Gam saong yaok triệu baoh hatai urang Việt Nam daok pamaong tal tasik pulao di taneh ia, harei 27/6, rilo urang kumei cuak ariya dalam taneh ia hu pataom gauk di Miuyim urang kumei Nam Bộ piah hu mbaok dalam danak dak “urang kumei ba gauk khik caga biển Đông”. Ngan saong kadha “urang kumei Việt Nam saman halei jeng abih hatai anit ranam taneh ia”, dom urang kumei cuak ariya hu brei mboh hatai anit ranam taneh ia, pamaong tabiak tasik pulao di taneh ia meng dom panuac ariya ndung bak hatai anit ranam taneh ia, anit ranam sron mbon, pamaoh mesruh metak, halan hatian dang tagok ka taneh ia. Nan lac dom asal kadha bo Kim Dung, urang vak di rayo sap ndom Việt Nam daok di ban raya HCM hu ndom tal tapa kadha vak hadei di ini:

Nhà thơ Huệ Triệu, urang dalam Hội Nhà văn ban raya HCM hu nao tal Trường Sa di thun 2012. Ngan song urang kamei cuak ariya, nan lac sa mbang nao oh var hu mbiah tal harei ni, dom cảm xúc ka Trường Sa jeng daok tamo dalam hatung hatai di saai. Rup binguk urang lin tasik pan kajap phao labik akaok riyah – jhung ngin, tal bhap bini slut mbut dok di angaok palao atau rup binguk tasik pulao tuk hu riyak prong ngin ribuk tuk halei jeng dok dalam hatai di saai tuk ndom tal dua boh panuac “ Trường Sa”. Nhà thơ Huệ Triệu khan lac: Hu sa kadha tuk halei jeng daok dalam hatai, nyu ngak ka drei mboh drut droi mbiah tal harei ni, nan lac dahlau di tuk tabiak tal Trường Sa ye khaol hulin mai meng angaok thu bhian sahaneng lac drei ba tal ka dom saai dom panuac pachreih ba dom panuac klah rabha. Min tuk nao tal Trường Sa ye khaol hulin ba mai baoh taneh dom kadha ngak ka drei khang hatai jang. Hulin thau dar phol dom urang lin, dom anai gru, dom adei sit, dom urang nan hu brei ka khaol hulin dom cảm xúc piah sáng tac.

Meng hatung hatian anit ranam nan gam song bruk tự hào ka tasik pulao di taneh ia bo nhà thơ Huệ Triệu hu ba riyak tasik tame dalam ariya tapa dom kadha yau: “Tổ quốc và cánh sóng”, “Viết ở Trường Sa”, “Vọng sóng”…

Oh ka hu nao tal Trường Sa yau nhà thơ Huệ Triệu, min nhà thơ Huỳnh Thúy Kiều, sa urang cuak ariya mai meng Cà Mau meng lavik mai mboh trak hatai song tasik biển Đông. Ngan saong nhà thơ Huỳnh Thúy Kiều, bruk anit palao tasik taneh ia  nan lac dom vần thơ ndom tal hatai anit ranam, bruk hi sinh di dom urang amaik, urang duik, urang payo di dom urang lin tasik, urang kiểm ngư dok ngak bruk di tasik. Dom kadha ariya ka tasik pulao di sa-ai yau ye “Adei vak ka sa-ai meng labik takai lingiu”, ‘Adei haong amaik tabiak rivang sa-ai” … lac panuac ndom di  hậu phương khang kajap, lac labik pambak tame di dom urang lin lingiu pulao atah. Tapa nan brei mboh sa kadha lac: Trường Sa, Hoàng Sa nan lac di VN song yaok boh hatai tuk halei jeng pamong tal tasik palao di taneh ia. Urang kamei cuak ariya khan lac “Klaak nao taong abih dom sahneng kuhria, min hu sa bruk prong di abih nyu daok miat nan lac hatai anit ranam taneh ia nyu praong jang abih dom bruk anit ranam karei. Taneh ia drei oh brei lihik nao yaom lac sa cen – ti – met  tasik. Ribuk khang ye, adei brei saai ka taneh ia anit ranam.

Ariya ka tasik palao oh lac hatai anit ranam, lac niềm tự hào, lac bruk  pok meyaom atau bruk pandik hatai anak bruk meblah mek di kol khamang, bo nyu daok ndung bak “tính thời sự” ka bruk taneh ia. Tuk dom urang ngak di Bình Dương, Đồng Nai, Vũng Áng trun jalan phản đối Trung Quốc padang giàn khoan njauk kol kanyah jak nyu lợi dụng, pacuh pajarak, palai pajoa pandap panda di dom DN, meng akaok sahnang hadah krah pan but, nhà thơ Trầm Hương hu paneh tabiak bài thơ “Tháng năm nóng bỏng” piah payua panuac pahadar tal dom dam dara brei thau anit ranam taneh ia ka nyu njauk jalan. Dom vần thơ di urang kamei thi sỹ Trầm Hương brei mboh trách nhiệm di sa bol bhap rahra, paglong hatai kiên nhẫn anak bruk kan kandah di tasik biển đông, yau “dar phor dom plak tangin pambuak kajap saong hatai kiên nhẫn vô biên/ brei anek thau boh kruac Trần Quốc Toản/ dar phor bruk kiềm chế kan jang bộc phát/ ranam taneh ia nan lac yaok urang brei duikrai ka nyu siam jang …”. Nhà thơ Trầm Hương khan lac:

 ‘ Oh tuk halei yau tuk ini, bruk anit ranam taneh ia njauk pambuak pagam song ilamu kayua ilamu glong di abih nan lac ilamu di hatai anit ranam taneh ia. Yaok urang duikrai siam jang, ngak jeng pren khang siam jang di bangsa, kayua khaol drei oh dang taeng di yaok  menuac urang bo khaol drei lac pren khang di tong abih bangsa meng ja yah hu kol khamang.

Dom vần thơ, sap ndom meng boh hatai bak cảm xúc song bak chất thép di dom urang kamei cuak ariya jeng lac sap ndom di yaok triệu boh hatai VN anit ranam taneh ia dok pamong tal tasik pulao ginreih di taneh ia./.