Hadei di daong hu, sa urang anek saih kamei bac tal 12 jeng oh ka abih thur mek khan brei thau: Kayua harak gar buh ka sang bac nyu oh ka lagaih yau nan ye adei hu payua khau tin saong ngak tui dom pato tacei ye blaoh hadei nan mek hu phone taong mai meng lek taka oh thau krein. Nda lac urang ngak dalam dom sang bac taong phone mai piah ka thau nan adei ngak tui pato tacei. Adei khan gilac: Dom urang nan taong phone mai khan brei thau drei lac urang Kong an, ndom mayai saong dom adei gam tal bruk “Pachot pagat atau bruk pablei jru aphil kasa tapa talei negar” saong pandar adei ngak tui tacei ba, meyah oh ngak ye njauk daok guk. Hadei nan, kapul chot pagat pandar dom adei tame App “ZOOM WORKPLACE” saong pabak ma ID piah hu mbaok tame kapul chat. Dom urang nan ndom njauk angan, Can cuoc di adei saong peih camera tagok adei mboh cuk aw kong an ngak bruk haong dom urang karei nan jeng sahaneng lac biak.”

"Dom urang nan hu amaik ame adei sa-ai daok di sang nan oh jie hu, pandar anek tabiak khach san daok sa drei ka meng jie. Tuk nan pandar anek mek app grab mai blaoh tacei ba anek. Tuk anek daok cang radaih nyu jeng maong pasang iek anek tapa zoom. Tuk tame khach san blaoh nyu blei harak bilik ka anek bo oh tanyi khau tin atau brei can cuoc. Anek sahaneng lac dom cei kong an ramik caik dahlau ka anek paje. Tuk anek yam tame bilik oh hu thei nan tuk kareik mbang anek jeng takik huec."

Sa urang karei jeng lac anek saih bac tal 12 brei thau: “dom urang padang tabiak bruk daok ngak bruk saong gam gam gham lac di ini hu Mentri Kong an, Vien kiem sat, pandar adei pambuak bruk…”; “Dom urang nan gam gam maong pasang adei oh brei tabiak truh jamraik phone daok pandar, daok ndom haong adei lac oh ngak tui ye lac ngak cagar urang ngak bruk karja bo adei ye daok nao bac, adei huec ba angan drei tame harak ngak kanjah jhak ka adei nan adei ngak tui”.

Taong tame hatai dom adei anek saih oh nao atah, dom kol bleik plue dom adei tabiak truh di sang, ta-eng pah bilik mai tal khach san, sang pah daok piah khik kandauk, pambuak pasang duah thau. Hadei tuk gam gam gham saong ngak ka urang njauk pagat huec kanda, ta-eng neh tabiak haong baoh sang, dom kol bleik pandar urang taong phone ka amaik ame adei sa-ai atau blah mek zalo di urang piah ta-eng taong phone tal urang dalam sang piah “ndok jien pabuh”. Jalan ngak dreih yau nan, rah tabiak rilo di dom xa, phuong hu ngak ka oh takik urang srau kadau. Trung ta Nguyễn Thanh Bình, Phaok akaok Kong an phuong Bình Đức brei caga lac:

"Ini lac bruk ngak bahrau gam saong dom urang pambak tame angaok labik mang piah ngak srau kadau ka adei sa-ai ka bruk mek dauk piah ndok jien. Kong an brei pacaga tal amaik ame ngan haong dom adei bahrau praong tagok pandar intenet brei hu thau dom blah mang njauk tantu piah plaih dom kol bleik chot pagat."

Piah caga plaih hu dom bruk kanjah rah tabiak, Kong an tinh An Giang pakakei brei caga tal rahra brei caik hatai caga, samar drah brei thau khau tin urang dalam sang saong jabat Kong an polih labik jaik abih piah hu daong dil samu; gam haong nan oh hu tame dom APP atau ngak tui tacei ba di dom kol bleik piah plaih caga lahik abih jien blaoh daok lakar rup saih./.