Daok di tapen kraong Bồ,  yaok pluh thun ini mai, sang amuk Nguyễn Thị Hiền daok di tổ dân phố 4, phường Hương Vân, ban sit Hương Trà tuk halei jeng mboh pandik akaok meng bruk mek cuah di tuk melam. Amuk Hiền brei thau, melam halei jeng hu yaok pluh baoh ghe mai mek cuah mbiah tal sabuh hadah. Sap jamriak patuh pandik akaok oh ndih hu. Meng tuk karja rami ramik veik, bruk mek cuah suan adat di kraong Bồ trun biak rilo.

Băng: Harei halei jeng hu jamriak patuk pandik akaok. Urak ini urang mek cuah atah di takai kraong jeng takik duh hatai jang, oh huac di bilan pandiak, min bilan hajan oh thau yau habar.  

Meng akaok thun, mô hình khik iek bruk mek cuah di kaoh palei Lại Bằng, phường Hương Vân, thị xã Hương Trà hu peih tabiak ngak iek tui jalan ngak di tỉnh Thừa Thiên-Huế. Dom ghe mek cuah brei tut angan saong brei tui tacei pato di mban khik iek. Ong Hoàng Kim Sơn, hu labaih 10 thun mek cuah di kraong Bồ brei thau: dahlau deih, dom ghe bhian loa mek cuah di tuk melam:

 (Urak ini hu  mô hình ni adei sa-ai kol dahlak tuk ngak hu mban khik iek tacei labik mek cuah. Oh daok bruk ngak melam, ngak loa ngak klaik tra. Urang brei ngak yaok harei dua mbang.)

Piah ka bruk mek cuah di Hương Vân hu suai livik, njauk quy định, yaok ghe hu adat brei mek cuah 2 mbang dalam sa harei saong brei kak je tài nguyên saong phí môi trường 10 nghìn đồng/ yaok 1m³. Ong Nguyễn Xuân, Chủ tịch UB bhap bini phường Hương Vân, ban sit Hương Trà, tỉnh Thừa Thiên-Huế brei thau: Hadei di 7 bilan peih tabiak, mô hình hu ba mai siam lagaih, ba bruk ngak mbang tani tanat ka 200 urang ngak. Bruk mek cuah randaih suan adat, ngak srau kadau di tuk melam oh daok gac: 

(Meng tuk peih bruk nan mbiah tal urak ini bruk mek cuah hu tani tanat saong ba bruk ngak mbang duah jien ka urang diuk meng bruk cuah randiah ini. Oh daok bruk mek cuah di tapen kraong tuk melam, urak ini brei mek cuah atah di yaok gah takai kraong nan  60 mét. Saong oh khat lihik gah tài nguyên.

Mô hình jao labik mek cuah angaok kraong Bồ ka puk palei, ala bruk khik iek di karja palei nan lac bruk ngak siam, daong ka palei khik ramik hu siam jang drap ar, khik hu an ninh trật tự, ba bruk ngak mbang tani tanat ka bhap bini diuk meng bruk mek cuah ini./.