hukum di karja, dak padang cơ sở chính trị khang kajap. Jum pataom klah rabha saong gauk dom kan kandah dalam raidiuk; patagok jaln diukrai “ menyum ia hadar tal halau ia”, “ bayar dhar phol”, daong dom baoh sang dalm sarak karja. Dalam harei roya Jum pataom thun ini, rilo kapul nyaom, urang hu pok meyaom dom bruk ngak rik tame daong puk palei luac thun tapa. Ong Tô Kim Hơn, urang dalm palei brei thau:

“Thun taom thun dom palei labik halei jeng peih ngak harei Jum pataom dom bangsa. Mikva bangsa Khmer khol dahlak biak jia tame Ndang, Karja. Sanya daong Ndang, Karja dak padang taneh ia Viet Nam khang kajap, kaya meda, xa hoi sumu gauk, tiến bộ, dân chủ, văn minh, gam saong 54 bangsa karei jum ptaom gauk, daong ba gauk, anit ranam gauk.”

          Mai taom mbaok saong mikva palei Hòa Lạc A, xã Lương Hòa A, huyện Châu Thành, tỉnh Trà Vinh, Akok Ủy ban T.Ư Mặt trận Negar Việt Nam Nguyễn Thiện Nhân hu meyaom dom bruk ngak hu dalam dom thun tapa, meyeom dom baoh sang, urang naih gheih dalam palei. Ong Nguyễn Thiện Nhân lac: piah patrun kan kathaot mikva brei pambuak talei rohim, jum pataom gauk, daong gauk dalam bruk ngak mbang. Dalam nan, jalan daong gauk siam di abih lac tapa HTX, padang HTX ngak mbang tui jaln birau piah pablei pandap ngak tabiak di mikva.

Harei ini tame palei Hòa Lạc A, xã Lương Hòa A khol dahlak mboh bui samba. Sang kathaot meng labaih 50% hadei 10 thun trun daok 13%. Min khin ngak veik brei salih birau jalan ngak oh luai ka ban thei thei ngak, brei daong gauk. Urang ngak nong caong khin pablei hu pandap drei ngak tabiak. Khin hu urang blei njauk biai gauk pala phun ini phun diah saong pablei labik halei hadei di nan gah pachreih nong, kapul urang nong ba tame pala pajaih phun hu yaom glaong.

Ông Nguyễn Thiện Nhân iek praong dom rik daong di bhap bini palei Hòa Lạc A meng pren di drei daong brei piah padang labaih 1 ribau mét jalan, padang palei ilamu dalam 10 thun tapa. Ong Nguyên Thien Nhan pandar dom urang ngak praong di palei Hòa Lạc A patui bruk jak ba bhap bini ngak pasiam baoh sang taik tahak. Saong caong khin Tỉnh Trà Vinh, huyện Châu Thành tacei pato bruk ngak ka sinh viên piah hadei di tuk bac tamat baloh duah hu bruk ngak tani tanat, kham merat oh daok baoh sang kan kathaot, khik kajap angan aplei ilamu dalam 10 thun hadei. Patui di nan, ong Nguyễn Thiện Nhân hu alin 30 drei limo ka dom baoh sang urang ngak nong huyện Châu Thành, tỉnh Trà Vinh./.