.Pathau mikva saong taong abih gauk! Miễn giảm thủy lợi phí lac sarak di Đảng karja piah klah rabha dom kan kandah saong mikva urang nông, daong ka bhap bini kak kajap saong bruk ngak nông. Min bruk suai bayar veik thủy lợi phí daok ngak kan kandah ka bruk ngak di dom hợp tác xã ngak nông di huyện Krông Ana, tỉnh Đắc Lắc. Kadha vak di urang vak di rayo sap ndom VN daok di Tây Nguyên brei thau ka bruk nan:

Thun 2006, HTX dịch vụ ngak nông Quyết Tiến, ban sit Buôn Trấp, huyện Krông Ana hu padang tagok meng 3 blai njuk điện dalam palei, duh ka bruk pruh labaih 1000 ha padai iaa di 1.480 baoh sang urang nông ngak dalam mblang hamu bilan 10, mblang hamu A, B di ban sit Buôn Trấp saong xã Bình Hòa. 3 blai njuk hu siam lagaih, pren pruh ralo hu daong ka urang nông mbuan lagaih jang dalam bruk pala drak, mblang hamu gam gam ngak njauk nan ye mikva biak jia tame bruk ngak di đơn vị. Ong Hồ Hoàng, akaok tổ dân phố 6, ban sit Buôn Trấp brei thau:

 “Tal tuk ba ia tame hamu, palei kol dahlak pambuak bruk haong HTX tuh ka kol dahlak ginup ia labik halei glaong, labik halei dauk HTX jeng thau, HTX rabha ia biak siam. Harei ini ô ini, harei daih ô daih nan ye khik kajap hu ia”.

Min ong Trần Hữu Tiến, Giám đốc hợp tác xã Quyết Tiến brei thau, bilan tal, HTX oh daok ba ia ka bhap bini hu kayua kurang jien. Dom thun dahlau, HTX mbaoh tangin pambuak bruk tapak saong yaok baoh sang bhap bini dalam bruk khik iek, khai thác, khik caga ngak pasiam saong ba ia tal hamu. Min meng thun 2008, karja hu miễn giảm thủy lợi phí ka bhap bini ye bruk thu – chi nyu gaok kan kandah. Tui nghị định 67 ka yaom bayar pabak thủy lợi phí, bhap bini tok đóng meneng jien dịch vụ hadei cống akaok kênh nan lac 750 ribau đồng sa ha, daok karja pabak tame 1 triệu 629 ribau đồng sa ha piah daong brei. Min, jien bayar pabak thủy lợi phí nan tuk halei jeng suai damuai. Thun 2014, HTX Quyết Tiến hu karja ưu đãi jien bayar pabak thủy lợi phí labaih 1 tỷ 700 triệu  đồng, min tal urak ini barau peih brei hu 870 triệu đồng. Ong Trần Hữu Tiến, Giám đốc hợp tác xã dịch vụ ngak nông Quyết Tiến lac: 

 “Tui nghị định 67 di thủ tướng rajaei ka bruk bayar pabak thủy lợi phí ye thun 2014 kol dahlak barau taduan hu 47%. Thun 2015 HTX jeng oh ka taduan hu yaom jien daok veik tui quyết toán di gah jien padai tỉnh, dalam tuk nan, HTX tavak tal 700 triệu jien điện, daok jien bilan di công nhân tavak 4 bilan dalam nan hu mban quản trị”.

Dreih yau nan, HTX ngak nông – dịch vụ Thanh Bình daok di Buôn Triết, xã Dur KMăl, huyện Krông Ana khik iek sa hệ thống công trình thủy nông pabak ia pruh ka 2.200 ha padai ia daok di 2 huyện Krông Ana saong huyện Lắc. Thun 2014, hợp tác xã hu harak brei bayar pabak thủy lợi phí labaih 3 tỷ 650 triệu đồng. Min tal urak ini, HTX barau taduan hu 1 tỷ 700 triệu đồng. Dalam tuk nan, HTX daok tavak labaih 600 triệu đồng jien điện. Piah khik kajap bruk ngak, mban quản trị HTX njauk padang drap ar di drei piah mesraiy jien gilang pariak saong mesraiy pandiak di gah langiu meng bayar hu meneng jien điện, bayar jien bilan công nhân, pasiam veik jamriak. Ong Nguyễn Văn Sanh, Giám đốc Hợp tác xã dịch vụ Thanh Bình lac:

 “Thủy lợi phí brei ka thun 2014 taong abih dom HTX di huyện Krông Ana saong huyện Lắc  karja daok tavak 53% tra, dui tui thủy lợi phí thun 2015 dom HTX jeng oh ka taduan hu jien thủy lợi phí halei. Jien điện, ralo dom HTX njauk ba drap ar di baoh sang atau di thành viên nao padang piah bayar jien điện piah duh ka bhap bini kayua hu mbaoh tangin saong bhap bini bloh njauk duh tal labik”.

Hợp tác xã Quyết Tiến saong hợp tác xã Thanh Bình tok lac 2 dalam 7 HTX dịch vụ ngak nông di huyện Krông Ana daok njauk karja tavak jien pabak thủy lợi phí thun 2014 abih tih labaih 6 tỷ 800 triệu đồng. Dom HTX brei thau meyah tukvak anak tal bruk pabak thủy lợi phí oh hu langyah ye dom HTX biak mbuan padeih ngak. Bruk ini nyu ngak kan kandah tal bruk pala drak di  bhap bini labik ini, abih di nyu nan lac bilan thu đông daok jaik tal saong bruk pandiak bhang jeng daok rah tabiak. Anak dom panuac caong di dom HTX, ong Nguyễn Thiên Văn, akaok Liên minh Hợp tác xã tỉnh Đắc Lắc brei thau”

          “Dang anak bruk yau nan, Liên minh hợp tác xã tỉnh hu pok panuac tagok UB bhap bini tỉnh saong dom sở ngành sangka, daong brei, ba mbuan lagaih tui jalan lac phun jien di TU daong ye hu parabha  ka dom HTX piah khik kajap, tani tanat bruk ngak”./.